اعمال 16:9 - پنجابی نواں عہد نامہ نظرثانی شدہ چھپائی

⁹ تے پَولُس رات دے ویلے رویا ویکھیا۔ پئی اِک مَکِدُنی بندے کھلو کے اوہدی مِنّت پیا کر دا اے پئی ایس پار مَکِدُنیہ وِچ آ کے ساڈی مدد کر۔

اعمال 16:9 ပူးပေါင်းရင်းမြစ်များ

اعمال 10:3

اوس رویا وِچ دِن دے ترِیجے پَہر صاف صاف ویکھیا۔ پئی خُدا دا اِک فرِشتہ اوہدے کول اندر آیا۔ تے اوہنوں آکھیا۔ اَے کُرنِیلِیُس۔

اعمال 10:30

تَد کُرنِیلِیُس نے آکھیا چار دِن ہوئے نیں پئی مَیں ایس ویلے تِیکر ترِیجے پَہر دی اپنے گھر وِچ دُعا پیا منگدا ساں۔ تے کِیہ ویکھنا آں پئی میرے سامھنے اِک بندہ چمکن والے کپڑے پائے ہوئے کھلوتا ہویا۔

اعمال 16:10

جد اوس ایہہ رویا ویکھی اوسے وقت اساں مَکِدُنیہ نُوں جان دا اِرادہ کِیتا۔ ایہہ یقِین کر کے پئی خُدا اوہناں نُوں خُوشخبری سُنان لئی سانُوں سدّیا اے۔

اعمال 16:12

تے اوتھوں فِلپّی نُوں جیہڑا مَکِدُنیہ دا شہر اے۔ تے اوس ضِلعے دا پہلا شہر تے رُومِیاں دی بَستی اے۔ آ پہنچے۔ تے کئی دِن اوس شہر وِچ اسی رہے۔

اعمال 18:5

تے جد سِیلاس تے تِیمُتِھیُس مَکِدُنیہ توں آگئے تَد پَولُس کلام سُنان دے جوش نال مجبُور ہو کے یہُودِیاں اگّے گواہی پیا دیندا سی۔ پئی یِسُوع ای مسِیح اے۔

اعمال 19:21

جدوں ایہہ گلّاں ہو گِئیاں۔ تَد پَولُس دِل وِچ فیصلہ کِیتا۔ پئی مَکِدُنیہ تے اَخیہ دے وِچوں ہو کے یرُوشلِیم نُوں جاوے۔ تے آکھیا پئی اوتھے جان دے مگروں مَینُوں رُومہ وی ویکھنا پَوے گا۔

اعمال 19:22

تے اوس اپنے سیوا کرن والیاں وِچوں دو بندے تِیمُتِھیُس تے اِراستُس نُوں مَکِدُنیہ ولّ ٹور دِتّا۔ پر اوہ آپ آسِیہ وِچ کُجھ چِر رہیا۔

اعمال 19:29

تے سارے شہر وِچ ہُلّڑ مَچ گیا۔ تے سبھ مِل کے گَیُس تے ارِسترخُس نُوں جیہڑے مَکِدُنیہ دے رہن والے تے پَولُس دے سفر وِچ ساتھی سن پَھڑکے تماشے دی تھانویں اِک دِل ہو کے بھج گئے۔

اعمال 20:1

جد رَولا ٹل گیا۔ تَد پَولُس شاگِرداں نُوں سدّیا تے نصِیحت دِتّی تے اوہناں توں وِداع ہو کے مَکِدُنیہ ولّ ٹُر پیا۔

اعمال 20:3

جد تِنّ مہینے رہ کے جہاز اُتّے چڑھ کے سُوریہ ولّ جان نُوں تیار سی۔ تَد یہُودِیاں اوہدے اُتّے مَتا پکائیا۔ فیر اوس ایہہ اِرادہ کِیتا۔ پئی مَیں مَکِدُنیہ دے راہ ہو کے پرت جاواں۔

اعمال 27:2

تے ادرمُتّیُم دے اِک جہاز اُتّے جِس آسِیہ دے کنڈھے کنڈھے دے شہراں نُوں جانا سی۔ چڑھ کے اسی ٹُر پئے۔ تے ارِسترخُس تھِسّلُنِیکے دا اِک مَکِدُنی ساڈے نال سی۔

اعمال 9:38

تے لُدّہ یافا دے نیڑے جو سی ایس واسطے جد شاگِرداں نیں سُنیا۔ پئی پطرس اوتھے ای اے۔ تَد اوہناں دو بندیاں نُوں اوہدے کول گھلّیا پئی عرض کرن پئی ساڈے کول آؤن وِچ چِر نا لا۔

رُومِیوں 15:26

کیوں جو مَکِدُنیہ تے اَخیہ دے لوکاں نُوں ایہہ چَنگا لگّا۔ پئی اوہ یرُوشلِیم دے پاک لوکاں وِچوں جیہڑے غرِیب نیں اوہناں لئی چندہ کرن۔

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔

۲-کُرِنتھِیوں 12:7

تے الہاماں دے بُہتے ہون دے سببّوں پئی متے مَیں پُھل نا جاواں میرے جِسم وِچ کنڈا چوبھیا گیا اے۔ یعنی شیطان دا گھلّیا ہویا تاں جو مَینُوں ہُورے مارے تے مَیں پُھل نا جاواں۔

۲-کُرِنتھِیوں 7:5

کیوں جو جد اسی مَکِدُنیہ وِچ آئے۔ اوس ویلے وی ساڈے جِسم نُوں چَین نا مِلیا سگوں ہر پاسیوں مُصِیبت وِچ ای پَھسے رہے۔ باہر لڑائِیاں سن اندر خَوف۔

۲-کُرِنتھِیوں 8:1

ہُن بھراؤ! اسی تُہانوں خُدا دے اوس فضل دی خبر دینے آں۔ جیہڑا مَکِدُنیہ دِیاں کلِیسیاواں اُتّے ہویا۔

۲-کُرِنتھِیوں 9:2

کیوں جو مَیں تُہاڈا شَوق جاننا آں۔ جِہدے سبّب مَکِدُنیہ دیاں لوکاں اگّے تُہاڈے اُتّے فخر کرنا آں۔ پئی اَخیہ دے لوک پِچّھلے ورھے توں تیار نیں۔ تے تُہاڈی سرگرمی نے کئیاں لوکاں نُوں جوش دوایا۔

۱-تھِسّلُنِیکوں 4:10

تے سارے مَکِدُنیہ دے سارے بھراواں نال ایسے طرح کر دے ہو۔ پر بھراؤ! اسی تُہانوں نصِیحت کرنے آں پئی ہور وی وَدھدے جاؤ۔