۲-تھِسّلُنِیکوں 2:16 - پنجابی نواں عہد نامہ نظرثانی شدہ چھپائی

¹⁶ ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۲-تھِسّلُنِیکوں 2:16 ပူးပေါင်းရင်းမြစ်များ

لُوقا 16:25

تَد ابرہام آکھیا پُتر یاد کر پئی جِیوندیاں جی تینُوں چَنگیاں شیواں مِلیاں تے ایسے طرح لعزر نُوں مَندِیاں شیواں مِلیاں سو ہُن اوہنوں ایتھے تسلّی مِلدی اے تے تُوں تڑپنا ایں۔

یُوحنّا 13:1

عِیدِ فسح توں پہلاں جد یِسُوع ایہہ جان لیا پئی میری گھڑی آ پجی اے پئی دُنیا توں باپ کول جاواں اوہ اوہناں اپنیاں لوکاں نُوں جیہڑے دُنیا وِچ سن جیویں پیار کر دا سی اخِیر تِیکر پیار کر دا رہیا۔

یُوحنّا 15:13

کوئی بندہ ایہدے توں وَدّھ پیار نئیں کر دا پئی اپنے دوستاں لئی اپنی جان دیوے۔

یُوحنّا 15:9

جیویں باپ مَینُوں پیار کِیتا اوسے طرح مَیں وی تُہانوں کِیتا۔ تُسی میرے پیار وِچ رہو۔

یُوحنّا 16:22

سو ہُن تے تُہانوں غم اے پر مَیں تُہانوں فیر ویکھیاں گا تے تُہاڈا دِل خُوشی کرے گا تے تُہاڈی خُوشی تُہاتھوں کوئی کھو نئیں لَیندا۔

یُوحنّا 3:16

کیوں جو خُدا دُنیا نُوں اجیہا پیار کِیتا پئی اوس اپنا اِکلَوتا پُتر بخشیا تاں جو جیہڑا اوہدے اُتّے اِیمان لیاوے اوہ ہلاک نا ہوئے سگوں اوہنوں سدا دی زِندگی مِلے۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

اعمال 15:11

سگوں سانُوں یقِین اے۔ پئی جیویں اوہناں نُوں اوسے طرح سانُوں وی خُداوند یِسُوع دے فضل نال نجات مِلے گی۔

اعمال 18:27

تے جد اوہ اَخیہ نُوں لنگھناں چاہندا سی۔ بھراواں اوہدی ہِمّت وَدّھا کے شاگِرداں نُوں لِکھ گھلّیا۔ پئی اوہنوں چنگی طرح مِلن۔ تے اوس اَپڑ کے اوہناں لوکاں دی بڑی مدد کِیتی جِنہاں فضل نال اِیمان لیاندا سی۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 4:16

ایس کر کے اوہ وِرثہ اِیمان توں اے۔ تاں جو فضل وانگُوں ہوئے تے ایہہ وعدہ کُل نسل لئی قیم رہے نا نِرا اوس نسل لئی جیہڑی شریعت والی اے۔ سگوں اوس لئی وی جیہڑی ابرہام وانگر اِیمان والی اے۔ جیہڑا ساڈے سبھناں دا پئیو اے۔

رُومِیوں 4:4

ہُن کمّ کرن والے نُوں مزدُوری دینی بخشِش نئیں اے۔ سگوں اوہدا حق گِنیا جاندا اے۔

رُومِیوں 5:8

پر خُدا اپنی مُحبّت دی خُوبی ساڈے اُتّے ایس طرح ظاہر کر دا اے۔ پئی جد اسی اجے گُناہی ساں مسِیح ساڈے بدلے مویا۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

اِفسِیوں 5:25

گھر والیو! اپنیاں زنانِیاں نُوں پیار کرو جیویں مسِیح وی کلِیسیا نُوں پیار کر کے اپنے آپ نُوں اوہدی خاطر مَوت دے حوالے کر دِتّا۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 3:11

ہُن آپ ساڈا خُدا تے باپ تے ساڈا خُداوند یِسُوع تُہاڈے ولّ ساڈا راہ بنائے۔

۲-تھِسّلُنِیکوں 2:13

پر بھراؤ! خُدا دے پیاریو ساڈا فرض اے پئی ہرویلے تُہاڈے ولّوں خُدا دا شُکر کریئے۔ کیوں جو خُدا مُڈھوں تُہانوں چُن لیا۔ پئی رُوح دی راہِیں پاک بن کے تے سچیائی اُتّے اِیمان لیا کے نجات پاؤ۔

طِطُس 1:2

اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 7:19

(کیوں جو شریعت کِسے شے نُوں کامِل نئیں کِیتا۔) تے اوہدے تھاں اِک چنگی آس پَیدا ہوئی۔ جِہدی راہِیں اسی خُدا دے نیڑے جا سکنے آں۔

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 22:5

تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تِیکر بادشاہی کرن گے۔

مُکاشفہ 3:9

ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔