اعمال 1:25 - پنجابی نواں عہد نامہ نظرثانی شدہ چھپائی

²⁵ پئی اوہنوں تھاں مِلے اوس خِدمت تے رسالت دے کمّ وِچ جِہنُوں یہُوداہ چھڈ کے اپنے تھاں گیا۔

اعمال 1:25 ပူးပေါင်းရင်းမြစ်များ

متّی 25:41

تَد اوہ کھبّے پاسے والیاں نُوں وی آکھے گا۔ اَے لعنتیؤ میرے اگّوں اوس ہمیشہ دی اَگ وِچ جاؤ جیہڑی ابلیس تے اوہدیاں فرِشتیاں دے لئی تیار کِیتی ہوئی اے۔

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

متّی 26:24

اِبنِ آدم تے جان دا اے جیویں اوہدے حق وِچ لِکھیا ہویا اے۔ پر ہائے افسوس اوس بندے اُتّے جیہدی راہِیں اِبنِ آدم پھڑوایا جاندا اے۔ اوس بندے لئی بھلا ہوندا جے اوہ نا جمدا۔

یُوحنّا 13:27

تے بُرکی لین دے پِچّھوں اوسے ویلے شیطان اوہدے اندر وڑ گیا۔ تَد یِسُوع اوہنوں آکھیا جو کُجھ تُوں کرنا اے سو چھیتی کر۔

یُوحنّا 17:12

جد مَیں اوہناں دے نال ساں تیرے ناں دی راہِیں جیہڑا تُوں مَینُوں دِتّا اے اوہناں دی سنبھالنا کِیتی تے مَیں اوہناں دی راکھی کِیتی۔ تے ہلاکت دے پُتر دے باہجوں کِسے دا ناس نئیں ہویا تاں جو نوِشتہ پُورا ہوئے۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

۱-کُرِنتھِیوں 9:2

جے مَیں ہورناں دا رسُول نئیں۔ پر تُہاڈے لئی تے ضرُور آں۔ کیوں جو تُسی آپ ای خُداوند وِچ میرے رسُول ہون اُتّے موہر ہو۔

گلتِیوں 2:8

(کیوں جو جِس سُنتِیاں دی رسالت لئی پطرس وِچ اثر کِیتا اوسے ای غیر قوماں لئی میرے وِچ اثر کِیتا۔)