۲-تھِسّلُنِیکوں 1:4 - پنجابی نواں عہد نامہ نظرثانی شدہ چھپائی

⁴ ایتھوں تِیکر پئی اسی آپ خُدا دی کلِیسیاواں وِچ تُہاڈے ولّوں فخر کرنے آں۔ پئی جِنّے ظُلم تے مُصِیبتاں تُسی سَہندے ہو۔ اوہناں ساریاں وِچ تُہاڈا صبر تے اِیمان ظاہر ہوندا اے۔

۲-تھِسّلُنِیکوں 1:4 ပူးပေါင်းရင်းမြစ်များ

رُومِیوں 12:12

آس وِچ خُوش رہو۔ تنگی وِچ صبر کرو۔ دُعا منگن وِچ لگّے رہو۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

رُومِیوں 8:25

پر جِہنُوں اسی نئیں ویکھدے جے اوہدی آس رکھیے۔ تے صبر نال اوہدی اُڈِیک وِچ رہنے آں۔

۱-کُرِنتھِیوں 7:17

پر جیہا خُدا ہر اِک نُوں حِصّہ دِتّا اے تے جیویں خُدا ہر اِک نُوں سدّیا اے۔ اوہ اوسے طرح ٹُرے۔ تے مَیں ساریاں کلِیسیاواں وِچ ایسے طرح حُکم دینا آں۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-کُرِنتھِیوں 7:14

تے جے مَیں اوہدے اگّے تُہاڈی بابت کُجھ فخر کِیتا تے شرمندہ نا ہویا سگوں جیویں اساں سارِیاں گلّاں تُہانوں سَچ سَچ آکھیاں ایسے طرح جیہڑا فخر اساں طِطُس دے اگّے کِیتا۔ اوہ وی سَچ نِکلیا۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

۲-کُرِنتھِیوں 9:2

کیوں جو مَیں تُہاڈا شَوق جاننا آں۔ جِہدے سبّب مَکِدُنیہ دیاں لوکاں اگّے تُہاڈے اُتّے فخر کرنا آں۔ پئی اَخیہ دے لوک پِچّھلے ورھے توں تیار نیں۔ تے تُہاڈی سرگرمی نے کئیاں لوکاں نُوں جوش دوایا۔

۲-کُرِنتھِیوں 9:4

اجیہا نا ہوئے۔ پئی جے مَکِدُنیہ دے لوک میرے نال آؤن۔ تاں تُہانوں تیار نا ویکھن۔ تے اسی (ایہہ نئیں آکھدے پئی تُسی) اوس بھروسے دے سبّب شرمندے ہوئیے۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 2:14

ایس لئی پئی تُسی بھراؤ خُدا دی اوہناں کلِیسیاواں دے نمونے اُتّے چَلّن والے بن گئے۔ جیہڑیاں یہُودیہ وِچ مسِیح یِسُوع وِچ نیں۔ کیوں جو تُساں وی اپنے مُلکی بھراواں توں ہو تکلیفاں سَہیاں جیہڑیاں اوہناں وی یہُودِیاں کولوں۔

۱-تھِسّلُنِیکوں 2:19

بھلا آس تے خُوشی تے فخر دا تاج کِیہ اے؟ کِیہ اوہ ساڈے خُداوند یِسُوع دے سامھنے اوہدے آؤن دے ویلے تُسی نا ہوؤگے؟

۲-تھِسّلُنِیکوں 3:5

تے خُداوند تُہاڈے دِلاں نُوں خُدا دی مُحبّت تے مسِیح دے صبر ولّ ہدایت کرے۔

عِبرانیوں 10:36

کیوں جو تُہانوں صبر کرن دی لوڑ اے۔ تاں جو خُدا دی مرضی پُوری کر کے وعدہ کِیتی ہوئی شے لے لوؤ۔

عِبرانیوں 6:12

تاں جو تُسی ڈِھلّے نا ہو جاؤ۔ سگوں اوہناں وانگر ہو۔ جیہڑے اِیمان تے صبر دی راہِیں وعدے دے وارث بن دے نیں۔

عِبرانیوں 6:15

تے اوس ایسے طرح صبر کر کے اوس وعدہ کِیتی ہوئی شے نُوں لے گیا۔

یعقُوب 5:11

ویکھو صبر کرن والیاں نُوں اسی دھنّ آکھنے آں۔ تُساں ایُّوب دے صبر دا حال تے سُنیا ای اے تے خُداوند ولّوں جیہڑا اوہدا انت ہویا اوہنوں وی معلُوم کر لیا۔ جِہدے توں خُداوند دا بڑا ترس تے رَحم ظاہر ہوندا اے۔

۲-پطرس 1:6

تے عِلم اُتّے پرہیزگاری تے پرہیزگاری اُتّے صبر تے صبر اُتّے دِینداری۔

مُکاشفہ 14:12

پاک لوکاں یعنی خُدا دے حُکماں اُتّے عمل کرن والیاں تے یِسُوع اُتّے اِیمان لیاؤن والیاں دے صبر دا ایہو ویلا اے۔