۲-تِیمُتِھیُس 3:11 - پنجابی نواں عہد نامہ نظرثانی شدہ چھپائی

¹¹ یعنی اجیہے دُکھاں وِچ جیہڑے انطاکیہ تے اِکُنِیُم تے لُسترہ وِچ میرے اُتّے پئے تے ہورناں دُکھاں وِچ وی جیہڑے مَیں سہے نیں۔ پر خُداوند مَینُوں اوہناں ساریاں توں بچایا۔

۲-تِیمُتِھیُس 3:11 ပူးပေါင်းရင်းမြစ်များ

اعمال 13:14

تے پرگہ توں لنگھ کے اوہ پِسدِیہ دے انطاکیہ وِچ اَپڑے۔ تے سبت دے دِن عبادت خانے وِچ جا بَیٹھے۔

اعمال 13:45

پر یہُودی لوک بِھیڑ نُوں ویکھ کے ساڑے نال بھر گئے۔ تے پَولُس دِیاں گلّاں دی مخالفت کر دے تے کُفر بَکدے سن۔

اعمال 14:8

تے لُسترہ وِچ اِک جَنا جِہدے پیراں وِچ طاقت نئیں سی۔ بَیٹھا ہویا سی۔ اوہ جماندرُو لنگا سی تے کدی ٹُریا نئیں سی۔

اعمال 20:19

پئی بڑی حلِیمی نال تے اتھرُو وَہا وَہا کے اوہناں ازمایشاں وِچ جیہڑیاں یہُودِیاں دے مَتے پکان نال میرے اُتّے آ پئیاں مَیں خُداوند دی خِدمت کر دا رہیا۔

اعمال 23:10

تے جدوں بڑا جھگڑا ہو پیا تے ایس ڈر دے مارِیاں پئی اوہ پَولُس دے ٹوٹے ٹوٹے نا کر سُٹّن۔ پلٹن دے سردار نے سپاہیاں نُوں حُکم دِتّا پئی اُتر کے اوہنوں اوہناں وِچوں بدوبدی کڈھ کے قِلعے دے اندر لیاؤن۔

اعمال 26:17

تینُوں ایس قوم تے غیر قوماں توں بچا کے اوہناں دے کول مَیں تینُوں ایس لئی گھلّنا آں۔

اعمال 26:22

پر خُدا دی مدد نال مَیں اَج دے دِن تِیکر کھلوتا ہویا آں۔ تے نِکّیاں وڈّیاں اگّے گواہی دینا آں تے جیہڑیاں گلّاں نبیاں تے مُوسیٰ نے دسیاں سن پئی ہون والیاں نیں۔ اوہناں دے بِناں ہور کُجھ مَیں نئیں آکھدا۔

اعمال 9:16

کیوں جو مَیں اوہنوں دس دیاں گا۔ پئی میرے ناں دے بدلے اوہنوں کیڈے کیڈے دُکھ جَھلّنے پَین گے۔

رُومِیوں 15:31

پئی مَیں اوہناں توں جیہڑے یہُودیہ وِچ نافرمان نیں بچ جاواں نالے اوہ میری خِدمت جیہڑی مَیں یرُوشلِیم لئی کرنا آں پاک لوکاں نُوں منظُور ہوئے۔

۲-کُرِنتھِیوں 1:5

کیوں جو جیویں مسِیح دے دُکھ سانُوں وَدّھ پُہنچدے نیں اوسے طرح ساڈی تسلّی وی مسِیح دی راہِیں وَدّھ ہوندی اے۔

۲-کُرِنتھِیوں 1:7

تے ساڈی آس تُہاڈی بابت پَکّی اے۔ کیوں جو اسی جاننے آں پئی جیویں تُسی دُکھاں وِچ سِیری ہو۔ اوسے طرح تسلّی وِچ وی ہو۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-تِیمُتِھیُس 4:7

مَیں چَنگا دنگل گھلّیا اے مَیں دَوڑ مُکا چھڈی۔ مَیں اِیمان نُوں سانبھ رکھیا۔

۲-پطرس 2:9

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔