اعمال 17:10 - پنجابی نواں عہد نامہ نظرثانی شدہ چھپائی

¹⁰ پر بھراواں فٹافٹ راتوں رات پَولُس تے سِیلاس نُوں بِیرِیّہ شہر وِچ گھل دِتّا۔ اوہ اوتھے اَپڑ کے یہُودِیاں دے عبادت خانہ وِچ گئے۔

اعمال 17:10 ပူးပေါင်းရင်းမြစ်များ

اعمال 1:15

تے اوہناں دِناں وِچ پطرس بھراواں دے وِچ جیہڑے اِکّو تھانویں اِک سو وِیہہ کُو بندے سن کھلو کے آکھن لگّا۔

اعمال 15:22

تَد رسُولاں تے بزُرگاں نیں ساری کلِیسیا سَنے ہَچھّا جانیا۔ پئی اپنے وِچوں کُجھ بندے چُنن تے پَولُس تے برنباس دے نال انطاکیہ نُوں گھلّن۔ یعنی یہُوداہ نُوں جیہڑا برسبّا اکھواؤندا اے۔ تے سِیلاس نُوں جیہڑے بھراواں وِچ وڈّے بندے سن۔

اعمال 17:1

تے اوہ امفِپُلِس تے اَپُلّونیہ توں لنگھ کے تھِسّلُنِیکے وِچ اَپڑے۔ اوتھے یہُودِیاں دا اِک عبادت خانہ سی۔

اعمال 17:2

تے پَولُس اپنے دستُور دے سببّوں اوہناں کول گیا۔ تے تِنّاں سبتاں تِیکر پاک کتاب وِچوں اوہناں نُوں سِکھالدا رہیا۔

اعمال 17:4

اوہناں وِچوں کئیاں مَن لیا۔ تے پَولُس تے سِیلاس نال رَل گئے۔ تے ایسے طرح دِیندار یُونانِیاں دی اِک بڑی جماعت۔ تے نالے بتھیریاں اشراف زنانِیاں وی۔

اعمال 17:6

جدوں اوہناں نُوں نا لَبھّا۔ تاں یاسون نُوں۔ تے کئی بھراواں نُوں شہر دے حاکماں کول کھِچّ لیاندا پئی ایہہ بندہ جِنہاں نیں جہان نُوں اُلٹا دِتّا اے۔ ایتھے وی آئے نیں۔

اعمال 20:4

تے پُرُس دا پُتر سوپَترُس جیہڑا بِیرِیّہ دا سی تے تھِسّلُنِیکیاں وِچوں ارِسترخُس تے سِکُندُس تے دِربے دا گَیُس تے تِیمُتِھیُس تے آسِیہ دا تُخِکس تے ترُفِمُس اوہدے نال آسِیہ تِیکر گئے۔

اعمال 9:20

تے اوسے ویلے ای عبادت خانیاں وِچ یِسُوع دی منادی کِیتی پئی اوہ خُدا دا پُتر اے۔

اعمال 9:25

تَد اوہدے شاگِرداں رات دے ویلے ٹوکرے وِچ بٹھا کے کندھ وِچوں اوہنوں لاہ دِتّا۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔