پر جد اوہ ایہناں گلّاں دی سوچ وچار کر دا سی۔ ویکھو خُداوند دے فرِشتے سُفنے وِچ اوہنوں وکھالی دے کے آکھیا۔ اَے یُوسف داؤد دے پُتر۔ تُوں اپنی بیوی مریم نُوں اپنے کول لیاؤن توں نا ڈر۔ کیوں جو جیہڑا اوہدے گربھ وِچ ہویا ایہہ پاک رُوح توں اے۔
پر جد اوہ آوے گا جیہڑا سچیائی دا رُوح اے تَد اوہ تُہانوں ساری سچیائی دے راہ پائے گا کیوں جو اوہ اپنے ولّوں نئیں آکھے گا۔ پر جو کُجھ سُنے گا سو ای آکھے گا تے آؤن والِیاں گلّاں دی خبر تُہانوں دے گا۔
جد ایہہ خُداوند دی سیوا پئے کر دے سن۔ تے روزے رکھدے سن تَد پاک رُوح آکھیا میرے لئی برنباس تے ساؤُل نُوں وکھرا کرو اوس کمّ واسطے جِہدے لئی مَیں اوہناں نُوں سدّیا اے۔
تے جد بُہت بحث ہوئی۔ پطرس اُٹھ کے اوہناں نُوں آکھن لگّا۔ اَے بھراؤ تُسی جان دے ہو۔ پئی وَاہوَا چِر ہویا اے۔ خُدا تُہاڈے وِچوں مَینُوں چُن لیا۔ پئی میری زبانی غیر قوم خُوشخبری دا کلام سُنن تے اِیمان لیاؤن۔
تے اسی ایسے طرح رُومہ وِچ اَپڑے۔ اوتھوں وی بھرا ساڈی خبر سُن کے اَپّیُس دے چَوک تے تَرے سراواں تِیکر ساڈے مِلن نُوں اگّوں والی آئے۔ اوہناں نُوں ویکھ کے پَولُس خُدا دا شُکر کِیتا تے اوہنوں تسلّی ہوئی۔
پئی جے کِسے رُوح دی گلّ یا کوئی کلام یا اجیہا خط آوے۔ جیہڑا ساڈے خط وانگُوں دسے اوس توں ایہہ سمجھ کے پئی خُداوند دا دِن پُج گیا اے۔ تُسی دِلوں نا ڈولو تے نا تُسی گھابر جاؤ۔