اعمال 17:1 - پنجابی نواں عہد نامہ نظرثانی شدہ چھپائی

¹ تے اوہ امفِپُلِس تے اَپُلّونیہ توں لنگھ کے تھِسّلُنِیکے وِچ اَپڑے۔ اوتھے یہُودِیاں دا اِک عبادت خانہ سی۔

اعمال 17:1 ပူးပေါင်းရင်းမြစ်များ

اعمال 14:1

تے اِکُنِیُم وِچ اینج ہویا پئی اوہ دونویں مِل کے یہُودِیاں دے عبادت خانے وِچ گئے تے ایس ڈھنگ نال بولے پئی یہُودِیاں تے یُونانِیاں دی اِک بڑی جماعت نے اِیمان لیاندا۔

اعمال 15:21

کیوں جو پرانے زمانے توں شہر شہر مُوسیٰ دی توریت دی منادی کرن والے ہوندے آئے نیں۔ تے اوہ ہر سبت نُوں عبادت خانیاں وِچ پڑھی جاندی اے۔

اعمال 16:13

تے سبت دے دِن پھاٹکوں باہر ندی دے کنڈھے اُتّے گئے۔ جِتّھے ساڈی سمجھ وِچ دُعا منگن دا تھاں سی۔ تے بَہہ کے اوہناں زنانِیاں نال جیہڑیاں اکٹّھیاں ہویاں سن گلّاں کرن لگّے۔

اعمال 17:10

پر بھراواں فٹافٹ راتوں رات پَولُس تے سِیلاس نُوں بِیرِیّہ شہر وِچ گھل دِتّا۔ اوہ اوتھے اَپڑ کے یہُودِیاں دے عبادت خانہ وِچ گئے۔

اعمال 17:11

ایس شہر دے لوک تھِسّلُنِیکے دے لوکاں نالوں بھلے مانس سن۔ کیوں جو اوہناں نیں بڑے شَوق نال کلام مَن لیا۔ تے روز روز پاک کتاب وِچ لبّھدے رہئے۔ پئی ایہہ گلّاں ٹھیک ایسے طرح نیں کہ نئیں۔

اعمال 17:13

جد تھِسّلُنِیکے دے یہُودِیاں نُوں معلُوم ہویا۔ پئی پَولُس خُداوند دا کلام بِیرِیّہ وِچ وی سُناندا اے تاں اوتھے وی لوکاں نُوں چُکیا تے اوہناں وِچ گڑ بڑی پائی۔

اعمال 20:4

تے پُرُس دا پُتر سوپَترُس جیہڑا بِیرِیّہ دا سی تے تھِسّلُنِیکیاں وِچوں ارِسترخُس تے سِکُندُس تے دِربے دا گَیُس تے تِیمُتِھیُس تے آسِیہ دا تُخِکس تے ترُفِمُس اوہدے نال آسِیہ تِیکر گئے۔

اعمال 27:2

تے ادرمُتّیُم دے اِک جہاز اُتّے جِس آسِیہ دے کنڈھے کنڈھے دے شہراں نُوں جانا سی۔ چڑھ کے اسی ٹُر پئے۔ تے ارِسترخُس تھِسّلُنِیکے دا اِک مَکِدُنی ساڈے نال سی۔

فِلِپّیوں 4:16

تھِسّلُنِیکے وِچ میری تُھڑ پُوری کرن لئی اِکّو واری نئیں سگوں دو واری کُجھ گھلّیا۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۲-تھِسّلُنِیکوں 1:1

پَولُس تے سِلوانُس نے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی ساڈے باپ خُدا تے خُداوند یِسُوع مسِیح وِچ اے۔

۲-تِیمُتِھیُس 4:10

کیوں جو دِیماس ایس دُنیا نُوں پیار کر کے مَینُوں چھڈ کے تھِسّلُنِیکے نُوں ٹُر گیا۔ تے کریسکینس گلِتیہ نُوں تے طِطُس دِلمتیہ نُوں۔