۲-تِیمُتِھیُس 4:17 - پنجابی نواں عہد نامہ نظرثانی شدہ چھپائی

¹⁷ پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

۲-تِیمُتِھیُس 4:17 ပူးပေါင်းရင်းမြစ်များ

متّی 10:19

پر جدوں اوہ تُہانوں حوالے کرن گے تے فِکر نا کرو پئی کِس طرح یا کِیہ بولو گے۔ کیوں جو کُجھ تُسی بولنا ہوئے گا سو اوسے گھڑی تُہانوں دسیا جائے گا۔

لُوقا 1:1

جدوں بُہت ساریاں ایس کمّ نُوں ہتّھ پایا۔ پئی جیہڑیاں گلّاں ساڈے وِچ پُوریاں ہویاں نیں اوہناں دا ٹھیک بیان کرن۔

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

اعمال 23:11

تے اوسے رات خُداوند اوہدے کول آ کے آکھیا حَوصلہ رکھ کیوں جو جیویں تُوں یرُوشلِیم وِچ میرِیاں گلّاں اُتّے گواہی دِتّی اے۔ اوسے طرح تینُوں رُومہ وِچ وی گواہی دینی پَوے گی۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 15:31

پئی مَیں اوہناں توں جیہڑے یہُودیہ وِچ نافرمان نیں بچ جاواں نالے اوہ میری خِدمت جیہڑی مَیں یرُوشلِیم لئی کرنا آں پاک لوکاں نُوں منظُور ہوئے۔

۲-کُرِنتھِیوں 12:9

پر اوس مَینُوں آکھیا پئی میرا فضل تیرے لئی بہتیرا اے۔ کیوں جو میری قُدرت کمزوری وِچ پُوری ہوندی اے سو مَیں بڑی خُوشی نال اپنیاں کمزوریاں اُتّے فخر کراں گا۔ تاں جو مسِیح دی قُدرت میرے اُتّے رہے۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

۱-تِیمُتِھیُس 1:12

مَیں اپنے طاقت دِین والے مسِیح یِسُوع دا ایس لئی شُکر کرنا آں۔ پئی اوس مَینُوں دیانتدار جان کے اپنی سیوا لئی مُقرّر کِیتا۔

۲-تِیمُتِھیُس 2:1

سو میرے پُتر تُوں اوس فضل نال جیہڑا مسِیح یِسُوع وِچ اے تگڑا ہو۔

۲-تِیمُتِھیُس 2:9

جِہدے لئی مَیں بدکار وانگر دُکھ سہناں آں۔ ایتھوں تِیکر پئی قید آں۔ پر خُدا دا کلام قید نئیں۔

۲-تِیمُتِھیُس 3:11

یعنی اجیہے دُکھاں وِچ جیہڑے انطاکیہ تے اِکُنِیُم تے لُسترہ وِچ میرے اُتّے پئے تے ہورناں دُکھاں وِچ وی جیہڑے مَیں سہے نیں۔ پر خُداوند مَینُوں اوہناں ساریاں توں بچایا۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

طِطُس 1:3

پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

عِبرانیوں 11:33

اوہناں اِیمان دی راہِیں بادشاہیاں جِت لَیاں۔ نیکی دے کمّ کِیتے وعدے دِیاں شیواں نُوں لے لیا شیراں دے مُنھ بند کِیتے۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

۲-پطرس 2:9

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔