اعمال 17:4 - پنجابی نواں عہد نامہ نظرثانی شدہ چھپائی

⁴ اوہناں وِچوں کئیاں مَن لیا۔ تے پَولُس تے سِیلاس نال رَل گئے۔ تے ایسے طرح دِیندار یُونانِیاں دی اِک بڑی جماعت۔ تے نالے بتھیریاں اشراف زنانِیاں وی۔

اعمال 17:4 ပူးပေါင်းရင်းမြစ်များ

یُوحنّا 7:35

تَد یہُودی آپو وِچ آکھن لگّے پئی اوہ کِتّھے جائے گا۔ پئی اسی اوہنوں نا لَبّھ سَکاں گے۔ اوہ اوہناں کول جائے گا جیہڑے یُونانِیاں وِچ کھِلّرے ہوئے نیں۔ تے یُونانِیاں نُوں سکھالے گا؟

اعمال 13:43

تے جد مجلس اُٹھ گئی۔ تے بُہت یہُودی تے دِیندار یہُودی مُرید پَولُس تے برنباس دے پِچّھے لگ پئے۔ اوہناں نیں اوہناں نُوں گلّاں کر کے مَنالیا۔ پئی تُسی خُدا دے فضل دے اُتّے قیم رہو۔

اعمال 13:50

پر یہُودِیاں نیں دِیندار تے عِزّت دار زنانِیاں تے شہر دے وڈّے بندیاں نُوں چُکیا تے پَولُس تے برنباس دے ستان واسطے اُبھار کے اوہناں نُوں اپنی حدّوں باہر کڈھ دِتّا۔

اعمال 14:1

تے اِکُنِیُم وِچ اینج ہویا پئی اوہ دونویں مِل کے یہُودِیاں دے عبادت خانے وِچ گئے تے ایس ڈھنگ نال بولے پئی یہُودِیاں تے یُونانِیاں دی اِک بڑی جماعت نے اِیمان لیاندا۔

اعمال 14:4

تے شہر دے لوکاں وِچ پُھٹ پَے گئی۔ کُجھ تاں یہُودِیاں ولّ تے کُجھ رسُولاں ولّ ہو گئے۔

اعمال 15:22

تَد رسُولاں تے بزُرگاں نیں ساری کلِیسیا سَنے ہَچھّا جانیا۔ پئی اپنے وِچوں کُجھ بندے چُنن تے پَولُس تے برنباس دے نال انطاکیہ نُوں گھلّن۔ یعنی یہُوداہ نُوں جیہڑا برسبّا اکھواؤندا اے۔ تے سِیلاس نُوں جیہڑے بھراواں وِچ وڈّے بندے سن۔

اعمال 15:27

سو اساں یہُوداہ تے سِیلاس نُوں گھلّیا اے۔ اوہ آپ ایہہ گلّاں مُنھ زبانی دسن گے۔

اعمال 15:32

تے یہُوداہ تے سِیلاس نے کیوں جو اوہ وی نبی سن بھراواں نُوں بُہت سارِیاں گلّاں دی نصِیحت دے کے تگڑیاں کِیتا۔

اعمال 15:40

پر پَولُس سِیلاس نُوں چُنیا۔ تے بھراواں توں خُدا دے فضل دے حوالے ہو کے ٹُرپیا۔

اعمال 16:3

پَولُس دی مرضی سی پئی ایہہ میرے نال چلّے۔ تے اوس علاقہ دے یہُودِیاں دے سبّب اوہنوں لے کے اوہنوں سُنتی بہایا۔ کیوں جو اوہ سبھ جان دے سن پئی اوہدا پئیو یُونانی سی۔

اعمال 17:10

پر بھراواں فٹافٹ راتوں رات پَولُس تے سِیلاس نُوں بِیرِیّہ شہر وِچ گھل دِتّا۔ اوہ اوتھے اَپڑ کے یہُودِیاں دے عبادت خانہ وِچ گئے۔

اعمال 17:12

ایس کر کے اوہناں وِچوں بتھیرے اِیمان لیائے تے نالے بُہت سارِیاں اشراف یُونانی زنانِیاں تے بندے وی اِیمان لیائے۔

اعمال 17:14

تَد بھراواں نیں اوسے ویلے پَولُس نُوں بھیجیا۔ پئی سمُندر ولّ ٹُر جائے۔ پر سِیلاس تے تِیمُتِھیُس اوتھے ای رہے۔

اعمال 17:17

ایس لئی یہُودِیاں تے دِیندار لوکاں نال عبادت خانے وِچ۔ تے روز روز اوہناں دے نال جیہڑے مِلدے سن۔ بازار وِچ اوہ بحث کر دا سی۔

اعمال 17:34

پر کئیاں اوہدے نال رَل کے اِیمان لیاندا۔ اوہناں وِچ دِیونُسی یُس۔ اریوپگُس دا اِک حاکم سی۔ تے دَمَرِس کر کے اِک زنانی تے ہور کئی اوہناں دے نال سن۔

اعمال 18:4

تے اوہ ہر سبت نُوں عبادت خانے وِچ جا کے بحث کر دا تے یہُودِیاں تے یُونانِیاں نُوں مناندا سی۔

اعمال 19:10

ایہہ دو ورھیاں تِیکر ہوندا رہیا۔ ایتھوں توڑی پئی آسِیہ دے سارے رہن والیاں نیں یہُودِیاں تے یُونانِیاں نیں وی خُداوند دا کلام سُنیا۔

اعمال 2:44

تے سارے جِنہاں اِیمان لیاندا سی اکٹّھے رہندے سن۔ تے سارِیاں شیواں وِچ سانجھ رکھدے سن۔

اعمال 21:28

پئی اَے اِسرائیلی جَنیو! مدد کرو۔ ایہہ اوہ ای بندہ اے۔ جیہڑا ہر تھاں ایس قوم تے شریعت تے ایس جگہ دے اُلٹ سبھناں نُوں سِکھالدا اے۔ نالے اوہ یُونانِیاں نُوں وی ہیکل وِچ لے آیا اے۔ تے ایس مکان نُوں پلِیت کِیتا۔

اعمال 28:24

تے بعضیاں اوہناں گلّاں نُوں جیہڑیاں اوس آکھیاں سن مَن لیا۔ تے بعضیاں نا مَنّیا۔

اعمال 4:23

تَد اوہ چُھٹ کے اپنے جوٹی داراں دے کول آئے۔ تے جو کُجھ سردار کاہِناں تے بزُرگاں اوہناں نُوں آکھیا سی بیان کِیتا۔

۲-کُرِنتھِیوں 8:5

تے ساڈی آس دے سببّوں ای نئیں دِتّا۔ سگوں اپنے آپ نُوں پہلاں خُداوند دے تے فیر خُدا دی مرضی نال ساڈے سپُرد کِیتا۔