اعمال 1:3 - پنجابی نواں عہد نامہ نظرثانی شدہ چھپائی

³ اوہناں نُوں اوس اپنے دُکھ سہن دے پِچّھوں بتھیریاں ثبُوتاں نال اپنے آپ نُوں جِیوندا وکھایا۔ چاھلیاں دِناں تِیکر اوہ اوہناں نُوں وکھالی دیندا تے خُدا دی بادشاہی دِیاں گلّاں دسدا رہیا۔

اعمال 1:3 ပူးပေါင်းရင်းမြစ်များ

متّی 21:43

ایس لئی مَیں تُہانوں آکھنا آں پئی خُدا دی بادشاہی تُہاڈے توں کُھوئی جائے گی۔ تے اوس قوم نُوں بخشی جائے گی جیہڑی اوہدا پَھل لِیائیا کرے۔

متّی 28:9

تے ویکھو یِسُوع اوہناں نُوں اگّوں ہو کے مِلیا تے آکھیا سلام۔ تے اوہناں اوہدے کول آ کے اوہدے پَیر پھڑے۔ تے اوہنوں سجدہ کِیتا۔

متّی 3:2

آکھن لگّا تَوبہ کرو کیوں جو اسمان دی بادشاہی نیڑے آگئی اے۔

متّی 4:2

تے جد اوہنے چالی دِن تے چالی رات روزہ رکھ لیا سی فیر اوہنوں بُھکھ لگّی۔

مرقس 16:19

فیر خُداوند یِسُوع اوہناں نال کلام مُکا کے اسمان اُتّے اُٹھا لیا گیا۔ تے خُدا دے سَجّے ہتّھ جا بَیٹھا۔

یُوحنّا 20:26

تے اَٹھاں دِناں پِچّھوں فیر اوہدے شاگِرد اندر سن تے تُوما اوہناں دے نال سی۔ بُوہے وَجّے ہوئے سن یِسُوع آیا تے وِچکار کھلو کے آکھیا تُہاڈی سلامتی ہوئے۔

یُوحنّا 21:1

ایہناں گلّاں دے پِچّھوں یِسُوع فیر تِبریاس دے سمُندر اُتّے اپنے آپ نُوں شاگِرداں اُتّے ظاہر کِیتا۔ تے اوس ایس طرح ظاہر کِیتا۔

یُوحنّا 21:14

ہُن ایہہ ترِیجی وار اے پئی یِسُوع مُردیاں وِچوں جی اُٹھن دے پِچّھوں شاگِرداں نُوں وکھالی دِتّی۔

اعمال 13:31

تے بُہت دِناں تِیکر اوہناں بندیاں نُوں جیہڑے گلِیل توں یرُوشلِیم نُوں اوہدے نال آئے سن۔ اوہ وکھالی دِتّا۔ تے اوہ ای اوہدے گواہ نیں۔

اعمال 19:8

فیر اوہ عبادت خانے وِچ جا کے تِنّاں مہِینیاں تِیکر دلیری نال بولدا۔ تے خُدا دی بادشاہی دِیاں گلّاں دی بابت بحث کر دا تے مناندا رہیا۔

اعمال 28:23

تے جد اوہناں اوہدے لئی اِک دِن مُقرّر کِیتا۔ بتھیرے اوہدے ڈیرے اُتّے اوہدے کول آئے اوہناں نُوں اوس کھول کے سکھالیا تے خُدا دی بادشاہی دی گواہی دِتّی تے سویرے توں لے کے شام تِیکر مُوسیٰ دی توریت تے نبیاں دِیاں کِتاباں وِچوں یِسُوع دی بابت دلِیلاں کڈھ کے دسیاں۔

اعمال 28:31

تے پُوری دلیری نال خُدا دی بادشاہی دی منادی کر دا تے خُداوند یِسُوع مسِیح دی بابت سِکھالدا رہیا تے کوئی اوہنوں روکدا نئیں سی۔

اعمال 8:12

پر جد اوہناں فِلپُّس نُوں سَچّا مَنّیا۔ جیہڑا خُدا دی بادشاہی تے یِسُوع مسِیح دے ناں دی بابت خُوشخبری دیندا سی تاں بندے تے زنانِیاں سارے بپتِسمہ لین لگّے۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

کُلُسِّیوں 1:13

اوسے ای سانُوں ہنیرے دے ہتھّوں چھڈا کے اپنے پیارے پُتر دی بادشاہی وِچ واڑیا۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۱-یُوحنّا 1:1

اوس زِندگی دے کلام دی بابت جیہڑا مُڈھوں سی۔ تے جِہنُوں اساں سُنیا تے اپنیاں اَکھّیاں نال ویکھیا۔ سگوں چنگی طرح ویکھیا۔ تے اپنیاں ہتّھاں نال چُھوئیا۔