۲-تھِسّلُنِیکوں 3:5 - پنجابی نواں عہد نامہ نظرثانی شدہ چھپائی

⁵ تے خُداوند تُہاڈے دِلاں نُوں خُدا دی مُحبّت تے مسِیح دے صبر ولّ ہدایت کرے۔

۲-تھِسّلُنِیکوں 3:5 ပူးပေါင်းရင်းမြစ်များ

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 8:25

پر جِہنُوں اسی نئیں ویکھدے جے اوہدی آس رکھیے۔ تے صبر نال اوہدی اُڈِیک وِچ رہنے آں۔

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

۱-کُرِنتھِیوں 8:3

پر جیہڑا خُدا نال مُحبّت رکھدا اے خُدا اوہنوں پچھاندا اے۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

۱-تھِسّلُنِیکوں 1:10

تے اوہدے پُتر دے اسمان ولّوں آؤن دی اُڈِیک وِچ رہو۔ جِہنُوں اوس مُردیاں وِچوں جوایا۔ جِہدا ناں اے یِسُوع۔ جیہڑا سانُوں آؤن والے غضبوں چھڈاؤندا اے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 3:11

ہُن آپ ساڈا خُدا تے باپ تے ساڈا خُداوند یِسُوع تُہاڈے ولّ ساڈا راہ بنائے۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

یعقُوب 2:5

میرے پیارے بھراؤ! سُنو۔ خُدا ایس جہان دیاں غرِیباں نُوں اِیمان وِچ دَولتمند ہون لئی نئیں چُنیا؟ تے اپنے پیار کرن والیاں نال بادشاہی دا وارث ہون دا وعدہ نئیں کِیتا؟

۱-پطرس 4:1

جد مسِیح ساڈے واسطے جِسم دا دُکھ چُکیا۔ تے تُسی وی اوسے طبیعت دے ہتّھیار بنو۔ کیوں جو جِس جِسم دا دُکھ چُکیا اوس گُناہ توں خلاصی پائی اے۔

۲-پطرس 3:12

تے خُدا دے اوس دِن دے آؤن دی چاہ تے اوڈِیک کِنی چاہیدی اے۔ جِہدے سبّب اسمان اَگ نال پِگھر جان گے تے عناصر ڈاہڈی گرمی نال گلّ جان گے۔

۱-یُوحنّا 4:19

اسی ایس لئی مُحبّت کرنے آں پئی پہلا اوس ساڈے نال مُحبّت کِیتی۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 13:10

جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔