اعمال 10:1 - پنجابی نواں عہد نامہ نظرثانی شدہ چھپائی

¹ قَیصریہ وِچ کُرنِیلِیُس کر کے اِک بندہ سی جیہڑا اِطالِیانی کر کے اِک پلٹن دا صُوبیدار سی۔

اعمال 10:1 ပူးပေါင်းရင်းမြစ်များ

متّی 27:27

تَد حاکم دے سپاہیاں نیں یِسُوع نُوں دیوان خانے وِچ لے جا کے ساری پلٹن اوہدے دوالے اکٹّھی کِیتی۔

متّی 27:54

تے صُوبیدار تے اوہدے نال دے جیہڑے یِسُوع دی راکھی کر دے سن بُھچال تے سارا حال ویکھ کے بُہت ڈر گئے تے آکھن لگّے ایہہ سَچ مُچ خُدا دا پُتر سی۔

مرقس 15:16

تے سپاہی اوس وَیڑے وِچ جیہڑا حاکم دی کچہری اے۔ اوہنوں لے گئے تے ساری ٹولی نُوں سَدّ کے اکٹّھا کِیتا۔

لُوقا 7:2

تے کِسے صُوبیدار دا نوکر جیہڑا اوہنوں پیارا سی بیماری نال مرن والا سی۔

یُوحنّا 18:12

سپاہیاں دی پلٹن تے صُوبیدار تے یہُودِیاں دے پیادیاں رَل کے یِسُوع نُوں پھڑ لیا تے اوہنوں بَنّھ لیا۔

یُوحنّا 18:3

سو یہُوداہ سپاہیاں دی پلٹن تے سردار کاہِناں نیں فرِیسیاں ولّوں پیادے لے کے لالٹیناں تے مسالاں تے ہتّھیاراں سَنے اوتھے آیا۔

اعمال 10:24

تے اگلے دیہاڑے اوہ قَیصریہ وِچ اَپڑے۔ تے کُرنِیلِیُس اپنے ساکاں انگاں تے گُوڑھیاں دوستاں نُوں اکٹّھے کر کے اوہناں دا راہ پیا ویکھدا سی۔

اعمال 21:31

تے جیویں اوہ اوہدے مار سُٹّن دے مگر پئے تے پلٹن دے سردار نُوں خبر ہوئی۔ پئی سارے یرُوشلِیم وِچ تَرتھل مَچ گئی اے۔

اعمال 21:8

دُوجے دِہاڑے اسی ٹُر پئے۔ تے قَیصریہ نُوں آئے۔ تے فِلپُّس دے گھر جا کے پَروہنے رہے۔ اوہ اِک اِنجِیل سُنان والا تے اوہناں ستّاں وِچوں اِک سی۔

اعمال 22:25

تے جد اوہناں اوہنوں وَدّھراں نال بَدّھا۔ تَد پَولُس اِک صُوبیدار نُوں جیہڑا کول کھلوتا سی آکھیا۔ تُہانوں حُکم اے۔ پئی رُومی بندے نُوں کولڑے مارو۔ تے اوہ وی ڈنڈ لائے بِناں؟

اعمال 23:23

تے صُوبیداراں وِچوں دو نُوں سَدّ کے اوس آکھیا۔ پئی دو سو سپاہی قَیصریہ تِیکر جان لئی تے ستّر سوار تے دو سو برچھے پہر رات گئی نُوں تیار رکھو۔

اعمال 23:33

تے اوہ جد قَیصریہ وِچ آئے تاں حاکم نُوں خط دِتّا۔ تے پَولُس نُوں وی اوہدے اگّے حاضر کِیتا۔

اعمال 25:1

سو فیستُس ضِلعے وِچ اَپڑ کے تِنّاں دِناں دے پِچّھوں قَیصریہ توں یرُوشلِیم نُوں گیا۔

اعمال 25:13

تے کُجھ دِناں پِچّھوں اگرِپّا بادشاہ تے برنِیکے نے قَیصریہ وِچ آ کے فیستُس نُوں سلام کِیتا۔

اعمال 27:1

تے جدوں فیصلہ ہوگیا۔ پئی اسی جہاز اُتّے اِطالِیہ نُوں جائیے اوہناں پَولُس تے ہور قیدِیاں نُوں یُولِیُس کر کے شہنشاہی پلٹن دے اِک صُوبیدار دے حوالے کِیتا۔

اعمال 27:31

تَد پَولُس صُوبیدار نُوں تے سپاہیاں نُوں آکھیا۔ جے ایہہ جہاز وِچ نا رہن تاں تُسی بچ نئیں سکدے۔

اعمال 27:43

پر صُوبیدار پَولُس نُوں بچانا چاہندا سی تے اوہناں نُوں اوس اِرادے توں ڈکیا۔ تے حُکم دِتّا پئی جیہڑے جیہڑے تَر سکدے نیں سو جہاز توں چھال مار کے پہلاں زمین اُتّے جا لگّن۔

اعمال 8:40

پر فِلپُّس اشدُود وِچ آ نِکلیا تے اوس لنگھدیاں ہویاں سبھناں شہراں وِچ اِنجِیل سُنائی جدوں تِیکر قَیصریہ وِچ نا آیا۔