۲-تھِسّلُنِیکوں 3:4 - پنجابی نواں عہد نامہ نظرثانی شدہ چھپائی

⁴ تے سانُوں تُہاڈے ولّوں خُداوند وِچ وساہ اے۔ پئی جیہڑے حُکم اسی تُہانوں دینے آں۔ تُسی اوہناں اُتّے عمل کر دے ہو تے کر دے وی رہو گے۔

۲-تھِسّلُنِیکوں 3:4 ပူးပေါင်းရင်းမြစ်များ

متّی 28:20

تے اوہناں نُوں سکھاؤ پئی اوہناں سارِیاں گلّاں دی پالنا کرن جِنہاں دا مَیں تُہانوں حُکم دِتّا سی۔ تے ویکھو دُنیا دے اخِیر تِیکر ہر ویلے مَیں تُہاڈے نال آں۔ آمِین۔

رُومِیوں 15:14

تے میرے بھراؤ! مَیں آپ تُہاڈی بابت ایہہ یقِین رکھنا آں پئی تُسی آپ نیکی نال بھرپُور تے ساری دانائی نال بھرے ہوئے ہو تے اِک دُوجے نُوں سمجھان جوگے اوہ۔

رُومِیوں 15:18

کیوں جو مَیں ایہہ دلیری نئیں کراں گا۔ پئی مَیں ہور کِسے گلّ دا ذِکر کراں بنا اوہناں دے جیہڑیاں مسِیح میری راہِیں غیر قوماں دے منان لئی کِیتیاں بھانویں کلام تے کمّاں نال۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

۱-کُرِنتھِیوں 14:37

جے کوئی اپنے آپ نُوں نبی یا رُوحانی سمجھے تے ایہہ جان لَئے پئی جیہڑیاں گلّاں مَیں تُہانوں لِکھنا آں اوہ خُداوند دے حُکم نے۔

۱-کُرِنتھِیوں 7:19

نا تے سُنت کُجھ شے اے تے نا ناسُنتی سگوں خُدا دے حُکماں اُتّے ٹُرناں ای سبھ کُجھ اے۔

۲-کُرِنتھِیوں 2:3

تے مَیں تُہانوں ایہو گلّ لِکھی سی۔ تاں جو اجیہا نا ہوئے پئی مَیں آ کے جِنہاں توں خُوش ہونا چاہندا ساں۔ اوہناں ای دے سببّوں دلگِیر ہوواں۔ کیوں جو مَینُوں تُہاڈے ساریاں اُتّے ایس گلّ دا بھروسا اے۔ پئی جیہڑی میری خُوشی اے سو ای تُہاڈی سبھناں دی اے۔

۲-کُرِنتھِیوں 2:9

کیوں جو مَیں ایس کر کے وی لِکھیا سی پئی تُہانوں ازمانواں پئی سارِیاں گلّاں وِچ فرمانبردار ہویا نئیں۔

۲-کُرِنتھِیوں 8:22

تے اساں اوہناں نال اپنے اوس بھرا نُوں گھلّیا اے۔ جِہنُوں اساں بُہت سارِیاں گلّاں وِچ کئی وار ازما کے سرگرم ویکھیا اے پر ایس کر کے پئی اوہنوں تُہاڈے اُتّے بھروسا اے۔ ایس لئی ہُن بُہت وَدّھ سرگرم اے۔

گلتِیوں 5:10

مَینُوں خُداوند وِچ تُہاڈے اُتّے ایہہ وساہ اے پئی تُسی ہور طرح دا خیال نا کرو گے۔ پر جیہڑا تُہانوں گھبراؤندا اے اوہ بھانویں کیہڑا ہوئے سزا پائے گا۔

فِلِپّیوں 1:6

تے مَینُوں یقِین اے پئی جِس تُہاڈے وِچ نیک کمّ شُروع کِیتا اے۔ اوہ اوہنوں یِسُوع مسِیح دے دِن تِیکر پُورا کر دے گا۔

فِلِپّیوں 2:12

سو میرے پیاریو۔ جیویں مُڈھوں ای تُسی تابعداری کر دے رہے ہو اوسے طرح ہُن وی نا نِرے میرے ہوندیاں سگوں ایہدے نالوں وَدّھ میرے نا ہوندیاں ڈردے تے کمبدے ہوئے اپنی نجات دا کمّ کر دے جاؤ۔

۱-تھِسّلُنِیکوں 4:10

تے سارے مَکِدُنیہ دے سارے بھراواں نال ایسے طرح کر دے ہو۔ پر بھراؤ! اسی تُہانوں نصِیحت کرنے آں پئی ہور وی وَدھدے جاؤ۔

۲-تھِسّلُنِیکوں 3:12

ہُن اجیہاں نُوں اسی خُداوند یِسُوع مسِیح وِچ حُکم دیندے تے نصِیحت کرنے آں۔ پئی چُپ چاپ کمّ کر کے اپنی ای روٹی کھاؤ۔

۲-تھِسّلُنِیکوں 3:6

ہُن بھراؤ! اسی اپنے خُداوند یِسُوع مسِیح دے ناں وِچ تُہانوں حُکم دینے آں پئی اجیہے ہر اِک بھرا توں بچے رہو۔ جیہڑا بے قاعدہ ٹُردا اے تے اوس روائت اُتّے عمل نئیں کر دا جیہڑی اوہنوں ساڈے ولّوں مِلی اے۔

فلِیمون 1:21

ایس لئی مَیں لِکھنا آں پئی مَینُوں یقِین اے پئی تُوں میرے آکھے لگیں گا تے مَینُوں معلُوم اے پئی جو کُجھ مَیں آکھنا آں تُوں اودُوں وی ودِھیک کریں گا۔