اعمال 1:16 - پنجابی نواں عہد نامہ نظرثانی شدہ چھپائی

¹⁶ بھراؤ۔ ضرُور سی پئی اوہ نوِشتہ پُورا ہوئے۔ جیہڑا پاک رُوح پہلاں توں داؤد دی زبانی یہُوداہ دی بابت جیہڑا یِسُوع دے پھڑن والیاں دا آگُو بن گیا سی آکھیا۔

اعمال 1:16 ပူးပေါင်းရင်းမြစ်များ

متّی 26:14

تَد اوہناں باراں وِچوں اِک نے جِہدا ناں یہُوداہ اِسکریُوتی سی سردار کاہِناں کول جا کے آکھیا۔

متّی 26:47

تے اوہ اجے پیا آکھدا ای سی تے ویکھو یہُوداہ جیہڑا اوہناں باراں وِچوں اِک سی آگیا تے سردار کاہِناں تے لوکاں دے بزُرگاں دے ولّوں اِک وڈّی بِھیڑ تلواراں تے ڈانگاں لے کے اوہدے نال آ پہنچی۔

متّی 26:54

فیر اوہ نوِشتے پئی ایسے طرح ہونا ضرُور اے؟ کِیویں پُورے ہوندے؟

متّی 26:56

پر ایہہ سبھ کُجھ ایس لئی ہویا پئی نبیاں دے نوِشتے پُورے ہون۔ تَد سارے شاگِرد اوہنوں چھڈ کے بھج گئے۔

مرقس 12:36

داؤد پاک رُوح دی راہِیں آکھیا۔ پئی خُداوند نیں میرے خُداوند نُوں آکھیا پئی تُوں میرے سَجّے پاسے بَہو۔ جد تِیکر مَیں تیرے وَیرِیاں نُوں تیرے پَیر رکھن دی چَوکی نا کراں۔

مرقس 14:43

تے جدوں اجے اوہ بولدائی سی۔ اوسے ویلے یہُوداہ جیہڑا باراں وِچوں اِک سی آگیا۔ تے سردار کاہِناں تے فقِیہاں تے بزُرگاں ولّوں اِک بِھیڑ تلواراں تے لاٹھِیاں لئی ہوئی اوہدے نال سی۔

لُوقا 22:47

اوہ اجے بولدا ای سی پئی ویکھو اِک بِھیڑ آئی تے باراں وِچوں اِک جیہڑا یہُوداہ اکھواؤندا سی اوہناں دے اگّے اگّے آؤندا سی۔ تے اوہ یِسُوع دے کول آیا پئی اوہنوں چُمّے۔

یُوحنّا 10:35

جد اوس اوہناں نُوں جِنہاں نُوں خُدا دا کلام آیا خُدا آکھیا۔ (تے پاک کتاب جُھوٹھی نئیں ہو سکدی۔)

یُوحنّا 13:18

مَیں تُہاڈی سبھناں دی گلّ نئیں کر دا جِنہاں نُوں مَیں چُنیا اے۔ اوہناں نُوں مَیں جاننا آں۔ پر ایہہ ایس لئی اے پئی پہلوں توں لِکھیا پُورا ہوئے پئی جیہڑا میری روٹی کھاندا اے اوس مَینُوں لَت ماری۔

یُوحنّا 17:12

جد مَیں اوہناں دے نال ساں تیرے ناں دی راہِیں جیہڑا تُوں مَینُوں دِتّا اے اوہناں دی سنبھالنا کِیتی تے مَیں اوہناں دی راکھی کِیتی۔ تے ہلاکت دے پُتر دے باہجوں کِسے دا ناس نئیں ہویا تاں جو نوِشتہ پُورا ہوئے۔

یُوحنّا 19:36

ایہہ ایس کر کے ہویا تاں جو نوِشتہ پُورا ہوئے پئی اوہدی کوئی ہڈّی بھنّی نا جاوے گی۔

اعمال 1:20

کیوں جو زبُوراں دی کتاب وِچ لِکھیا اے پئی اوہدا گھر اُجّڑ جائے۔ تے اوہدے وِچ کوئی وَسّن والا نا ہوئے۔ تے ایہہ وی پئی اوہدا درجہ دُوجا لے لَوے۔

اعمال 13:15

تے توریت تے نبیاں دی کتاب پڑھن دے مگروں عبادت خانے دے سرداراں اوہناں نُوں اکھوا گھلّیا۔ پئی بھراؤ جے لوکاں لئی کوئی نصِیحت دی گلّ تُہاڈے کول ہوئے تے آکھو۔

اعمال 13:38

بھراؤ تُہانوں پتا ہوئے۔ پئی اوسے دی راہِیں تُہانوں گُناہاں دی مُعافی دی خبر دِتّی جاندی اے۔

اعمال 15:13

تے جدوں اوہ چُپ ہوئے۔ تے یعقُوب آکھن لگّا پئی بھراؤ! میری سُنو۔

اعمال 15:7

تے جد بُہت بحث ہوئی۔ پطرس اُٹھ کے اوہناں نُوں آکھن لگّا۔ اَے بھراؤ تُسی جان دے ہو۔ پئی وَاہوَا چِر ہویا اے۔ خُدا تُہاڈے وِچوں مَینُوں چُن لیا۔ پئی میری زبانی غیر قوم خُوشخبری دا کلام سُنن تے اِیمان لیاؤن۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

اعمال 2:37

جدوں اوہناں ایہہ سُنیا تَد اوہناں دے دِل وِنّھے گئے تے پطرس تے باقی رسُولاں نُوں آکھیا۔ بھراؤ اسی کِیہ کریئے۔

اعمال 22:1

میرے بھراؤ تے بزُرگو! میرا عُذر سُنو۔ جیہڑا ایس ویلے مَیں تُہاڈے اگّے کرنا آں۔

اعمال 23:1

تے پَولُس صدرِ مجلس والیاں نُوں دھیان نال ویکھ کے آکھیا۔ بھراؤ اَج تِیکر مَیں پُوری نیک نِیتی نال خُدا دے اگّے چلدا رہیا آں۔

اعمال 23:6

پر جد پَولُس نے معلُوم کِیتا۔ پئی اوہناں وِچ بعضے صدوقی تے بعضے فریسی نیں۔ تَد مجلس وِچ آکھیا پئی بھراؤ۔ مَیں فریسی تے فرِیسیاں دا پُتر آں۔ مُردیاں دی آس تے جی اُٹھن دی بابت میرے اُتّے مُقدّمہ ہوندا اے۔

اعمال 28:17

تے اینج ہویا پئی تِنّ دِن پِچّھوں اوس یہُودِیاں دے وڈّے وڈّے بندیاں نُوں سدّیا تے جدوں اوہ اکٹّھے ہوئے اوس اوہناں نُوں آکھیا۔ بھراؤ! بھانویں مَیں اپنی قوم دے یا پئیو دادیاں دِیاں رسماں دے اُلٹ کُجھ وی نئیں کِیتا۔ تَد وی یرُوشلِیم توں قیدی ہو کے مَیں رُومِیاں دے ہتّھ پھڑوایا گیا۔

اعمال 28:25

تے جد اوہناں دی آپو وِچ اِکّو صلاح نا بنی۔ تَد پَولُس دے ایہہ گلّ آکھدیاں سار ای اوہ ٹُر گئے۔ پئی پاک رُوح نے یسعیاہ نبی دی زبانی تُہاڈے پئیو دادیاں نُوں چَنگا آکھیا۔

اعمال 7:2

اوہ آکھن لگّا۔ بھراؤ تے بزُرگو سُنو! ساڈے پئیو ابرہام نُوں جدوں مسوپتامِیہ وِچ سی اوہدے حاران وِچ وَسّن توں پہلاں جلال دے خُدا نے وکھالی دِتّی۔

۱-پطرس 1:11

اوہ ایس گلّ دی چھان بِین کر دے سن پئی مسِیح دا رُوح جیہڑا اوہناں وِچ سی۔ اوہنے اگیتریاں مسِیح دی تکلیفاں دی خبر دِتّی تے اوس جلال دی وی جیہڑا اوہناں توں پِچّھے آؤن والا سی۔ کیہڑے یا کہیو جِہے ویلے دی گلّ دا ذِکر کر دا سی۔

۲-پطرس 1:21

کیوں جو کوئی نبُوّت بندیاں دی مرضی نال نئیں ہوئی سگوں بندے پاک رُوح دی جُنبش نال خُدا ولّوں بولدے سن۔

۲-پطرس 2:21

کیوں جو راستبازی دے راہ دا نا جاننا اوہناں دے لئی ایہدے توں چَنگا ہوندا۔ پئی اوہنوں جان کے اوس پاک حُکم توں پھر جاندے جیہڑا اوہناں نُوں مِلیا سی۔