۲-تھِسّلُنِیکوں 2:3 - پنجابی نواں عہد نامہ نظرثانی شدہ چھپائی

³ کِسے طرح کِسے دے دھوکھے وِچ نا آ جانا کیوں جو اوہ دِن نئیں آؤنا جد تِیکر پہلاں برگشتگی نا ہوئے۔ تے اوہ گُناہ دا بندہ یعنی ہلاکت دا پُتر ظاہر نا ہوئے۔

۲-تھِسّلُنِیکوں 2:3 ပူးပေါင်းရင်းမြစ်များ

یُوحنّا 17:12

جد مَیں اوہناں دے نال ساں تیرے ناں دی راہِیں جیہڑا تُوں مَینُوں دِتّا اے اوہناں دی سنبھالنا کِیتی تے مَیں اوہناں دی راکھی کِیتی۔ تے ہلاکت دے پُتر دے باہجوں کِسے دا ناس نئیں ہویا تاں جو نوِشتہ پُورا ہوئے۔

۱-کُرِنتھِیوں 6:9

تُسی نئیں جان دے۔ پئی بدکار خُدا دی بادشاہی دے وارث نا ہون گے؟ فریب نا کھاؤ۔ نا حرامکار خُدا دی بادشاہی دے وارث ہون گے۔ نا بُت پرست نا زناہی۔ نا لُچّے۔ نا مُنڈے باز۔

اِفسِیوں 5:6

کوئی تُہانوں بے فائدہ گلّاں نال دھوکھا نا دے۔ کیوں جو ایہناں دے سببّوں نافرمان لوکاں اُتّے خُدا دا غُصّہ آؤندا اے۔

۱-یُوحنّا 2:18

مُنڈیو۔ ایہہ چھیکڑلا ویلا اے تے جِہیا تُساں سُنیا اے۔ پئی مسِیح دا وَیری آؤن والا اے سو ہُن وی مسِیح دے بتھیرے وَیری اُٹھ کھلوتے نیں۔ ایس توں اسی جاننے آں پئی ایہہ اخِیری ویلا اے۔

۱-یُوحنّا 4:3

تے جیہڑی رُوح یِسُوع دا اِقرار نا کرے اوہ خُدا ولّوں نئیں۔ تے ایہو ای مسِیح دے وَیری دی رُوح اے۔ جِہدی خبر تُساں سُن لئی اے۔ پئی آؤن والی اے۔ سگوں ہُن وی دُنیا وِچ اے۔

مُکاشفہ 17:11

تے جیہڑا پشُو پہلاں ہے سی۔ تے ہُن نئیں اوہ آپے اَٹھواں اے تے ایہناں ستّاں وِچوں پَیدا ہویا تے ہلاکت وِچ پَوے گا۔

مُکاشفہ 17:8

ایہہ جیہڑا تُوں پشُو ویکھیا اے۔ ایہہ پہلاں تے ہے سی پر ہُن نئیں اے تے اگّوں نُوں اتھاہ کھڈے وِچوں نِکل کے ہلاکت وِچ پَوے گا تے زمین دے رہن والے جِنہاں دے ناں دُنیا دے مُڈھ توں پہلاں حیاتی دی کتاب وِچ لِکھے نئیں گئے ایس پشُو دا ایہہ حال ویکھ کے پئی پہلاں ہے سی تے ہُن نئیں اے تے فیر ہوئے گا۔ تعجُّب کرن گے۔