۲-پطرس 3:16 - پنجابی نواں عہد نامہ نظرثانی شدہ چھپائی

¹⁶ تے اپنے ساریاں خطاں وِچ ایہناں گلّاں دا ذِکر کِیتا اے۔ جِنہاں وِچ کئی گلّاں اجیہاں نیں جِنہاں دا سمجھنا مُشکل اے تے جاہل تے ڈانواں ڈول لوک اوہناں دے مطلب نُوں وی ہورناں صحِیفیاں وانگر کھِچّ کھِچّ کے اپنے لئی ہلاکت پَیدا کر دے نیں۔

۲-پطرس 3:16 ပူးပေါင်းရင်းမြစ်များ

متّی 15:3

اوس اوہناں نُوں جواب دِتّا۔ تُسی وی کاہِنُوں اپنی رِیت رِوایت دے سبّب خُدا دے حُکم نُوں ٹال دیندے اوہ۔

متّی 15:6

اوہ بے شک اپنے باپ دی عِزّت نا کرے۔ ایس لئی تُساں اپنی رِیت رِوایت دے سبّب خُدا دے کلام نُوں رَدّ کِیتا۔

متّی 22:29

تے یِسُوع اوہناں نُوں جواب دِتّا۔ تُسی گُمراہ اوہ کیوں جو تُسی کِتاباں تے خُدا دی قُدرت توں ناواقِف اوہ۔

فِلِپّیوں 3:19

اوہناں دا انت ہلاکت اے۔ ڈِھڈ اوہناں واسطے خُدا اے۔ اوہ اپنی شرم دِیاں گلّاں اُتّے پُھلدے نیں۔ تے دُنیا دِیاں شیواں ولّ دھیان رکھدے نیں۔

عِبرانیوں 5:11

ایہدی بابت اساں بُہت سارِیاں گلّاں آکھنیاں نیں جِنہاں دا سمجھانا مُشکل اے۔ ایس لئی پئی تُسی سُنن ولّوں ڈِھلّے ہوگئے اوہ۔

یعقُوب 1:8

اوہ بندہ دو دِلا اے۔ تے اپنیاں سارِیاں گلّاں وِچ قیم نئیں رہندا۔

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۱-پطرس 2:8

تے ٹھیڈا لگّن دا پتّھر تے ٹھوکر کھان دی چٹان ہویا کیوں جو اوہ نافرمان ہو کے کلام توں ٹھیڈا کھاندے نیں۔ تے ایہدے لئی مُقرّر وی ہوئے سن۔

۲-پطرس 2:1

تے جیویں اوس اُمّت وِچ جُھوٹھے نبی اُٹھے سن ایسے طرح تُہاڈے وِچ وی جُھوٹھے اُستاد ہون گے جیہڑے لُک چُھپ کے ہلاک کرن والِیاں بِدعتاں کڈھن گے۔ تے اوس مالک دا اِنکار کرن گے جِس اوہناں نُوں مُل لیا سی تے اپنے آپ نُوں شتابی ہلاکت وِچ سُٹّن گے۔

۲-پطرس 2:14

اوہناں دِیاں اَکھّیاں جِنہاں وِچ زناکار عَورتاں وسِیاں ہویاں نیں گُناہ توں رُک نئیں سکدِیاں۔ اوہ ڈانواں ڈول دِلاں نُوں پھساندے نیں اوہناں دا دِل لالچ نال بھریا ہویا اے اوہ لعنت دی اولاد نیں۔

۲-پطرس 3:14

سو پیاریو! ایس کر کے پئی تُسی ایہناں گلّاں دی اوڈِیک وِچ ہو اوہدے اگّے تسلّی دی حالت وِچ بِناں داغ تے بے عیب ہون دی کوشش کرو۔

۲-پطرس 3:2

پئی تُسی اوہناں گلّاں نُوں جیہڑیاں پاک نبیاں پہلاں آکھیاں نیں تے خُداوند تے نجات دین والے دے اوس حُکم نُوں یاد رکھو۔ جیہڑا تُہاڈے رسُولاں دی راہِیں آیا سی۔

یہُوداہ 1:4

کیوں جو کئی اجیہے بندے چُپ کِیتے ساڈے وِچ آ وڑے نیں۔ جِنہاں دی ایس سزا دا چَرچا پرانے زمانے توں پہلاں لِکھیا گیا سی۔ ایہہ بے دین نیں تے ساڈے خُداوند دے فضل نُوں لُچ پُناں بناندے نیں۔ تے ساڈے اِکّو مالک تے خُداوند یِسُوع مسِیح توں مُکّر جاندے نیں۔