۲-پطرس 3:9 - پنجابی نواں عہد نامہ نظرثانی شدہ چھپائی

⁹ خُداوند اپنے وعدے وِچ چِر نئیں لاندا جیویں بعضے سمجھدے نیں۔ سگوں تُہاڈی بابت صبر کر دا اے۔ ایس لئی پئی اوہ کِسے دی ہلاکت نئیں چاہندا۔ سگوں ایہہ چاہندا اے۔ پئی سارے تَوبہ کرن۔

۲-پطرس 3:9 ပူးပေါင်းရင်းမြစ်များ

رُومِیوں 13:11

تے زمانے نُوں جان کے پئی ہُنے ای نِیندر توں تُہاڈے جاگن دا ویلا اے۔ ایس طرح کریا کرو۔ کیوں جو اوس ویلے نالوں جدوں اساں اِیمان لیاندا ہُن ساڈی نجات نیڑے آئی۔

رُومِیوں 13:12

رات بڑی لنگھ گئی دِن نیڑے آیا۔ سو ہنیرے دے کمّ چھڈ کے چانن دے ہتّھیار پا لیئے۔

رُومِیوں 2:4

یا تُوں اوہدی مِہربانی تے تحمّل تے صبر دی دَولت نُوں ماڑا جاننا ایں۔ تے نئیں سمجھدا پئی خُدا دی مِہربانی تینُوں تَوبہ دے راہ پاندی اے؟

رُومِیوں 9:22

تے کِیہ ہویا جے خُدا ایس غرض نال پئی اپنا غُصّہ وکھا لے تے اپنی قُدرت معلُوم کراوے۔ غُصّے دے بھانڈیاں دی جیہڑے ناس ہون لئی تیار کِیتے گئے سن بڑے صبر نال سہندا رہیا۔

۱-تِیمُتِھیُس 1:16

میرے اُتّے ایس لئی رَحم ہویا پئی یِسُوع مسِیح میرے سببّوں جیہڑا موہرلا ہاں سارا صبر وکھائے پئی جِنہاں لوکاں سدا دی زِندگی لئی اوہدے اُتّے اِیمان لیاؤنا اے اوہناں لئی مَیں نمونہ بناں۔

۱-تِیمُتِھیُس 2:4

اوہ چاہندا اے پئی سارے لوک نجات پان۔ تے سچیائی دی پچھان تِیکر اَپڑ جان۔

عِبرانیوں 10:37

تے ہُن بُہت ای تھوڑا چِر باقی اے۔ پئی آؤن والا آوے گا تے چِر نا لائے گا۔

۱-پطرس 3:20

جیہڑیاں اوس اگلے زمانے وِچ نافرمان سن۔ جدوں خُدا نُوح دے ویلے صبر کر کے اوڈِیکدا رہیا سی تے اوہ بیڑی تیار کِیتی جاندی سی جِہدے اُتّے سوار ہو کے تھوڑے جیہے بندے یعنی کُل اَٹھ جاناں پانی دی راہِیں بچِئیاں۔

۲-پطرس 1:4

تے اوہناں دی راہِیں اوس ساڈے نال قِیمتی تے بتھیرے وڈّے وعدے کِیتے۔ تاں جو اوہناں دی راہِیں تُسی اوس خرابی توں چُھٹ کے جیہڑی دُنیا وِچ بُری خواہش دے سببّوں اے۔ اوہناں دی راہِیں ذاتِ اِلہٰی وِچ سنگی ہو جاؤ۔

۲-پطرس 3:15

تے ساڈے خُداوند دے صبر نُوں نجات سمجھو جیویں ساڈے پیارے بھرا پَولُس وی اوس حِکمت دے سببّوں جیہڑی اوہنوں مِلی تُہانوں لِکھیا اے۔

مُکاشفہ 2:21

تے مَیں اوہنوں تَوبہ کرن دی مُہلت دِتّی پر اوہ اپنی حرامکاری توں تَوبہ نئیں کرنا چاہندی۔