۲-پطرس 3:2 - پنجابی نواں عہد نامہ نظرثانی شدہ چھپائی

² پئی تُسی اوہناں گلّاں نُوں جیہڑیاں پاک نبیاں پہلاں آکھیاں نیں تے خُداوند تے نجات دین والے دے اوس حُکم نُوں یاد رکھو۔ جیہڑا تُہاڈے رسُولاں دی راہِیں آیا سی۔

۲-پطرس 3:2 ပူးပေါင်းရင်းမြစ်များ

لُوقا 1:70

(جِہیا اوس اپنے پاک نبیاں دی زبانی آکھیا جیہڑے دُنیا دے مُڈھوں ہوندے آئے نیں۔)

لُوقا 24:27

تے مُوسیٰ تے سارے نبیاں توں شُروع کر کے سارِیاں کِتاباں وِچ جِنّیاں گلّاں اوہدی بابت لِکھیاں ہویاں نیں اوہناں نُوں سمجھا دِتّیاں۔

لُوقا 24:44

تَد اوس اوہناں نُوں آکھیا ایہہ میرِیاں اوہ گلّاں نیں جیہڑیاں تُہاڈے نال ہوندیاں ہویاں مَیں تُہانوں آکھیاں پئی اوہناں سبھناں گلّاں دا پُورا ہونا ضرُور اے۔ جیہڑیاں مُوسیٰ دی توریت تے نبیاں دِیاں کِتاباں تے زبُوراں وِچ میری بارے لِکھیاں ہویاں نیں۔

اعمال 10:43

سارے نبی اوہدے اُتّے گواہی دیندے نیں۔ پئی جو کوئی اوہدے اُتّے اِیمان لیاوے۔ اوہدے ناں اُتّے اپنے گُناہاں دی مُعافی پاوے گا۔

اعمال 28:23

تے جد اوہناں اوہدے لئی اِک دِن مُقرّر کِیتا۔ بتھیرے اوہدے ڈیرے اُتّے اوہدے کول آئے اوہناں نُوں اوس کھول کے سکھالیا تے خُدا دی بادشاہی دی گواہی دِتّی تے سویرے توں لے کے شام تِیکر مُوسیٰ دی توریت تے نبیاں دِیاں کِتاباں وِچوں یِسُوع دی بابت دلِیلاں کڈھ کے دسیاں۔

اعمال 3:18

پر جیہڑیاں گلّاں دی خبر خُدا ساریاں نبیاں دی زبانی پہلوں ای دِتّی سی پئی اوہدا مسِیح دُکھ چُکے گا۔ اوس ایویں پُوریاں کِیتیاں۔

اعمال 3:21

ایہہ ضرُوری اے پئی اوہ اسمان وِچ اودُوں تِیکر رہے جد تِیکر سارِیاں شیواں بحال نا کِیتیاں جان جِنہاں دا ذِکر خُدا نے مُڈھوں اپنے پاک نبیاں دی زبانی کِیتا۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

اِفسِیوں 2:20

تے رسُولاں تے نبیاں دی نِینّھ اُتّے جِہدی گُٹّھ دا پتّھر آپی مسِیح یِسُوع اے اُسارے گئے اوہ۔

اِفسِیوں 3:5

جیہڑا ہورناں زمانیاں وِچ بنی آدم نُوں ایس طرح معلُوم نئیں سی ہویا۔ جیویں اوہدے پاک رسُولاں تے نبیاں اُتّے رُوح نال ہُن ظاہر ہویا اے۔

۱-تِیمُتِھیُس 6:14

پئی ساڈے خُداوند یِسُوع مسِیح دے ظاہر ہون تِیکر حُکم نُوں بے نُقص تے بے عیب رکھ۔

۲-پطرس 2:21

کیوں جو راستبازی دے راہ دا نا جاننا اوہناں دے لئی ایہدے توں چَنگا ہوندا۔ پئی اوہنوں جان کے اوس پاک حُکم توں پھر جاندے جیہڑا اوہناں نُوں مِلیا سی۔

۲-پطرس 3:15

تے ساڈے خُداوند دے صبر نُوں نجات سمجھو جیویں ساڈے پیارے بھرا پَولُس وی اوس حِکمت دے سببّوں جیہڑی اوہنوں مِلی تُہانوں لِکھیا اے۔

۲-پطرس 3:16

تے اپنے ساریاں خطاں وِچ ایہناں گلّاں دا ذِکر کِیتا اے۔ جِنہاں وِچ کئی گلّاں اجیہاں نیں جِنہاں دا سمجھنا مُشکل اے تے جاہل تے ڈانواں ڈول لوک اوہناں دے مطلب نُوں وی ہورناں صحِیفیاں وانگر کھِچّ کھِچّ کے اپنے لئی ہلاکت پَیدا کر دے نیں۔

۱-یُوحنّا 4:6

اسی خُدا ولّوں آں۔ جیہڑا خُدا نُوں جان دا اے اوہ ساڈی سُندا اے۔ جیہڑا خُدا ولّوں نئیں اوہ ساڈی نئیں سُندا۔ ایسے توں اسی سچیائی دی رُوح تے بدراہی دی رُوح نُوں پچھان لینے آں۔

یہُوداہ 1:17

پر پیاریو۔ ایہناں گلّاں نُوں یاد رکھو۔ جیہڑیاں ساڈے خُداوند یِسُوع مسِیح دے رسُولاں پہلاں آکھیاں نیں۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔