اعمال 12:3 - پنجابی نواں عہد نامہ نظرثانی شدہ چھپائی

³ تے جد ویکھیا پئی یہُودِیاں نُوں ایہہ گلّ چنگی لگدی اے۔ تَد ہور وی وادھا کِیتا پئی پطرس نُوں وی پھڑ لیا ایہہ بے خمیری روٹی دے دِناں وِچ ہویا۔

اعمال 12:3 ပူးပေါင်းရင်းမြစ်များ

متّی 26:17

تے فطِیری روٹِیاں دی عید دے پہلے دِن شاگِرداں نیں یِسُوع کول آ کے آکھیا۔ تُوں کِتّھے چاہنا ایں پئی اسی تیرے کھان لئی فسح تیار کریئے؟

یُوحنّا 12:43

کیوں جو اوہ بندیاں دی وڈیائی نُوں خُدا دی وڈیائی نالوں وَدّھ پیار کر دے سن۔

یُوحنّا 19:11

یِسُوع اوہنوں جواب دِتّا پئی تیرا میرے اُتّے کُجھ وی وَس نا ہوندا جے تینُوں اُتّوں دِتّا نا جاندا۔ ایس لئی جِس مَینُوں تیرے حوالے کِیتا اوہدا وَدّھ گُناہ اے۔

یُوحنّا 21:18

مَیں تینُوں سَچ سَچ آکھنا آں جد تُوں جوان سَیں تُوں اپنا لکّ آپ بنھدا تے جِتّھے جی کر دا سی ٹُردا پِھردا سَیں۔ پر جدوں تُوں بُڈّھا ہوویں گا تَد اپنے ہتّھ پَساریں گا تے دُوجا تیرا لکّ بنھے گا تے جِتّھے تیرا جی نئیں کر دا اوتھے تینُوں چُک لے جائے گا۔

اعمال 12:4

سو اوہنوں قابُو کر کے قید وِچ پا دِتّا۔ تے چَوہاں چَوہاں سپاہیاں دے چَوہاں پَہریاں وِچ سونپیا۔ پئی اوہدی خبرداری کرن۔ تے ایہہ صلاح کِیتی پئی اوہنوں فسح دی عید دے پِچّھوں لوکاں دے سامھنے لیاوے۔

اعمال 2:14

تَد پطرس نے یاراں دے نال کھلو کے اُچّی اواز نال اوہناں نُوں آکھیا۔ اَے یہُودیہ تے یرُوشلِیم دے سارے رہن والیو! ایہہ جان لیؤ۔ تے کنّ لا کے میرِیاں گلّاں سُنو۔

اعمال 20:6

تے فطِیری روٹی دے دِناں پِچّھوں اسی جہاز اُتّے فِلپّی توں ٹُر گئے۔ تے پن جیویں دِن تروآس وِچ اوہناں کول اَپڑے۔ تے اوتھے سَتّ دِن رہے۔

اعمال 24:27

پر جد دو ورھے پُورے ہوئے فیلِکس دے تھاں پُرکِیُس فیستُس مُقرّر ہویا تَد فیلِکس ایس نِیّت اُتّے پئی یہُودِیاں نُوں احسان مند رکھّے۔ پَولُس نُوں قید وِچ ای چھڈ گیا۔

اعمال 25:9

پر فیستُس ایس اِرادے نال پئی یہُودِیاں اُتّے احسان چڑھاوے پَولُس نُوں جواب دِتّا۔ تُوں یرُوشلِیم جاناں چاہنا ایں پئی اوتھے میرے سامھنے ایہناں گلّاں دی بابت تیرا فیصلہ کِیتا جائے؟

اعمال 4:13

جدوں اوہناں پطرس تے یُوحنّا دی دلیری ویکھی۔ تے جانیا پئی ایہہ اَن پڑھ تے مُورکھ نیں۔ تے تعجُّب کِیتا تے اوہناں نُوں پِچھانیا پئی اوہ یِسُوع دے نال سن۔

گلتِیوں 1:10

ہُن مَیں بندیاں نُوں سجن بنانا آں یا خُدا نُوں؟ مَیں بندیاں نُوں راضی کرنا چاہناں آں؟ جے مَیں ہُن تِیکر بندیاں نُوں خُوش کر دا رہندا تے مسِیح دا بندہ نا ہوندا۔

۱-تھِسّلُنِیکوں 2:4

پر جیویں اسی خُدا کولوں منظُور ہوئے۔ پئی خُوشخبری ساڈے سپُرد کِیتی جائے۔ اوسے طرح اسی بیان کرنے آں۔ بندیاں نُوں نئیں پر خُدا نُوں خُوش کرن لئی۔ جیہڑا ساڈے دِلاں نُوں پرکھدا اے۔