اعمال 17:7 - پنجابی نواں عہد نامہ نظرثانی شدہ چھپائی

⁷ تے یاسون نے ایہناں نُوں پَروہناں رکھیا اے۔ تے ایہناں ساریاں دی کارروائی قَیصر دے حُکماں دے خلاف اے۔ کیوں جو اوہ آکھدے نیں پئی بادشاہ تے ہور ای اے۔ یعنی یِسُوع۔

اعمال 17:7 ပူးပေါင်းရင်းမြစ်များ

لُوقا 10:38

تے اِنج ہویا پئی اوہ جاندِیاں اِک پِنڈ وِچ اَپڑے تے مرتھا ناں دی اِک زنانی اوہنوں اپنے گھر اُتاریا۔

لُوقا 23:2

تے اوہناں اوہدے اُتّے نالشاں کرنِیاں شُروع کِیتیاں پئی اساں ایہنوں ویکھیا پئی ساڈی قوم نُوں ورغلاؤندا اے۔ تے منع کر دا اے پئی قَیصر نُوں جزیہ نا دین۔ نالے آکھدا اے۔ پئی مَیں آپ مسِیح بادشاہ آں۔

یُوحنّا 19:12

ایس گلّے پِیلاطُس اوہنوں چھڈن دا موقع لَبّھیا۔ پر یہُودِیاں اُچّی اُچّی آکھیا پئی جے تُوں اوہنوں چھڈ دیں گا تے تُوں قَیصر دا دوست نئیں ایں۔ ہر اِک جیہڑا اپنے آپ نُوں بادشاہ بناندا اے قَیصر دے خلاف آکھدا اے۔

اعمال 16:21

تے اجیہاں رسماں نُوں دسدے نیں جِنہاں دا مَنّنا تے وَرتنا ساڈے رُومِیاں تے جائز نئیں اے۔

اعمال 17:5

پر یہُودِیاں نُوں ساڑا پَے گیا۔ تے کئی بازاری شوہدے اوہناں اپنے نال رَلا کے بِھیڑ نُوں اکٹّھا کِیتا تے شہر وِچ رَولا پا دِتّا۔ تے یاسون دا گھر گھیر کے چاہندے سن پئی اوہناں نُوں لوکاں دے اگّے لے آؤن۔

اعمال 17:8

تے اوہناں لوکاں نُوں تے شہر دیاں حاکماں نُوں ایہہ گلّ سُنا کے گھبرا دِتّا۔

یعقُوب 2:25

ایسے طرح راحب کسبی وی جد اوس قاصداں نُوں اپنے گھر وِچ رکھیا تے دُوجے راہ وِداع کِیتا تے اوہ عملاں دے سبّب راستباز نا بنی؟

۱-پطرس 2:15

کیوں جو خُدا دی ایہہ مرضی اے پئی تُسی نیکی کر کے جاہلاں دی نادانی دِیاں گلّاں نُوں بند کر دیو۔