۲-تھِسّلُنِیکوں 1:10 - پنجابی نواں عہد نامہ نظرثانی شدہ چھپائی

¹⁰ ایہہ اوس دِن ہوئے گا۔ جدوں اوہ اپنے پاک لوکاں وِچ جلال پان تے ساریاں اِیمان لیاؤن والیاں لئی اچرج دسن لئی آوے گا۔ کیوں جو تُساں ساڈی گواہی اُتّے اِیمان لیاندا۔

۲-تھِسّلُنِیکوں 1:10 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

متّی 16:28

مَیں تُہانوں سَچ آکھنا آں پئی ایہناں وِچوں جیہڑے ایتھے کھلوتے ہوئے نیں کئی نیں جیہڑے مَوت دا سواد نا لین گے۔ جد تِیکر اِبنِ آدم نُوں اوہدی بادشاہی وِچ آؤندیاں نا ویکھ لین گے۔

متّی 24:36

پر اوس دِن تے اوس گھڑی نُوں باپ دے سِوا کوئی نئیں جاندا نا اسماناں دے فرِشتے تے نا پُتر۔

متّی 25:31

جد اِبنِ آدم اپنے جلال وِچ آوے گا تے سارے فرِشتے اوہدے نال تَد اوہ اپنے جلال دے تخت اُتّے بَہے گا۔

متّی 7:22

اوس دِہاڑے بتھیرے مَینُوں آکھن گے خُداوندا خُداوندا تیرا ناں لے کے نبُوّتاں اساں نئیں سن کِیتیاں؟ تے تیرا ناں لے کے بدرُوحاں نئیں کڈِھیاں؟ تے تیرا ناں لے کے ڈھیر سارِیاں کراماتاں نئیں وکھائیاں؟

لُوقا 10:12

مَیں تُہانوں آکھنا آں پئی اوس دِن سدُوم دا حال اوس شہر نالوں بُہتا سوکھا ہوئے گا۔

یُوحنّا 11:4

یِسُوع ایہہ سُن کے آکھیا ایہہ بیماری مَوت دی نئیں اے پر خُدا دے جلال لئی۔ تاں جو خُدا دے پُتر دا اوہدے کر کے جلال ہوئے۔

یُوحنّا 17:10

تے میرِیاں سارِیاں شیواں تیریاں نیں تے تیریاں میرِیاں نیں۔ تے اوہناں وِچ میرا جلال ظاہر ہویا اے۔

۱-کُرِنتھِیوں 1:6

سو مسِیح دی گواہی تُہاڈے وِچ قیم ہوئی۔

۱-کُرِنتھِیوں 3:13

تے ہر کِسے دا کمّ دِس پووے گا۔ کیوں جو جیہڑا دِن اَگ نال ظاہر ہوئے گا۔ اوہ اوس کمّ نُوں دس دے گا۔ تے اوہ اَگ ہر اِک دا کمّ آپی پرکھ لَئے گی۔ پئی کیہو جِہیا اے۔

گلتِیوں 1:24

تے اوہ میرے صدقہ خُدا دی وڈیائی کر دیاں سن۔

اِفسِیوں 1:12

ایس کر کے پئی اسی جیہڑے پہلاں توں مسِیح دی آس وِچ ساں اوہدے جلال دی وڈیائی دا سبّب ہوئے۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 1:6

تاں جو اوہدے اوس فضل دے جلال دی وڈیائی ہوئے جیہڑا اوس سانُوں اوس پیارے وِچ مُفت دِتّا۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

اِفسِیوں 3:10

تاں جو ہُن کلِیسیا دی راہِیں خُدا دی طرح طرح دی حِکمت اوہناں حکُومت تے اختیار والیاں نُوں معلُوم ہو جائے۔ جیہڑے اسمانی تھانواں وِچ نیں۔

اِفسِیوں 3:16

پئی اوہ اپنے جلال دی دَولت دے سببّوں تُہانوں ایہہ بخشے پئی تُسی اوہدی رُوح توں اپنی اندرلی اِنسانِیّت وِچ چوکھے تگڑے ہو جاؤ۔

۱-تھِسّلُنِیکوں 1:5

ایس لئی پئی ساڈی خُوشخبری تُہاڈے کول نِریاں گلّاں نال نئیں پر زور تے پاک رُوح تے پُورے اعتقاد نال اَپڑی جیویں تُہانوں پتا اے۔ پئی اساں تُہاڈی خاطر تُہاڈے وِچ کیہو جِہیا بن وکھایا۔

۱-تھِسّلُنِیکوں 2:1

بھراؤ! تُسی جان دے ہو پئی ساڈا تُہاڈے کول آؤنا بے فائدہ نا ہویا۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

۲-تھِسّلُنِیکوں 1:12

تاں جو ساڈے خُدا تے خُداوند یِسُوع مسِیح دے فضل دے سببّوں ساڈے خُداوند یِسُوع دا ناں تُہاڈے وِچ جلال پاوے تے تُسی اوہدے وِچ۔

۲-تھِسّلُنِیکوں 2:13

پر بھراؤ! خُدا دے پیاریو ساڈا فرض اے پئی ہرویلے تُہاڈے ولّوں خُدا دا شُکر کریئے۔ کیوں جو خُدا مُڈھوں تُہانوں چُن لیا۔ پئی رُوح دی راہِیں پاک بن کے تے سچیائی اُتّے اِیمان لیا کے نجات پاؤ۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۲-تِیمُتِھیُس 1:12

ایسے سبّب مَیں ایہہ دُکھ وی سہنا آں۔ پر شرماؤندا نئیں۔ کیوں جو جِہدے اُتّے مَیں اِیمان لیاندا اے۔ اوہنوں جاننا آں تے مَینُوں یقِین اے پئی اوہ میری امانت دی اوس دِن تِیکر حفاظت کر سکدا اے۔

۲-تِیمُتِھیُس 1:18

(خُداوند اوہنوں ایہہ بخشے۔ پئی اوس دِن اوہدے اُتّے خُداوند دا رَحم ہوئے۔) تے جیہڑیاں خِدمتاں اوس اِفِسُس وِچ کِیتیاں تُوں چنگی طرح جاننا ایں۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔