اعمال 13:14 - پنجابی نواں عہد نامہ نظرثانی شدہ چھپائی

¹⁴ تے پرگہ توں لنگھ کے اوہ پِسدِیہ دے انطاکیہ وِچ اَپڑے۔ تے سبت دے دِن عبادت خانے وِچ جا بَیٹھے۔

اعمال 13:14 ပူးပေါင်းရင်းမြစ်များ

لُوقا 4:16

فیر اوہ ناصرۃ نُوں آیا جِتّھے پلیا سی تے اپنے دستُور دے سببّوں سبت دے دِن عبادت خانے وِچ گیا تے پڑھن لئی کھلو گیا۔

اعمال 13:42

تے باہر جاندِیاں ہویاں لوکاں مِنّت کِیتی پئی اگلے سبت نُوں وی ایہہ گلّاں سانُوں سُنائیاں جان۔

اعمال 13:44

اگلے سبت دے دِن لگ بھگ سارا شہر خُدا دا کلام سُنن نُوں اکٹّھا ہویا۔

اعمال 13:46

تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔

اعمال 13:5

تے اوہناں سَلَمِیس وِچ اَپڑ کے یہُودِیاں دے عبادت خانیاں وِچ خُدا دا کلام سُنایا۔ تے یُوحنّا اوہناں دی خِدمت کرن والا سی۔

اعمال 14:19

پر انطاکیہ تے اِکُنِیُم توں آ کے یہُودِیاں لوکاں نُوں اپنے نال رَلایا۔ تے پَولُس نُوں روڑے مارے۔ تے ایہہ سمجھ کے پئی اوہ مر گیا اے شہروں باہر گھسِیٹ کے لے گئے۔

اعمال 16:13

تے سبت دے دِن پھاٹکوں باہر ندی دے کنڈھے اُتّے گئے۔ جِتّھے ساڈی سمجھ وِچ دُعا منگن دا تھاں سی۔ تے بَہہ کے اوہناں زنانِیاں نال جیہڑیاں اکٹّھیاں ہویاں سن گلّاں کرن لگّے۔

اعمال 17:2

تے پَولُس اپنے دستُور دے سببّوں اوہناں کول گیا۔ تے تِنّاں سبتاں تِیکر پاک کتاب وِچوں اوہناں نُوں سِکھالدا رہیا۔

اعمال 18:4

تے اوہ ہر سبت نُوں عبادت خانے وِچ جا کے بحث کر دا تے یہُودِیاں تے یُونانِیاں نُوں مناندا سی۔

اعمال 19:8

فیر اوہ عبادت خانے وِچ جا کے تِنّاں مہِینیاں تِیکر دلیری نال بولدا۔ تے خُدا دی بادشاہی دِیاں گلّاں دی بابت بحث کر دا تے مناندا رہیا۔

اعمال 9:20

تے اوسے ویلے ای عبادت خانیاں وِچ یِسُوع دی منادی کِیتی پئی اوہ خُدا دا پُتر اے۔

۲-تِیمُتِھیُس 3:11

یعنی اجیہے دُکھاں وِچ جیہڑے انطاکیہ تے اِکُنِیُم تے لُسترہ وِچ میرے اُتّے پئے تے ہورناں دُکھاں وِچ وی جیہڑے مَیں سہے نیں۔ پر خُداوند مَینُوں اوہناں ساریاں توں بچایا۔