۲-پطرس 3:7 - پنجابی نواں عہد نامہ نظرثانی شدہ چھپائی

⁷ سگوں ایس ویلے دے اسمان تے زمین اوسے کلام دی راہِیں ایس لئی رکھّے ہوئے نیں پئی ساڑے جان تے اوہ بے دِین بندیاں دی عدالت تے ہلاکت دے دِن تِیکر سانبھے رہن گے۔

۲-پطرس 3:7 ပူးပေါင်းရင်းမြစ်များ

متّی 10:15

مَیں تُہانوں سَچ آکھنا آں پئی عدالت دے دِن اوس نگّر نالوں سدُوم تے عمُورہ دے دیس دی سزا گھٹ ہوئے گی۔

متّی 11:22

پر مَیں تُہانوں آکھنا آں۔ پئی عدالت دے دِن تُہاڈے نالوں صُور تے صَیدا دا سُکھلّ ہوئے گا۔

متّی 11:24

پر مَیں تُہانوں آکھنا آں پئی عدالت دے دِن تیرے نالوں سدُوم دیس واسطے سُکھلّ ہوئے گا۔

متّی 12:36

پر مَیں تُہانوں آکھنا آں پئی ہر اِک وادھی گلّ جیہڑی لوکی بولن گے عدالت دے دِن اوہ اوہدا حِساب دین گے۔

متّی 24:35

اسمان تے زمین ٹل جان گے پر میرِیاں گلّاں کدی نا ٹلن گِیاں۔

متّی 25:41

تَد اوہ کھبّے پاسے والیاں نُوں وی آکھے گا۔ اَے لعنتیؤ میرے اگّوں اوس ہمیشہ دی اَگ وِچ جاؤ جیہڑی ابلیس تے اوہدیاں فرِشتیاں دے لئی تیار کِیتی ہوئی اے۔

مرقس 6:11

تے جِتّھے کِتّھے تُہانوں رہن نا دین۔ تے لوک تُہاڈی نا سُنن تے اوتھوں نِکلدیاں اپنے پیراں دا گھٹّا جھاڑ سُٹّو۔ پئی اوہناں اُتّے گواہی ہوئے۔

یُوحنّا 12:48

اوہ جیہڑا مَینُوں رَدّ کر کے میرِیاں گلّاں نُوں نئیں قبولدا اوہدا اِک عدالت کرن والا تے اے۔ کلام جیہڑا مَیں آکھیا۔ اوہ ای اوڑک دے دِن اوہدی عدالت کرے گا۔

رُومِیوں 2:5

سگوں تُوں اپنے ڈاہڈے تے نا تَوبہ کرن والے دِل دے سببّوں اوس دِن لئی جِہدے وِچ قَہر تے خُدا دی سَچّی عدالت ظاہر ہوئے گی۔ اپنے لئی قَہر اکٹّھا کرنا ایں۔

۱-کُرِنتھِیوں 3:13

تے ہر کِسے دا کمّ دِس پووے گا۔ کیوں جو جیہڑا دِن اَگ نال ظاہر ہوئے گا۔ اوہ اوس کمّ نُوں دس دے گا۔ تے اوہ اَگ ہر اِک دا کمّ آپی پرکھ لَئے گی۔ پئی کیہو جِہیا اے۔

فِلِپّیوں 1:28

تے کِسے گلّ وِچ دُشمناں کولوں نئیں ڈردے۔ ایہہ اوہناں لئی ہلاکت دا صاف نِشان اے۔ تے تُہاڈے لئی خُدا ولّوں نجات دا۔

۲-تھِسّلُنِیکوں 2:3

کِسے طرح کِسے دے دھوکھے وِچ نا آ جانا کیوں جو اوہ دِن نئیں آؤنا جد تِیکر پہلاں برگشتگی نا ہوئے۔ تے اوہ گُناہ دا بندہ یعنی ہلاکت دا پُتر ظاہر نا ہوئے۔

۱-تِیمُتِھیُس 6:9

پر جیہڑے دَولتمند بننا چاہندے نیں اوہ ایسے ای ازمایش تے پھاہی تے بُہت ساری واہیات تے نُقصان دین والِیاں خواہشاں وِچ پَھس جاندے نیں جیہڑیاں بندیاں نُوں بربادی تے مَوت دے دریا وِچ ڈوب دیندیاں نیں۔

عِبرانیوں 12:29

کیوں جو ساڈا خُدا ساڑ چھڈن والی اَگ اے۔

۲-پطرس 2:9

تے خُداوند دِینداراں نُوں ازمایش وِچوں کڈھ لینا تے بدکاراں نُوں عدالت دے دِن تِیکر سزا وِچ رکھنا جان دا اے۔

۲-پطرس 3:10

پر خُداوند دا دِن چور وانگر آوے گا۔ اوس دِن اسمان بڑے شور نال برباد ہو جان گے۔ تے عناصر ڈاہڈی گرمی نال پِگھر جان گے۔ تے زمین تے اوہدے کمّ سڑ جان گے۔

۲-پطرس 3:12

تے خُدا دے اوس دِن دے آؤن دی چاہ تے اوڈِیک کِنی چاہیدی اے۔ جِہدے سبّب اسمان اَگ نال پِگھر جان گے تے عناصر ڈاہڈی گرمی نال گلّ جان گے۔

۱-یُوحنّا 4:17

ایس کر کے مُحبّت ساڈے وِچ پُوری ہوندی اے۔ پئی سانُوں عدالت دے دِن حَوصلہ ہوئے۔ کیوں جو جِہیا اوہ اے۔ تہے دُنیا وِچ اسی وی آں۔

یہُوداہ 1:7

ایسے طرح سدُوم تے عمُورہ تے اوہناں دے آلے دوالے دے شہر جیہڑے اوہناں وانگر حرامکاری وِچ پَے گئے تے پرائے جِسم مگر لگ پئے۔ سدا دی اَگ دی سزا جَھل کے اِک مِثال بنے۔

مُکاشفہ 17:11

تے جیہڑا پشُو پہلاں ہے سی۔ تے ہُن نئیں اوہ آپے اَٹھواں اے تے ایہناں ستّاں وِچوں پَیدا ہویا تے ہلاکت وِچ پَوے گا۔

مُکاشفہ 17:8

ایہہ جیہڑا تُوں پشُو ویکھیا اے۔ ایہہ پہلاں تے ہے سی پر ہُن نئیں اے تے اگّوں نُوں اتھاہ کھڈے وِچوں نِکل کے ہلاکت وِچ پَوے گا تے زمین دے رہن والے جِنہاں دے ناں دُنیا دے مُڈھ توں پہلاں حیاتی دی کتاب وِچ لِکھے نئیں گئے ایس پشُو دا ایہہ حال ویکھ کے پئی پہلاں ہے سی تے ہُن نئیں اے تے فیر ہوئے گا۔ تعجُّب کرن گے۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔

مُکاشفہ 21:1

فیر مَیں اِک نَوِیں اسمان تے نَوِیں زمین نُوں ویکھیا کیوں جو پہلا اسمان تے پہلی زمین جاندے رہے۔ تے سمُندر وی نا رہیا۔