اعمال 18:5 - پنجابی نواں عہد نامہ نظرثانی شدہ چھپائی

⁵ تے جد سِیلاس تے تِیمُتِھیُس مَکِدُنیہ توں آگئے تَد پَولُس کلام سُنان دے جوش نال مجبُور ہو کے یہُودِیاں اگّے گواہی پیا دیندا سی۔ پئی یِسُوع ای مسِیح اے۔

اعمال 18:5 ပူးပေါင်းရင်းမြစ်များ

لُوقا 12:50

پر مَیں اِک بپتِسمہ لینا اے۔ تے جِنّاں چِر اوہ پُورا نا ہوئے مَیں بڑا اَوکھا رہاں گا۔

لُوقا 16:28

کیوں جو میرے پنج بھرا نیں۔ تاں جو اوہناں دے اگّے اوہ گواہی دیوے۔ اجیہا نا ہوئے پئی اوہ وی ایس عذاب والے تھاں وِچ آؤن۔

یُوحنّا 1:41

اوس پہلاں اپنے سَکّے بھرا شمعُون نُوں لَبّھ کے اوہنوں آکھیا پئی اساں نُوں خُرستُس یعنی مسِیح مل گیا اے۔

یُوحنّا 10:24

تے یہُودِیاں گھیرا پا کے اوہنوں آکھیا کِنا کُو چِر تُوں ساڈے جی نُوں شک وِچ رکھنا ایں؟ جے تُوں مسِیح ایں تے سانُوں صاف دس۔

یُوحنّا 15:27

تے تُسی وی گواہ ہو کیوں جو تُسی مُڈھوں میرے نال ہو۔

یُوحنّا 3:28

تُسی آپ ای میری گواہی دیندے ہو پئی مَیں آکھیا سی پئی مَیں مسِیح نئیں آں پر اوہدے اگّے گھلّیا ہویا آں۔

اعمال 10:42

تے اوس سانُوں حُکم دِتّا پئی لوکاں نُوں منادی کرو۔ تے گواہی دیو پئی ایہہ اوہو اے جیہڑا خُدا ولّوں مُقرّر ہویا پئی جِیوندیاں تے مُردیاں دا انصاف کرن والا ہوئے۔

اعمال 15:22

تَد رسُولاں تے بزُرگاں نیں ساری کلِیسیا سَنے ہَچھّا جانیا۔ پئی اپنے وِچوں کُجھ بندے چُنن تے پَولُس تے برنباس دے نال انطاکیہ نُوں گھلّن۔ یعنی یہُوداہ نُوں جیہڑا برسبّا اکھواؤندا اے۔ تے سِیلاس نُوں جیہڑے بھراواں وِچ وڈّے بندے سن۔

اعمال 16:1

تے اوہ دِربے تے لُسترہ وی اَپڑیا۔ تے ویکھو اوتھے تِیمُتِھیُس کر کے اِک شاگِرد سی۔ اوہ اِک اِیمان دار یہُودن دا پُتر سی۔ پر اوہدا پئیو یُونانی سی۔

اعمال 16:12

تے اوتھوں فِلپّی نُوں جیہڑا مَکِدُنیہ دا شہر اے۔ تے اوس ضِلعے دا پہلا شہر تے رُومِیاں دی بَستی اے۔ آ پہنچے۔ تے کئی دِن اوس شہر وِچ اسی رہے۔

اعمال 16:9

تے پَولُس رات دے ویلے رویا ویکھیا۔ پئی اِک مَکِدُنی بندے کھلو کے اوہدی مِنّت پیا کر دا اے پئی ایس پار مَکِدُنیہ وِچ آ کے ساڈی مدد کر۔

اعمال 17:3

تے اَنترے کڈھ کے اوہ ثابت کر دا رہیا پئی مسِیح دا دُکھ اُٹھانا تے مُردیاں وِچوں جی اُٹھنا ضرُور سی۔ تے ایہو یِسُوع جِہدی خبر مَیں تُہانوں دینا آں اوہو مسِیح اے۔

اعمال 18:28

کیوں جو اوس یہُودِیاں نُوں ساریاں دے سامھنے بڑے زور نال قائل کر دِتّا۔ تے پاک کتاب دی راہِیں صاف ثابت کِیتا۔ پئی یِسُوع ای مسِیح اے۔

اعمال 2:36

سو اِسرائیل دا سارا گھرانا پَکّی طرح جانے پئی خُدا نے اوسے یِسُوع نُوں جِہنُوں تُساں صلِیب دِتّا۔ خُداوند تے مسِیح وی کِیتا۔

اعمال 20:21

تے مَیں یہُودِیاں تے یُونانِیاں دے اگّے گواہی دیندا رہیا پئی خُدا اگّے تَوبہ کرن۔ تے ساڈے خُداوند یِسُوع مسِیح اُتّے اِیمان لیاؤن۔

اعمال 20:23

پر اینا ای معلُوم اے۔ پئی ہر شہر وِچ پاک رُوح مَینُوں صاف گواہی دے کے ایہہ آکھدا اے۔ پئی مَینُوں بیڑیاں تے مُصِیبتاں پیّاں اُڈِیکدیاں نیں۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 4:20

کیوں جو ایہہ ساتھوں ہو نئیں سکدا اے۔ پئی جو کُجھ اساں ویکھیا تے سُنیا اے سو نا آکھیئے؟

اعمال 9:22

پر ساؤُل نُوں ہور وی طاقت مِلدی رہی ایس گلّ نُوں ثابت کر کے پئی مسِیح ایہو اے۔ اوہنے اوہناں یہُودِیاں نُوں جیہڑے دمِشق وِچ رہندے سن حَیران کِیتا۔

۲-کُرِنتھِیوں 1:19

کیوں جو خُدا دا پُتر یِسُوع مسِیح جِہدی منادی اساں یعنی مَیں تے سِلوانُس تے تِیمُتِھیُس نیں تُہاڈے وِچ کِیتی۔ اوہدے وِچ ہاں تے نئیں دونویں نئیں سن۔ سگوں اوہدے وِچ ہاں ای ہاں ہوئی۔

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔

۲-کُرِنتھِیوں 5:14

کیوں جو مسِیح دی مُحبّت سانُوں لاچار کر دیندی اے۔ ایس لئی پئی اسی ایہہ سمجھنے آں پئی جد اِک ساریاں لئی مویا۔ تے سارے مر گئے۔

فِلِپّیوں 1:23

مَیں دو وَلّیِں پھسیا ہویا آں۔ پر جی تے ایہہ چاہندا اے۔ پئی مسِیح کول کُوچ کر کے جا رہواں ایس لئی پئی ایہہ اودُوں چوکھا چَنگا اے۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔

۱-تھِسّلُنِیکوں 3:6

پر ہُن جو تِیمُتِھیُس تُہاڈے کول آ کے تُہاڈے اِیمان تے مُحبّت دی تے نالے ایس گلّ دی خُوشخبری دِتّی پئی تُسی سدا سانُوں نیک یاد کر دے ہو۔ تے ساڈے ویکھن دی اجیہی چاہ رکھدے ہو۔ جیویں اسی تُہاڈے ویکھن دی۔

۱-پطرس 5:12

مَیں تُہانوں سِلوانُس دی راہِیں جیہڑا میری سمجھ وِچ اِیماندار بھرا اے تھوڑا جِہیا لِکھ کے تُہانوں نصِیحت کِیتی تے ایہہ گواہی دِتّی پئی خُدا دا سَچّا فضل ایہو ای اے۔ ایسے اُتّے قیم رہو۔