اعمال 1:11 - پنجابی نواں عہد نامہ نظرثانی شدہ چھپائی

¹¹ تے اوہ آکھن لگّے۔ اَے گلِیلیو تُسی کاہِنُوں اسمان ولّ ویکھدے ہو؟ ایہو یِسُوع جیہڑا تُہاڈے کولوں اسمان نُوں چُکیا گیا۔ اوسے طرح فیر آوے گا۔ جیویں تُساں اوہنوں اسمان نُوں جاندِیاں ویکھیا۔

اعمال 1:11 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

متّی 16:28

مَیں تُہانوں سَچ آکھنا آں پئی ایہناں وِچوں جیہڑے ایتھے کھلوتے ہوئے نیں کئی نیں جیہڑے مَوت دا سواد نا لین گے۔ جد تِیکر اِبنِ آدم نُوں اوہدی بادشاہی وِچ آؤندیاں نا ویکھ لین گے۔

متّی 24:30

تے اوس ویلے اِبنِ آدم دا نِشان اسمان اُتّے نظر آوے گا تے تَد زمین دے سارے گھرانے پِٹن گے تے اِبنِ آدم نُوں قُدرت تے بڑے جلال نال اسمان دیاں بدّلاں اُتّے آؤندیاں ویکھین گے۔

متّی 25:31

جد اِبنِ آدم اپنے جلال وِچ آوے گا تے سارے فرِشتے اوہدے نال تَد اوہ اپنے جلال دے تخت اُتّے بَہے گا۔

مرقس 13:26

تے اوس ویلے اِبنِ آدم نُوں بڑی قُدرت تے جلال نال بدّلاں اُتّے آؤندیاں ویکھن گے۔

مرقس 14:70

پر اوہ فیر مُکّر گیا تے فیر تھوڑے چِر پِچّھوں جیہڑے کول کھلوتے سن اوہناں پطرس نُوں آکھیا ٹھیک تُوں اوہناں وِچوں ایں کیوں جو تُوں گلِیلی ایں۔

مرقس 16:19

فیر خُداوند یِسُوع اوہناں نال کلام مُکا کے اسمان اُتّے اُٹھا لیا گیا۔ تے خُدا دے سَجّے ہتّھ جا بَیٹھا۔

لُوقا 21:27

تَد اوہ اِبنِ آدم نُوں بدّل وِچ قُدرت تے بڑے جلال نال آؤندیاں ویکھن گے۔

لُوقا 24:5

جد اوہ ڈر گِئیاں تے سِر زمین ولّ ہیٹھاں کِیتے۔ تَد اوہناں نیں اوہناں نُوں آکھیا پئی جِیوندے نُوں مویاں وِچ تُسی کیوں لَبّھدیاں ہو؟

یُوحنّا 14:3

تے جے مَیں جا کے تُہاڈے لئی تھاں تیار کراں مَیں مُڑ آ کے تُہانوں اپنے نال لے لاں گا پئی جِتّھے مَیں آں تُسی وی ہوؤ۔

اعمال 1:2

اوس دِن تِیکر پئی جد پاک رُوح دی راہِیں اپنے چُنیاں ہویاں رسُولاں نُوں حُکم دین دے پِچّھوں اوہ اُتانہہ چُکیا گیا۔

اعمال 1:22

یُوحنّا دے بپتِسمے توں لے کے اوس دِن تِیکر جدوں اوہ ساڈے کولوں چُک لیا گیا سی۔ اِک بندہ اوہدے جی اُٹھن دا گواہ ساڈے نال بنے۔

اعمال 1:9

تے ایہہ آکھ کے اوہناں دیاں ویکھدیاں اوہ اُتانہہ چُکیا گیا۔ تے بدّل اوہنوں اوہناں دِیاں نظراں توں لُکا لیا۔

اعمال 13:31

تے بُہت دِناں تِیکر اوہناں بندیاں نُوں جیہڑے گلِیل توں یرُوشلِیم نُوں اوہدے نال آئے سن۔ اوہ وکھالی دِتّا۔ تے اوہ ای اوہدے گواہ نیں۔

اعمال 2:7

تے سارے حَیران ہون لگّے۔ تے آکھن لگّے۔ ایہہ جیہڑے بولدے نیں سارے گلِیلی نئیں؟

اعمال 3:12

تَد پطرس ایہہ حال ویکھ کے لوکاں نُوں آکھیا۔ اَے اِسرائیلیو! ایس گلّ اُتّے تُسی کیوں حَیران ہوندے ہو۔ تے سانُوں کیوں اینج ویکھدے ہو پئی اساں اپنی قُدرت یا دِینداری نال اوہنوں ٹُرن دی طاقت بخشی اے؟

اعمال 3:21

ایہہ ضرُوری اے پئی اوہ اسمان وِچ اودُوں تِیکر رہے جد تِیکر سارِیاں شیواں بحال نا کِیتیاں جان جِنہاں دا ذِکر خُدا نے مُڈھوں اپنے پاک نبیاں دی زبانی کِیتا۔

۱-تھِسّلُنِیکوں 1:10

تے اوہدے پُتر دے اسمان ولّوں آؤن دی اُڈِیک وِچ رہو۔ جِہنُوں اوس مُردیاں وِچوں جوایا۔ جِہدا ناں اے یِسُوع۔ جیہڑا سانُوں آؤن والے غضبوں چھڈاؤندا اے۔

۱-تھِسّلُنِیکوں 4:16

کیوں جو خُداوند آپ اسمانوں اُتر آوے گا۔ اوس ویلے بڑی پُکار تے سردار فرِشتے دی اواز سُنائی دیوے گی۔ تے خُدا دی تُرہی وَجائی جائے گی۔ تے پہلاں اوہ جی اُٹھن گے جیہڑے مسِیح وِچ موئے ہوئے نیں۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔