۲-تھِسّلُنِیکوں 3:2 - پنجابی نواں عہد نامہ نظرثانی شدہ چھپائی

² پُٹھے تے بُرے بندیاں توں بچے رہو۔ کیوں جو ساریاں وِچ اِیمان نئیں۔

۲-تھِسّلُنِیکوں 3:2 ပူးပေါင်းရင်းမြစ်များ

متّی 17:17

تَد یِسُوع نے جواب دِتّا۔ اَے بے اِیمان اَڑبنگی نسل مَیں کدوں تِیکر تُہاڈے نال ہوواں گا مَیں کدوں تِیکر تُہاڈی برداشت کراں گا؟ اوہنوں ایتھے میرے کول لیاؤ۔

متّی 23:23

ہائے افسوس تُہاڈے اُتّے فقِیہو تے فرِیسیو مکّارو ایس لئی پئی تُسی پُودنے تے سونف تے زِیرے دے اُتّے دَہ یکّی لاندے اوہ۔ پر شریعت دِیاں بھاریاں بھاریاں گلّاں نُوں یعنی عدالت تے رَحم تے اِیمان نُوں تُساں چھڈ دِتّا اے۔ چاہیدا سی پئی تُسی ایہناں نُوں کر دے تے اوہناں نُوں وی نا چھڈ دے۔

لُوقا 18:8

مَیں تُہانوں آکھنا آں پئی اوہ چھیتی اوہناں دا نیاں کرے گا۔ پر جدوں اِبنِ آدم آوے گا دسو اوہ زمین اُتّے۔ اِیمان ویکھے گا؟

اعمال 13:45

پر یہُودی لوک بِھیڑ نُوں ویکھ کے ساڑے نال بھر گئے۔ تے پَولُس دِیاں گلّاں دی مخالفت کر دے تے کُفر بَکدے سن۔

اعمال 13:50

پر یہُودِیاں نیں دِیندار تے عِزّت دار زنانِیاں تے شہر دے وڈّے بندیاں نُوں چُکیا تے پَولُس تے برنباس دے ستان واسطے اُبھار کے اوہناں نُوں اپنی حدّوں باہر کڈھ دِتّا۔

اعمال 14:2

پر بے اِیمان یہُودِیاں غیر قوم والیاں نُوں اُبھار کے اوہناں دے دِل بھراواں ولّوں بُرے کر دِتّے۔

اعمال 17:5

پر یہُودِیاں نُوں ساڑا پَے گیا۔ تے کئی بازاری شوہدے اوہناں اپنے نال رَلا کے بِھیڑ نُوں اکٹّھا کِیتا تے شہر وِچ رَولا پا دِتّا۔ تے یاسون دا گھر گھیر کے چاہندے سن پئی اوہناں نُوں لوکاں دے اگّے لے آؤن۔

اعمال 25:27

کیوں جو مَینُوں ایہہ عقل دی گلّ نئیں جاپدی پئی قیدی نُوں گھلاں۔ تے نال ای ایہہ نا دساں پئی کیہڑے کیہڑے الزام اوہدے اُتّے لائے نیں۔

اعمال 28:24

تے بعضیاں اوہناں گلّاں نُوں جیہڑیاں اوس آکھیاں سن مَن لیا۔ تے بعضیاں نا مَنّیا۔

رُومِیوں 10:16

پر سبھناں خُوشخبری نُوں نئیں مَنّیا۔ یسعیاہ جو آکھدا اے خُداوند ساڈے سنیہے دا کِس یقِین کِیتا؟

رُومِیوں 15:31

پئی مَیں اوہناں توں جیہڑے یہُودیہ وِچ نافرمان نیں بچ جاواں نالے اوہ میری خِدمت جیہڑی مَیں یرُوشلِیم لئی کرنا آں پاک لوکاں نُوں منظُور ہوئے۔

۱-کُرِنتھِیوں 15:32

جے مَیں بندے وانگ اِفِسُس وِچ درِندیاں نال لڑیا۔ تے مَینُوں کِیہ فائدہ اے۔ جے مُردے نا جی اُٹھن گے تے آؤ کھایئے پِیئے۔ بھلکے تے مر ای جانا اے

۱-تھِسّلُنِیکوں 2:18

ایس لئی اساں (یعنی مَیں پَولُس) اِک وار نئیں سگوں دو واری تُہاڈے کول آؤن دا اِرادہ کِیتا۔ تے شیطان سانُوں ڈکیا۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔