اعمال 1:13 - پنجابی نواں عہد نامہ نظرثانی شدہ چھپائی

¹³ تے جدوں اَپڑے تے اِک چوبارے اُتّے جا چڑھے۔ جِتّھے پطرس تے یُوحنّا تے یعقُوب تے اندریاس تے فِلپُّس تے تُوما۔ تے برتُلمائی تے متّی۔ حلفئی دا پُتر یعقُوب۔ تے زیلوتیس والا شمعُون۔ تے یعقُوب دا پُتر یہُوداہ رہندے سن۔

اعمال 1:13 ပူးပေါင်းရင်းမြစ်များ

متّی 9:9

جد یِسُوع اوتھوں لنگھ کے اگہاں گیا اوس اِک شخص نُوں جِہدا ناں متّی سی محصُول دی چَوکی اُتّے بَیٹھیاں ویکھیا تے اوہنوں آکھیا میرے مگر ٹُرپَو تے اوہ اُٹھ کے اوہدے مگر ٹُرپیا۔

مرقس 14:15

تے اوہ اِک موکلا چُبارہ فرش وِچھایا تے سنواریا ہویا تُہانوں وکھائے گا۔ اوتھے ساڈے لئی تیار کرو۔

مرقس 14:33

تے پطرس تے یعقُوب تے یُوحنّا نُوں اپنے نال لیا۔ تے حَیران پریشان تے بُہت دلگِیر ہون لگّا۔

مرقس 2:14

تے جاندے ہوئے اوس حلفئی دے پُتر لاوی نُوں محصُول دی چَوکی اُتّے بَیٹھیاں ویکھیا۔ تے اوہنوں آکھیا پئی میرے پِچّھے ٹُر آ۔ سو اوہ اُٹھیا تے اوہدے پِچّھے ٹُر پیا۔

مرقس 5:37

تے اوس بِناں پطرس۔ تے یعقُوب۔ تے یعقُوب دے بھرا یُوحنّا دے ہور کِسے نُوں اپنے نال نا آؤن دِتّا۔

مرقس 9:2

تے چِھیئاں دِناں پِچّھوں یِسُوع پطرس تے یعقُوب تے یُوحنّا نُوں نال لیا۔ تے اوہناں نُوں اِک اُچّے پہاڑ اُتّے وکھرا اکلّیاں لے گیا۔ تے اوہدا رُوپ اوہناں دے سامھنے بدل گیا۔

لُوقا 22:12

تے اوہ آپ اِک وَڈا چوبارا تیار ہویا تُہانوں وکھالے گا۔ اوتھے تیار کرو۔

یُوحنّا 11:16

تَد تُوما جِہنُوں جوڑا آکھدے نیں اپنے نال دے شاگِرداں نُوں آکھیا آؤ اسی وی چلّئے تاں جو اوہدے نال مریئے۔

یُوحنّا 14:22

اوس یہُوداہ نیں جیہڑا اِسکریُوتی نئیں سی اوہنوں آکھیا اَے خُداوند ایہہ کِیہ ہویا اے پئی تُوں اپنا آپ ساڈے اُتّے ظاہر کریں گا تے دُنیا اُتّے نئیں۔

یُوحنّا 18:17

تَد اوہ ٹہلن جیہڑی دربانن سی پطرس نُوں آکھن لگّی تُوں وی ایس بندے دے شاگِرداں وِچوں ایں؟ اوس آکھیا مَیں نئیں آں۔

یُوحنّا 21:2

شمعُون پطرس تے تُوما جِہنُوں جوڑا آکھدے نیں۔ تے گلِیل دے قانا دا نتنی ایل تے زبدی دے پُتر تے اوہدے شاگِرداں وِچوں دو ہور اکٹّھے ہوئے ہوئے سن۔

اعمال 12:17

پر اوس ہتّھ نال سینت کِیتی پئی چُپ کر رہن تے اوہناں نُوں دسیا پئی خُداوند مَینُوں کِس طرح قیدخانے توں باہر لیایا۔ تے اوس آکھیا یعقُوب نُوں تے بھراواں نُوں ایہناں گلّاں دی خبر کر دین تے اوہ باہر جا کے دُوجے تھاں ٹُر گیا۔

اعمال 15:13

تے جدوں اوہ چُپ ہوئے۔ تے یعقُوب آکھن لگّا پئی بھراؤ! میری سُنو۔

اعمال 2:14

تَد پطرس نے یاراں دے نال کھلو کے اُچّی اواز نال اوہناں نُوں آکھیا۔ اَے یہُودیہ تے یرُوشلِیم دے سارے رہن والیو! ایہہ جان لیؤ۔ تے کنّ لا کے میرِیاں گلّاں سُنو۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 20:8

تے اوس چوبارے وِچ جِتّھے اسی اکٹّھے ہوئے ساں۔ بتھیرے دِیوے بَلدے سن۔

اعمال 4:13

جدوں اوہناں پطرس تے یُوحنّا دی دلیری ویکھی۔ تے جانیا پئی ایہہ اَن پڑھ تے مُورکھ نیں۔ تے تعجُّب کِیتا تے اوہناں نُوں پِچھانیا پئی اوہ یِسُوع دے نال سن۔

اعمال 4:19

پر پطرس تے یُوحنّا اوہناں نُوں آکھیا۔ تُسی آپ انصاف کرو۔ پئی خُدا دے اگّے ایہہ ٹھیک اے۔ پئی اسی خُدا دی گلّ نالوں وَدّھ تُہاڈی گلّ سُنئے؟

۱-کُرِنتھِیوں 15:7

فیر یعقُوب نُوں وکھالی دِتّا۔ فیر ساریاں رسُولاں نُوں۔

گلتِیوں 1:19

پر ہورناں رسُولاں وِچوں خُداوند دے بھرا یعقُوب دے بِناں کِسے نُوں نا ویکھیا۔

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

یعقُوب 1:1

خُدا دے تے خُداوند یِسُوع مسِیح دے غلام یعقُوب ولّوں اوہناں باراں قبیلیاں نُوں جیہڑے تھائِیں تھائِیں رہندے نیں سلام۔

۲یُوحنّا 1:1

میرے ولّوں جیہڑا بزُرگ آں اوس چُنی ہوئی بی بی تے اوہدے پُتراں دے نال جِنہاں نال مَیں اوس سچیائی دے سببّوں سَچّی مُحبّت رکھنا آں جیہڑی ساڈے وِچ قیم رہندی اے۔ تے سدا تِیکر ساڈے نال رہے گی۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔