اعمال 12:7 - پنجابی نواں عہد نامہ نظرثانی شدہ چھپائی

⁷ تے ویکھو خُدا دا اِک فرِشتہ آ کھلوتا۔ تے اوس کوٹھڑی وِچ نُور چمکیا تے اوس پطرس دی وَکھّی اُتّے مار کے جگایا۔ تے اوہنوں آکھیا چھیتی نال اُٹھ کھلو۔ تے اوہدیاں ہتھکڑیاں اوہدیاں ہتّھاں توں جھڑ پئیاں۔

اعمال 12:7 ပူးပေါင်းရင်းမြစ်များ

متّی 2:13

جد اوہ ٹُر گئے سن تے ویکھو خُداوند دے فرِشتے یُوسف نُوں سُفنے وِچ وکھالی دے کے آکھیا اُٹھ مُنڈے تے اوہدی ماں نُوں نال لے تے مِصر وِچ نَسّ جا۔ تے جِنّاں چِر مَیں تینُوں نا آکھاں اوتھے ای رہو کیوں جو ہیرودیس مُنڈے نُوں لَبھّے گا پئی اوہنوں مار سُٹّے۔

لُوقا 2:9

تے خُداوند دا فرِشتہ اوہناں دے کول آ کے کھلو گیا۔ تے خُداوند دا نُور اوہناں دے چَوفیرے چمکیا تے اوہ بڑے ای ڈر گئے۔

لُوقا 24:4

تے ایویں ہویا جد اوہ ایس گلّے حَیران سن تے ویکھو دو بندے چمکن والے کپڑے پائے ہوئے اوہناں دے کول آکھلوتے۔

اعمال 10:30

تَد کُرنِیلِیُس نے آکھیا چار دِن ہوئے نیں پئی مَیں ایس ویلے تِیکر ترِیجے پَہر دی اپنے گھر وِچ دُعا پیا منگدا ساں۔ تے کِیہ ویکھنا آں پئی میرے سامھنے اِک بندہ چمکن والے کپڑے پائے ہوئے کھلوتا ہویا۔

اعمال 12:23

تے اونویں خُداوند دے فرِشتے اوہنوں ماریا۔ ایس لئی پئی اوس خُدا دی وڈیائی نئیں کِیتی۔ تے اوہنوں کِیڑے پَے گئے تے مر گیا۔

اعمال 12:6

تے جدوں ہیرودیس اوہنوں باہر لیاؤن نُوں تیار سی۔ اوسے رات پطرس دو سنگلاں وِچ بَدّھا ہویا دو سپاہیاں دے وِچکار سُتّا ہویا سی۔ تے پہرے والے قیدخانے دے بُوہے اگّے پَہرا پئے دیندے سن۔

اعمال 12:8

تے فرِشتے اوہنوں آکھیا لکّ بَنّھ تے اپنی جُتّی پا۔ اوس اوسے طرح کِیتا۔ فیر اوس اوہنوں آکھیا۔ اپنا کپڑا دوالے پا۔ تے میرے مگر آ۔

اعمال 16:26

تے یکدم ایڈا وَڈا بھونچال آیا۔ پئی قیدخانے دِیاں نِیہیاں ہِل گِئیاں تے اوسے ویلے سارے بُوہے کُھل گئے۔ تے سبھناں دِیاں بیڑیاں کُھل گِئیاں۔

اعمال 2:24

اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

اعمال 5:19

پر خُداوند دے فرِشتے رات نُوں قیدخانے دا بُوہا کھو لیا۔ تے اوہناں نُوں باہر لیا کے آکھیا۔

اعمال 9:3

تے ایویں ہویا جد اوہ پَینڈا کر دیاں دمِشق دے نیڑے آیا تے اِک دم اسمانوں نُور اوہدے چَوفیرے چمکیا۔

اِفسِیوں 5:14

ایس لئی اوہ آکھدا اے۔ پئی اے سُتّیا ہویا جاگ تے مُردیاں وِچوں جِیو اُٹھ۔ تے مسِیح دا چانن تیرے اُتّے چمکے گا۔

عِبرانیوں 1:14

اوہ سارے سیوا کرن والِیاں رُوحاں نئیں؟ جیہڑیاں نجات دی وِرثہ پان والیاں دی سیوا لئی گھلّیاں جاندِیاں نیں۔

مُکاشفہ 18:1

ایہناں گلّاں دے پِچّھوں مَیں اِک ہور فرِشتے نُوں اسمان توں اُتر دیاں ہویاں ویکھیا۔ جِہدا بڑا اختیار سی تے زمین اوہدے جلال توں روشن ہوگئی۔