۲-تھِسّلُنِیکوں 1:9 - پنجابی نواں عہد نامہ نظرثانی شدہ چھپائی

⁹ اوہ خُداوند دے چِہرے تے اوہدی قُدرت دے جلال کولوں دُراڈے ہو کے سدا دی ہلاکت دی سزا پان گے۔

۲-تھِسّلُنِیکوں 1:9 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

متّی 22:13

تَد بادشاہ نَوکراں نُوں آکھیا۔ ایہدے ہتّھ پَیر بَنّھ کے ایہنوں باہر ہنیرے وِچ سُٹ آؤ۔ اوتھے رونا تے کچیچیاں وٹنا ہوئے گا۔

متّی 24:30

تے اوس ویلے اِبنِ آدم دا نِشان اسمان اُتّے نظر آوے گا تے تَد زمین دے سارے گھرانے پِٹن گے تے اِبنِ آدم نُوں قُدرت تے بڑے جلال نال اسمان دیاں بدّلاں اُتّے آؤندیاں ویکھین گے۔

متّی 25:41

تَد اوہ کھبّے پاسے والیاں نُوں وی آکھے گا۔ اَے لعنتیؤ میرے اگّوں اوس ہمیشہ دی اَگ وِچ جاؤ جیہڑی ابلیس تے اوہدیاں فرِشتیاں دے لئی تیار کِیتی ہوئی اے۔

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

متّی 26:24

اِبنِ آدم تے جان دا اے جیویں اوہدے حق وِچ لِکھیا ہویا اے۔ پر ہائے افسوس اوس بندے اُتّے جیہدی راہِیں اِبنِ آدم پھڑوایا جاندا اے۔ اوس بندے لئی بھلا ہوندا جے اوہ نا جمدا۔

متّی 7:23

تے مَیں اوہناں نُوں تَد صاف آکھاں گا پئی مَیں کدی تُہانوں نئیں جانیا۔ اَے شریعت توڑن والیو مَیتھوں دُراڈے ہو جاؤ۔

لُوقا 13:27

پر اوہ آکھے گا۔ مَیں تُہانوں آکھنا آں مَیں نئیں جان دا پئی تُسی کِتّھوں دے ہو۔ اَے سارے بدکارو۔ میرے کولوں دُراڈے ہو جاؤ۔

یُوحنّا 5:14

اوہدے بعدوں یِسُوع اوہنوں ہیکل وِچ ویکھ کے اوہنوں آکھیا ویکھ تُوں چَنگا ہوگیا ایں مُڑ گُناہ نا کریں۔ متے تیرے اُتّے ایدوں وی بُہتی خرابی آ پَوے۔

فِلِپّیوں 3:19

اوہناں دا انت ہلاکت اے۔ ڈِھڈ اوہناں واسطے خُدا اے۔ اوہ اپنی شرم دِیاں گلّاں اُتّے پُھلدے نیں۔ تے دُنیا دِیاں شیواں ولّ دھیان رکھدے نیں۔

۱-تھِسّلُنِیکوں 5:3

جِس ویلے لوک آکھدے ہون گے۔ پئی خَیر سُکھ اے۔ اوس ویلے اوہناں اُتّے ایس طرح اِک دم تباہی آوے گی۔ جیویں جمّن والی عورت نُوں پِیڑاں۔ تے اوہ کِسے طرح نا بچن گے۔

۲-تھِسّلُنِیکوں 2:8

تے فیر اوہ بے دِین بندہ جِہنُوں خُداوند یِسُوع اپنے مُنھ دی پُھوک نال ہلاک تے اپنے آؤن دے جَلوے نال فنا کرے گا ظاہر کِیتا جائے گا۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 10:29

تے خیال کرو۔ پئی اوس بندے دی سزا کیڈی کُو ہوئے گی۔ جِس خُدا دے پُتر نُوں لتاڑیا اے۔ تے عہد دے لہو نُوں جِہدے نال اوہ پاک ہویا سی ناپاک جانیا تے فضل دے رُوح دی بے عِزّتی کِیتی۔

۲-پطرس 2:17

اوہ اَنھے کُھوہ نیں تے اجیہے بدّل جِنہاں نُوں ہنیری اُڈا دیندی اے۔ اوہناں لئی بے حد ہنیرا رکھیا ہویا اے۔

۲-پطرس 3:7

سگوں ایس ویلے دے اسمان تے زمین اوسے کلام دی راہِیں ایس لئی رکھّے ہوئے نیں پئی ساڑے جان تے اوہ بے دِین بندیاں دی عدالت تے ہلاکت دے دِن تِیکر سانبھے رہن گے۔

یہُوداہ 1:13

سمُندر دِیاں اکھڑ ٹھاٹھاں نیں جِنہاں توں اپنی بے لہنگی دی جھگ چُھٹ دی اے۔ ایویں بھون والے تارے جِنہاں دے لئی سدا دے ہنیرے دا مُکالا پیا ہویا اے۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔

مُکاشفہ 20:14

فیر مَوت تے پاتال اَگ دی جِھیل وِچ سُٹّے گئے۔ ایہہ اَگ دی جِھیل دُوجی مَوت اے۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔