اعمال 13:2 - پنجابی نواں عہد نامہ نظرثانی شدہ چھپائی

² جد ایہہ خُداوند دی سیوا پئے کر دے سن۔ تے روزے رکھدے سن تَد پاک رُوح آکھیا میرے لئی برنباس تے ساؤُل نُوں وکھرا کرو اوس کمّ واسطے جِہدے لئی مَیں اوہناں نُوں سدّیا اے۔

اعمال 13:2 ပူးပေါင်းရင်းမြစ်များ

متّی 17:21

[پر ایہہ قِسم دُعا دے بِناں ہور کِسے طرح نئیں نِکل سکدی۔]

متّی 6:16

تے جد تُسی روزہ رکھو مکّاراں وانگُوں اپنا مُنھ اُداس نا بناؤ کیوں جو اوہ ایس لئی اپنا مُنھ وگاڑ دے نیں پئی لوکاں نُوں روزہ رکھّے ہوئے معلُوم ہون۔ مَیں تُہانوں سَچ آکھنا آں پئی اوہناں اپنا اِنعام پالیا۔

متّی 9:38

ایس لئی فصل دے مالک دی مِنّت کرو پئی اوہ اپنی فصل لئی کامیاں نُوں گھل دے۔

لُوقا 10:1

ایہناں گلّاں دے پِچّھوں خُداوند ستّر بندے ہور مُقرّر کِیتے تے اوہناں نُوں اپنے اگّے ہر شہر تے ہر تھاں جِتّھے آپ جان والا سی دو دو کر کے گھلّیا۔

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

اعمال 10:19

جد پطرس اوس رویا دی سوچ وِچ سی۔ رُوح اوہنوں آکھیا۔ ویکھ تِنّ بندے تینُوں لبّھدے نیں۔

اعمال 10:30

تَد کُرنِیلِیُس نے آکھیا چار دِن ہوئے نیں پئی مَیں ایس ویلے تِیکر ترِیجے پَہر دی اپنے گھر وِچ دُعا پیا منگدا ساں۔ تے کِیہ ویکھنا آں پئی میرے سامھنے اِک بندہ چمکن والے کپڑے پائے ہوئے کھلوتا ہویا۔

اعمال 13:3

تَد اوہناں روزہ رکھ کے تے دُعا منگ کے اوہناں اُتّے ہتّھ رکھّے تے گھلّیا۔

اعمال 13:4

سو اوہ پاک رُوح دے گھلّے ہوئے سِلُوکیہ نُوں گئے تے اوتھوں جہاز اُتّے چڑھ کے کُپرُس نُوں ٹُر پئے۔

اعمال 14:26

تے اوتھوں جہاز اُتّے چڑھ کے انطاکیہ ولّ گئے۔ جِتّھوں اوہ اوس کمّ دے لئی جیہڑا ہُن اوہناں پُورا کِیتا سی خُدا دے فضل نُوں دِتّے گئے سن۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 22:21

تَد اوس مَینُوں آکھیا۔ ٹُرپَو۔ کیوں جو مَیں تینُوں دُراڈے سارے غیر قوماں ولّ گھلاں گا۔

اعمال 4:36

تے یُوسف قوم دا لاوی سی تے کُپرُس دا سی۔ اوہدا ناں رسُولاں نیں برنباس یعنی نصِیحت دا پُتر رکھیا۔

اعمال 6:4

تے اسی آپ دُعا تے کلام دی خِدمت وِچ رُدھے رہاں گے۔

اعمال 8:29

تے رُوح فِلپُّس نُوں آکھیا۔ اگّے ہو تے اوس رَتھ نُوں جا رَل۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 10:15

تے جے گھلّے نا جان اوہ منادی کِیویں کرن؟ جیویں لِکھیا ہویا اے کہے سوہنے اوہناں دے قدم جیہڑے چَنگیاں گلّاں دی خُوشخبری سُنان والے نیں۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

۱-کُرِنتھِیوں 12:11

پر ایہہ سارِیاں اوہو اِکّو رُوح کر دا اے تے جِہنُوں چاہندا اے۔ ونڈ دا اے۔

۱-کُرِنتھِیوں 7:5

تُسی اِک دُوجے توں وَکھ نا رہو پر تھوڑے چِر تِیکر سو ایہہ وی آپو وِچ رضامندی نال۔ تاں جو دُعا لئی ویہل مِلے۔ تے مُڑ کٹّھے ہو جاؤ۔ اجیہا نا ہوئے پئی نا جَرن دے سببّوں شیطان تُہانوں ازمائے۔

۲-کُرِنتھِیوں 11:27

محنت تے مُشقّت وِچ۔ کئی واری جاگدیاں رہن۔ بُھکھ تے تَریہہ دی مُصِیبت وِچ۔ کئی واری فاقے وِچ۔ پالے تے ننگے رہن دی حالت وِچ رہیا آں۔

۲-کُرِنتھِیوں 6:5

کولڑے کھان نال۔ قید ہون نال۔ ہنگامیاں نال۔ محِنتاں نال۔ جاگدیاں رہن نال۔ بُھکھیاں رہن نال۔

گلتِیوں 1:15

پر جدوں اوس خُدا دی جِس مَینُوں میری ماں دے ڈِھڈ توں وَکھریاں کِیتا تے اپنے فضل نال سدّیا ایہہ مرضی ہوئی۔

اِفسِیوں 3:7

تے خُدا دے فضل دی بخشِش نال جیہڑا قُدرت دے اثر نال میرے اُتّے ہویا مَیں ایس خُوشخبری دا نوکر بنیا۔

کُلُسِّیوں 4:17

تے خط جیہڑا لَودِیکیہ وِچوں آوے پڑھ لوؤ۔ تے ارخِپُّس نُوں آکھنا پئی جیہڑی خِدمت تینُوں خُداوند ولّوں مِلی اے۔ اوہنوں ہوش نال سمبھالِیں۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

۲-تِیمُتِھیُس 4:11

اِکّو لُوقا میرے نال اے۔ مرقس نُوں نال لے کے آجا کیوں جو خِدمت لئی اوہ میرے کمّ دا اے۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

عِبرانیوں 5:4

تے کوئی بندہ آپے ایہہ عِزّت نئیں لَیندا جد توڑی ہارُون وانگر خُدا ولّوں نا سدّیا جائے۔