۲-تھِسّلُنِیکوں 1:3 - پنجابی نواں عہد نامہ نظرثانی شدہ چھپائی

³ بھراؤ! تُہاڈے ولّوں ہر ویلے خُدا دا شُکر کرنا ساڈے اُتّے فرض اے تے چاہیدا وی اے۔ کیوں جو تُہاڈا اِیمان بُہت وَدھدا جاندا اے۔ تے تُہاڈی ساریاں دی مُحبّت آپو وِچ بُہت وَدّھدِی جاندی اے۔

۲-تھِسّلُنِیکوں 1:3 ပူးပေါင်းရင်းမြစ်များ

لُوقا 15:32

پر خُوش ہونا تے خُوشی کرنی چاہی دی سی۔ کیوں جو تیرا ایہہ بھرا مر گیا سی۔ ہُن جی پیا اے۔ اوہ گواچ گیا سی تے ہُن لَبّھ گیا اے۔

لُوقا 17:5

تے رسُولاں خُداوند نُوں آکھیا ساڈا اِیمان وَدّھا۔

یُوحنّا 15:2

جیہڑی ٹہنی میرے وِچ ہو کے پَھل نئیں لیاؤندی اوہنوں اوہ وَڈّھ دیندا اے۔ تے جیہڑی پَھل لیاؤندی اے اوہنوں اوہ صاف کر دا اے۔ تاں جو اوہ ہور وی پَھل لیاوے۔

رُومِیوں 1:8

پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

۱-کُرِنتھِیوں 1:4

مَیں تُہاڈے لئی خُدا دے اوس فضل دے سببّوں جیہڑا مسِیح یِسُوع دی راہِیں تُہاڈے اُتّے ہویا۔ سدا اپنے خُدا دا شُکر کرنا آں۔

۲-کُرِنتھِیوں 10:15

تے اسی اندازیوں وَدّھ کے یعنی ہورناں دِیاں محِنتاں اُتّے فخر نئیں کر دے۔ پر اُمّیدوار آں پئی جد تُہاڈے اِیمان وِچ وادھا ہوئے تے اسی تُہاڈے سببّوں اپنی حد دے سببّوں ہور وی وَدِھیئے۔

اِفسِیوں 5:20

تے سارِیاں گلّاں واسطے ساڈے خُداوند یِسُوع مسِیح دے ناں اُتّے سدا خُدا باپ دا شُکر کر دے رہو۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

فِلِپّیوں 1:9

تے ایہہ دُعا کرنا آں پئی تُہاڈی مُحبّت عِلم تے ہر طرح دی پچھان نال ہور وی وَدّھدِی جاوے۔

۱-تھِسّلُنِیکوں 3:12

تے خُداوند کرے پئی جیویں سانُوں تُہاڈے نال مُحبّت اے اوسے طرح تُہاڈی مُحبّت وی آپو وِچ تے ساریاں بندیاں نال بُہتی ہوئے۔ تے وَدھے۔

۱-تھِسّلُنِیکوں 3:6

پر ہُن جو تِیمُتِھیُس تُہاڈے کول آ کے تُہاڈے اِیمان تے مُحبّت دی تے نالے ایس گلّ دی خُوشخبری دِتّی پئی تُسی سدا سانُوں نیک یاد کر دے ہو۔ تے ساڈے ویکھن دی اجیہی چاہ رکھدے ہو۔ جیویں اسی تُہاڈے ویکھن دی۔

۱-تھِسّلُنِیکوں 3:9

تُہاڈے ولّوں خُدا دے سامھنے سانُوں جِنّی خُوشی مِلی اے۔ اوہدے بدلے کِس طرح تُہاڈی بابت خُدا دا شُکر کرئیے؟

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۲-تھِسّلُنِیکوں 2:1

بھراؤ! اسی اپنے خُداوند یِسُوع مسِیح دے آؤن تے اوہدے کول اپنے اکٹّھے ہون دی بابت تُہاڈی مِنّت کرنے آں۔

۲-تھِسّلُنِیکوں 2:13

پر بھراؤ! خُدا دے پیاریو ساڈا فرض اے پئی ہرویلے تُہاڈے ولّوں خُدا دا شُکر کریئے۔ کیوں جو خُدا مُڈھوں تُہانوں چُن لیا۔ پئی رُوح دی راہِیں پاک بن کے تے سچیائی اُتّے اِیمان لیا کے نجات پاؤ۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۲-پطرس 1:13

تے جد تِیکر مَیں ایس تنبُو وِچ آں تُہانوں یاد دوا دوا کے اُبھارنا واجب سمجھنا آں۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔