۲-تِیمُتِھیُس 2:26 - پنجابی نواں عہد نامہ نظرثانی شدہ چھپائی

²⁶ تے خُداوند دے بندے دے ہتھّوں خُدا دی مرضی دے قیدی ہون تے ابلیس دی پھاہی تُوں چُھٹن۔

۲-تِیمُتِھیُس 2:26 ပူးပေါင်းရင်းမြစ်များ

لُوقا 11:21

جد کوئی زوراور بندہ ہتّھیار بَنّھ کے اپنے گھر دا پَہرا دیوے تے اوہدے مال دی حفاظت ہوندی اے۔

لُوقا 15:17

تَد اوس ہوش وِچ آ کے آکھیا میرے پئیو دے کئیاں مزدُوراں نُوں لوڑ توں وَدّھ روٹِیاں مِل دِیاں نیں تے مَیں ایتھے بُھکھا پیا مرنا۔

لُوقا 5:10

تے ایسے طرح زبدی دے پُتر یعقُوب تے یُوحنّا جیہڑے شمعُون دے سنگی سن۔ تَد یِسُوع شمعُون نُوں آکھیا۔ نا ڈر ایدوں اگّے تُوں بندیاں نُوں پھڑن والا بنے گا۔

یُوحنّا 13:2

تے جد ابلیس شمعُون دے پُتر یہُوداہ اِسکریُوتی دے دِل وِچ ایہہ پایا سی پئی اوہ اوہنوں پھڑا دیوے۔

یُوحنّا 13:27

تے بُرکی لین دے پِچّھوں اوسے ویلے شیطان اوہدے اندر وڑ گیا۔ تَد یِسُوع اوہنوں آکھیا جو کُجھ تُوں کرنا اے سو چھیتی کر۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

اعمال 5:3

پر پطرس آکھیا۔ اَے حننیاہ شیطان تیرے دِل وِچ ایہہ گلّ کیوں پائی پئی تُوں پاک رُوح نُوں فریب دیویں تے زمین دے مُل وِچوں کُجھ رکھ چھڈیں؟

۱-کُرِنتھِیوں 15:34

اِیماندار ہون لئی ہوش وِچ آؤ۔ تے گُناہ نا کرو۔ کیوں جو کئیاں وِچ خُدا دی پچھان نئیں۔ مَیں تُہانوں شرمندیاں کرن لئی ایہہ آکھنا آں۔

۲-کُرِنتھِیوں 2:11

تاں جو شیطان دا ساڈے اُتّے داء نا چلّے کیوں جو اسی ایہدیاں فریباں توں ناواقِف نئیں آں۔

اِفسِیوں 5:14

ایس لئی اوہ آکھدا اے۔ پئی اے سُتّیا ہویا جاگ تے مُردیاں وِچوں جِیو اُٹھ۔ تے مسِیح دا چانن تیرے اُتّے چمکے گا۔

کُلُسِّیوں 1:13

اوسے ای سانُوں ہنیرے دے ہتھّوں چھڈا کے اپنے پیارے پُتر دی بادشاہی وِچ واڑیا۔

۱-تِیمُتِھیُس 1:20

اوہناں وِچوں ہُمِنِیُس تے سکندر نیں۔ اوہناں نُوں مَیں شیطان دے ہتّھ وِچ دے دِتّا اے۔ پئی کُفر توں مُڑنا سِکھّن۔

۱-تِیمُتِھیُس 3:7

تے باہر والیاں وِچ نیک نام ہونا چاہیدا اے۔ تاں جو ملامت وِچ تے ابلیس دی پھاہی وِچ پَھس نا جائے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔