۲-تِیمُتِھیُس 3:17 - پنجابی نواں عہد نامہ نظرثانی شدہ چھپائی

¹⁷ تاں جو خُداوند دا بندہ کامِل بنے تے ہر اِک نیک کمّ دے واسطے بالکل تیار ہوئے۔

۲-تِیمُتِھیُس 3:17 ပူးပေါင်းရင်းမြစ်များ

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

۲-کُرِنتھِیوں 9:8

تے خُدا تُہاڈے اُتّے ہر طرح دا فضل بُہتا کر سکدا اے۔ تاں جو تُہانوں سدا ہر شے وادُھو مِلیا کرے۔ تے ہر نیک کمّ لئی تُہاڈے کول بُہت کُجھ موجُود رہیا کرے۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

۱-تِیمُتِھیُس 6:11

پر تُوں اَے خُدا دے بندیا۔ ایہناں گلّاں توں نَسّ تے راستبازی تے دِینداری تے اِیمان تے مُحبّت تے صبر تے حلِیمی دے مگر لگ۔

۲-تِیمُتِھیُس 2:21

سو جیہڑا اوہناں توں وکھرا ہو کے اپنے آپ نُوں پاک کرے گا اوہ عِزّت دا بھانڈا ہوئے گا تے پاک بنے گا۔ تے مالک دے کمّ دے لائق تے ہر اِک نیک کمّ دے لئی تیار ہوئے گا۔

طِطُس 1:16

اوہ خُدا دی پچھان دا دعویٰ کر دے نیں۔ پر اپنے کمّاں نال اوہدا اِنکار کر دے نیں۔ کیوں جو اوہ مکرُوہ تے نافرمان نیں تے کِسے نیک کمّ دے لائق نئیں۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 3:1

اوہناں نُوں یاد دوا پئی حاکماں تے اختیار والیاں دے تابعیاں رہن اوہناں دا حُکم مَنّن تے سارے نیک کمّاں لئی تیار رہن۔

عِبرانیوں 10:24

تے مُحبّت تے نیک کمّاں ولّ اُکسان لئی اِک دُوجے دا خیال رکھیے۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔