اعمال 18:6 - پنجابی نواں عہد نامہ نظرثانی شدہ چھپائی

⁶ تے جد اوہ مخالفت کرن تے کُفر بکن لگّے۔ تے اوس اپنے کپڑے پھاڑ کے اوہناں نُوں آکھیا۔ تُہاڈا خُون تُہاڈے سِر اُتّے ہوئے میرے ذِمّے نئیں رہیا۔ ایدوں اگّے غیر قوماں ولّ جاواں گا۔

اعمال 18:6 ပူးပေါင်းရင်းမြစ်များ

متّی 10:14

تے جے کوئی تُہانوں قبول نا کرے نا تُہاڈیاں گلّاں سُنے تے اوس گھروں یا اوس شہروں نِکل دیاں ای اپنے پیراں دی دُھوڑ جھاڑ دیو۔

متّی 21:41

اوہ اوہنوں آکھن لگّے اوہناں بُریاں دا بُری طرح ناس کرے گا۔ تے انگور دا باغ ہورناں مالِیاں نُوں سونپے گا۔ جیہڑے ویلے سر اوہنوں پَھل پُچاؤن گے۔

متّی 21:43

ایس لئی مَیں تُہانوں آکھنا آں پئی خُدا دی بادشاہی تُہاڈے توں کُھوئی جائے گی۔ تے اوس قوم نُوں بخشی جائے گی جیہڑی اوہدا پَھل لِیائیا کرے۔

متّی 22:10

تے اوہ نوکر باہر جا کے راہاں اُتّے بُرے بھلے جِنّے ٹکّرے سبھناں نُوں اکٹّھے کر کے لے آئے تے ویاہ والا گھر پَروہنیاں نال بھر گیا۔

متّی 27:25

تے ساریاں لوکاں جواب دِتّا۔ اوہدا خُون ساڈے تے ساڈی اولاد دے سِرے اُتّے ہوئے۔

متّی 8:11

تے مَیں تُہانوں آکھنا آں پئی بتھیرے چڑھدیوں تے لہندیوں آؤن گے تے ابرہام تے اِضحاق تے یعقُوب دے نال اسمان دی بادشاہی وِچ بَیٹھن گے۔

لُوقا 22:65

تے طعنہ مار کے ہور کئی سارِیاں گلّاں اوہ دے برخلاف آکھیاں۔

لُوقا 9:5

تے جیہڑے تُہانوں نا قبولن اوس شہروں باہر جاندِیاں اپنے پیراں دا گھٹّا اوہناں اُتّے گواہی لئی جھاڑ دیو۔

اعمال 13:51

پر اوہ اپنے پیراں دا گھٹّا اوہناں دے اگّے جھاڑ کے اِکُنِیُم وِچ آئے۔

اعمال 26:11

تے سارے عبادت خانیاں وِچ اوہناں نُوں کئی واری سزا دے کے مَیں اوہناں توں کُفر اکھواؤندا ساں۔ تے اوہناں اُتّے بڑا سَودائی ہو کے مَیں اوہناں نُوں اوپریاں شہراں تِیکر وی تنگ کِیتا۔

اعمال 26:20

پر پہلاں دمِشق تے یرُوشلِیم دے رہن والیاں نُوں تے یہُودیہ دے سارے دیس وِچ تے غیر قوماں نُوں وی دسدا رہیا۔ پئی تَوبہ کرو تے خُدا ولّ پھر کے تَوبہ دے لائق کمّ کرو۔

اعمال 28:28

سو تُسی جان لو پئی خُدا دی ایس نجات دی خبر غیر قوماں ولّ گھلّی گئی اے۔ تے اوہ اوہنوں سُن وی لین گِیاں۔

رُومِیوں 3:29

خُدا نِرا یہُودِیاں دا ای اے تے غیر قوماں دا نئیں؟ ہاں اوہ غیر قوماں دا وی اے۔

۱-تِیمُتِھیُس 5:22

کِسے بندے اُتّے چھیتی نا ہتّھ رکھّیں تے دُوجیاں دے گُناہ وِچ نا رَلیں۔ تے اپنے آپ نُوں پاک رکھّیں۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

۱-پطرس 4:14

جے مسِیح دے ناں دے سببّوں تُہانوں طعنے مِہنے مِلدے نیں تے تُسی مُبارک ہو۔ کیوں جو جلال دا یعنی خُدا دا رُوح تُہاڈے اُتّے رہندا اے۔

۱-پطرس 4:4

ایہدے اُتّے اوہ اچرج ہوندے نیں۔ پئی تُسی اوہناں دے نال ایڈی بدچلنی نئیں کر دے تے طعنے مِہنے دیندے نیں۔