اعمال 17:18 - پنجابی نواں عہد نامہ نظرثانی شدہ چھپائی

¹⁸ تے بعضے اِپِکُوری تے ستوئِیکی سِیانے اوہدے نال مُقابلہ کرن لگّے۔ تے بعضیاں نیں آکھیا۔ پئی ایہہ گپّی کِیہ آکھنا چاہندا اے؟ تے ہورناں نیں آکھیا۔ پئی ایہہ بندہ اوپرے دیوتیاں دی خبر دسن والا معلُوم ہوندا اے۔ ایس لئی پئی اوہ یِسُوع دی تے قیامت دی خُوشخبری دیندا سی۔

اعمال 17:18 ပူးပေါင်းရင်းမြစ်များ

مرقس 9:14

تے جد شاگِرداں کول آئے تے اوہناں دے چَوفیرے بڑی بِھیڑ تے فقِیہاں نُوں اوہناں دے نال بحث کر دیاں ویکھیا۔

لُوقا 11:53

تے جد اوہ اوتھوں نِکلن لگّا تے فقِیہ تے فریسی پیڑی طرح اوہدے گل پَین لگّے تے بتھیریاں گلّاں دی بابت اوہدے نال بحث شُروع کِیتی۔

اعمال 26:23

پئی مسِیح ضرُور دُکھ سہے گا۔ تے مُردیاں وِچوں اُٹھ کے ایس قوم نُوں تے غیر قوماں نُوں وی پہلاں اوہ ای چانن دی خبر دے گا۔

اعمال 4:2

کیوں جو بڑے غُصّے ہوئے پئی اوہ لوکاں نُوں سکھالدے سن۔ تے یِسُوع دی مِثال دے کے مُردیاں وِچوں جی اُٹھن دی منادی کر دے سن۔

اعمال 5:42

تے روز دِہاڑے ہیکل وِچ تے گھر وِچ تعلِیم دین توں تے مسِیح یِسُوع دی اِنجِیل سُنان توں نا مُڑے۔

اعمال 6:9

تَد اوس جماعت وِچوں جیہڑی لِبرتیِنیاں دی اکھواؤندی اے۔ تے کُرینی تے اِسکندریہ دے لوکاں وِچوں۔ تے اوہنوں وِچوں وی جیہڑے کِلِکیہ تے آسِیہ توں آئے ہوئے سن۔ کئی بندے اُٹھ کے ستِفنُس نال بحث کرن لگّے۔

رُومِیوں 1:22

اوہ اپنے آپ نُوں عقل والے آکھ کے مُورکھ بن گئے۔

۱-کُرِنتھِیوں 3:18

کوئی اپنے آپ نُوں دھوکھا نا دے۔ جیہڑا تُہاڈے وِچوں اپنے آپ نُوں ایس جہان دا سیانا سمجھے اوہ مُورکھ بنے تاں جو سیانا ہو جائے۔

۱-کُرِنتھِیوں 4:10

اسی مسِیح دی خاطر مُورکھ آں۔ پر تُسی مسِیح وِچ عقل والے ہو اسی ماڑے آں تے تُسی زور والے۔ تُسی عِزّت والے اسی بے عِزّت آں۔

کُلُسِّیوں 2:8

خبردار تُہانوں کوئی بندہ اوس فلسفی تے بے فائدہ فریب نال لُٹ نا لَئے۔ جیہڑے بندیاں دِیاں روائِتاں تے دُنیا دِیاں مُڈھ والِیاں گلّاں وانگر نیں۔ پر مسِیح وانگر نئیں۔