اعمال 13:3 - پنجابی نواں عہد نامہ نظرثانی شدہ چھپائی

³ تَد اوہناں روزہ رکھ کے تے دُعا منگ کے اوہناں اُتّے ہتّھ رکھّے تے گھلّیا۔

اعمال 13:3 ပူးပေါင်းရင်းမြစ်များ

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

اعمال 1:24

تَد اوہناں دُعا منگ کے آکھیا اَے خُداوند تُوں جیہڑا ساریاں دے دِلاں دا حال جاننا ایں۔ ایہہ دس پئی ایہناں دوہاں وِچوں تُوں کِنوں چُنیا اے۔

اعمال 13:2

جد ایہہ خُداوند دی سیوا پئے کر دے سن۔ تے روزے رکھدے سن تَد پاک رُوح آکھیا میرے لئی برنباس تے ساؤُل نُوں وکھرا کرو اوس کمّ واسطے جِہدے لئی مَیں اوہناں نُوں سدّیا اے۔

اعمال 13:4

سو اوہ پاک رُوح دے گھلّے ہوئے سِلُوکیہ نُوں گئے تے اوتھوں جہاز اُتّے چڑھ کے کُپرُس نُوں ٹُر پئے۔

اعمال 14:23

تے روزے تے دُعا نال ہر اِک کلِیسیا وِچ اوہناں دے لئی بزُرگاں نُوں مُقرّر کِیتا۔ تے اوہناں نُوں خُداوند دے سپُرد کِیتا جِہدے اُتّے اوہ اِیمان لیائے سن۔

اعمال 14:26

تے اوتھوں جہاز اُتّے چڑھ کے انطاکیہ ولّ گئے۔ جِتّھوں اوہ اوس کمّ دے لئی جیہڑا ہُن اوہناں پُورا کِیتا سی خُدا دے فضل نُوں دِتّے گئے سن۔

اعمال 15:40

پر پَولُس سِیلاس نُوں چُنیا۔ تے بھراواں توں خُدا دے فضل دے حوالے ہو کے ٹُرپیا۔

اعمال 6:6

تے اوہناں نُوں رسُولاں دے اگّے کھلار دِتّا۔ تے اوہناں دُعا منگ کے اوہناں اُتّے ہتّھ رکھّے۔

اعمال 9:17

تَد حننیاہ گیا۔ تے اوس گھر وِچ وڑیا تے اپنے ہتّھ اوہدے اُتّے رکھّے تے آکھیا۔ اَے بھرا ساؤُل! خُداوند یعنی یِسُوع جیہڑا تیرے اُتّے اوس راہ وِچ جیہڑے راہ تُوں آیا ایں۔ ظاہر ہویا مَینُوں گھلّیا اے پئی تُوں فیر سُجاکھا ہوویں۔ تے پاک رُوح نال بھر جاویں۔

رُومِیوں 10:15

تے جے گھلّے نا جان اوہ منادی کِیویں کرن؟ جیویں لِکھیا ہویا اے کہے سوہنے اوہناں دے قدم جیہڑے چَنگیاں گلّاں دی خُوشخبری سُنان والے نیں۔

۱-تِیمُتِھیُس 4:14

اوس بخشِش نُوں نا بُھل جیہڑی تیرے کول اے۔ تے نبُوّت دی راہِیں بزُرگاں دے ہتّھ رکھن نال تینُوں مِلی سی۔

۱-تِیمُتِھیُس 5:22

کِسے بندے اُتّے چھیتی نا ہتّھ رکھّیں تے دُوجیاں دے گُناہ وِچ نا رَلیں۔ تے اپنے آپ نُوں پاک رکھّیں۔

۲-تِیمُتِھیُس 1:6

ایسے سبّب مَیں تینُوں یاد کراناں آں۔ پئی تُوں خُدا دی اوس برکت نُوں بَھکھا جیہڑی تینُوں میرے ہتّھ رکھن نال مِلی۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

۳-یُوحنّا 1:6

اوہناں کلِیسیا دے اگّے تیری مُحبّت دی گواہی دِتّی سی۔ جے تُوں اوہناں نُوں ایس طرح وِداع کریں گا۔ جیویں خُدا دے لوکاں نُوں چاہیدا اے تے چَنگا کریں گا۔

۳-یُوحنّا 1:8

سو سانُوں چاہیدا اے۔ پئی ایہو جِہیاں دی حمایت کریئے۔ تاں جو اسی وی سچیائی دے نال کمّ کرن والے ہویئے۔