۲-تھِسّلُنِیکوں 3:15 - پنجابی نواں عہد نامہ نظرثانی شدہ چھپائی

¹⁵ اوہنوں وَیری نا سمجھو سگوں بھرا سمجھ کے نصِیحت کرو۔

۲-تھِسّلُنِیکوں 3:15 ပူးပေါင်းရင်းမြစ်များ

متّی 18:15

تے جے تیرا بھرا تیرا گُناہ کرے تُوں جا اوہدے نال ہو کے اوہنوں وَکھریاں سمجھا۔ جے کر اوہ تیری سُنے تے تُوں اپنے بھرا نُوں کھٹ لیا۔

۱-کُرِنتھِیوں 4:14

مَیں تُہانوں شرمندیاں کرن لئی ایہہ گلّاں نئیں لِکھدا سگوں پیارے پُتر جان کے مَت دینا آں۔

۱-کُرِنتھِیوں 5:5

جِسم دی ہلاکت لئی شیطان دے حوالے کِیتا جاوے تے جو اوہدی رُوح خُداوند یِسُوع دے دِن بچ جائے۔

۲-کُرِنتھِیوں 10:8

کیوں جو جے مَیں ایس اختیار اُتّے کُجھ وَدّھ فخر وی کراں۔ جیہڑا خُداوند تُہاڈے بنان لئی مَینُوں دِتّا اے۔ تے تُہاڈے وگاڑن لئی نئیں۔ تے مَیں شرمندہ نا ہوواں گا۔

۲-کُرِنتھِیوں 13:10

ایس لئی مَیں غیر حاضری وِچ ایہہ گلّاں لِکھنا آں۔ تاں جو حاضر ہو کے مَینُوں اوس اختیار دے سببّوں سختی نا کرنی پَوے۔ جیہڑا خُداوند مَینُوں بنان لئی دِتّا اے نا وگاڑن لئی۔

گلتِیوں 6:1

بھراؤ جے کوئی تُہاڈے وِچوں کِسے قصور وِچ پھڑیا وی جائے۔ تے تُسی جیہڑے رُوحانی اوہ۔ اوہنوں حلِیمی نال سمبھالو۔ تے اپنا وی سمبھالا رکھّیں کِتے تُوں وی ازمایش وِچ نا پَے جائیں۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۲-تھِسّلُنِیکوں 3:13

تے تُسی بھراؤ! نیک کمّ کرن وِچ تھک نا جاؤ۔

۲-تھِسّلُنِیکوں 3:6

ہُن بھراؤ! اسی اپنے خُداوند یِسُوع مسِیح دے ناں وِچ تُہانوں حُکم دینے آں پئی اجیہے ہر اِک بھرا توں بچے رہو۔ جیہڑا بے قاعدہ ٹُردا اے تے اوس روائت اُتّے عمل نئیں کر دا جیہڑی اوہنوں ساڈے ولّوں مِلی اے۔

طِطُس 3:10

اِک دو واری نصِیحت کر کے بِدعتی بندے توں وکھرا ہو جا۔