۲-تھِسّلُنِیکوں 2:2 - پنجابی نواں عہد نامہ نظرثانی شدہ چھپائی

² پئی جے کِسے رُوح دی گلّ یا کوئی کلام یا اجیہا خط آوے۔ جیہڑا ساڈے خط وانگُوں دسے اوس توں ایہہ سمجھ کے پئی خُداوند دا دِن پُج گیا اے۔ تُسی دِلوں نا ڈولو تے نا تُسی گھابر جاؤ۔

۲-تھِسّلُنِیکوں 2:2 ပူးပေါင်းရင်းမြစ်များ

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

مرقس 13:7

تے جد لڑائِیاں تے لڑائِیاں دِیاں افواواں سُنو تے گھبرا نا جانا ایہناں گلّاں دا ہونا ضرُور اے پر اجے اخِیر نئیں۔

لُوقا 21:19

تے اپنے صبر وِچ ای تُسی اپنیاں جاناں نُوں بچاؤ گے۔

لُوقا 21:9

تے جد لڑائِیاں تے فساداں دی خبر سُنو گے تے گھابر نا جاناں۔ کیوں جو ایہناں گلّاں دا پہلاں آؤنا ضرُور اے پر اوس ویلے اخِیر جھٹ پَٹ نا آوے گی۔

یُوحنّا 14:1

تُہاڈا دِل نا گھبرائے۔ تُسی خُدا اُتّے یقِین کر دے ہو میرے اُتّے وی یقِین کرو۔

یُوحنّا 14:27

سُکھ مَیں تُہانوں دیئی جاناں آں۔ اپنا سُکھ مَیں تُہانوں دینا آں۔ جیویں دُنیا دیندی اے اوس طرح تُہانوں نئیں دیندا۔ تُہاڈا دِل نا گھبرائے تے نا ڈرے۔

۱-کُرِنتھِیوں 1:8

جیہڑا تُہانوں اوڑک تِیکر قیم وی رکھّے گا۔ تاں جو تُسی ساڈے خُداوند یِسُوع مسِیح دے دِن بے عیب ٹھیرو

۱-کُرِنتھِیوں 14:32

تے نبیاں دِیاں رُوحاں نبیاں دے تابعیاں نیں۔

۱-کُرِنتھِیوں 7:26

سو ہُن دی مُصِیبت دا خیال کر کے میری رائے وِچ بندے دے لئی ایہو چَنگا اے۔ پئی جِہیا اے۔ اوہو جِہیا رہے۔

اِفسِیوں 5:6

کوئی تُہانوں بے فائدہ گلّاں نال دھوکھا نا دے۔ کیوں جو ایہناں دے سببّوں نافرمان لوکاں اُتّے خُدا دا غُصّہ آؤندا اے۔

۱-تھِسّلُنِیکوں 3:3

پئی کوئی بندہ ایہناں مُصِیبتاں توں گھابر نا جائے۔ کیوں جو تُسی آپ جان دے اوہ۔ پئی اسی ایہناں ای لئی مُقرّر ہوئے آں۔

۱-تھِسّلُنِیکوں 4:15

سگوں اسی تُہانوں خُدا دے کلام دے سببّوں آکھنے آں پئی اسی جیہڑے جیونے آں تے خُداوند دے آؤن توڑی باقی رہاں گے سُتّیاں ہویاں توں کِسے طرح اگّے نا وَدھاں گے۔

۱-تھِسّلُنِیکوں 5:2

ایس لئی پئی تُسی آپ چنگی طرح جان دے ہو۔ پئی خُداوند دا دِن ایس طرح آؤن والا اے۔ جیویں رات نُوں چور آؤندا اے۔

۲-تھِسّلُنِیکوں 2:15

سو بھراؤ تگڑے ہو کے کھلے رہو۔ تے جِنہاں روائِتاں دی بابت تُساں ساڈی زبانی یا ساڈے خط دی راہِیں تعلِیم پائی۔ اوہناں اُتّے قیم رہو۔

۲-تھِسّلُنِیکوں 3:17

مَیں پَولُس اپنے ہتّھ نال سلام لِکھناں آں۔ ہر خط وِچ میری ایہو نشانی اے۔ مَیں ایسے طرح لِکھنا ہُناں آں۔

مُکاشفہ 19:20

تے اوہ پشُو تے اوہدے نال اوہ جُھوٹھا نبی پھڑیا گیا۔ جِس اوہدے سامھنے ایہو جئے نِشان وکھائے سن جِنہاں نال اوس پشُو دا ٹھپّہ لین والیاں تے اوہدے بُت دی پُوجا کرن والیاں نُوں بدراہ کر دِتّا سی۔ اوہ دونویں اَگ دی اوس جِھیل وِچ جِیوندے سُٹّے گئے۔ جیہڑی گندھک نال بَلدی اے۔