۲-پطرس 3:15 - پنجابی نواں عہد نامہ نظرثانی شدہ چھپائی

¹⁵ تے ساڈے خُداوند دے صبر نُوں نجات سمجھو جیویں ساڈے پیارے بھرا پَولُس وی اوس حِکمت دے سببّوں جیہڑی اوہنوں مِلی تُہانوں لِکھیا اے۔

۲-پطرس 3:15 ပူးပေါင်းရင်းမြစ်များ

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

اعمال 15:25

ایس واسطے اساں اِک دِل ہو کے ہَچھّا جانیا پئی کئی بندیاں نُوں چُن کے اپنے پیارے برنباس تے پَولُس دے نال۔

اعمال 7:10

تے اوہنوں اوہدیاں سارِیاں تنگِیاں توں چھڈایا۔ تے مِصر دے بادشاہ فِرعون دی نظر وِچ اوہنوں فضل تے دانائی دِتّی۔ تے اوس اوہنوں مِصر اُتّے تے اپنے سارے گھر اُتّے سردار مُقرّر کِیتا۔

اعمال 9:17

تَد حننیاہ گیا۔ تے اوس گھر وِچ وڑیا تے اپنے ہتّھ اوہدے اُتّے رکھّے تے آکھیا۔ اَے بھرا ساؤُل! خُداوند یعنی یِسُوع جیہڑا تیرے اُتّے اوس راہ وِچ جیہڑے راہ تُوں آیا ایں۔ ظاہر ہویا مَینُوں گھلّیا اے پئی تُوں فیر سُجاکھا ہوویں۔ تے پاک رُوح نال بھر جاویں۔

رُومِیوں 2:4

یا تُوں اوہدی مِہربانی تے تحمّل تے صبر دی دَولت نُوں ماڑا جاننا ایں۔ تے نئیں سمجھدا پئی خُدا دی مِہربانی تینُوں تَوبہ دے راہ پاندی اے؟

۱-کُرِنتھِیوں 12:8

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔

۱-کُرِنتھِیوں 2:13

تے اسی ایہناں گلّاں نُوں اوہناں لفظاں وِچ نئیں بیان کر دے۔ جیہڑے اِنسانی حِکمت نال سانُوں سِکھائے گئے ہون۔ سگوں اوہناں لفظاں وِچ جیہڑے رُوح سِکھائے نیں۔ تے رُوحانی گلّاں نُوں رُوحانی گلّاں نال جاچنے آں۔

۱-کُرِنتھِیوں 3:10

مَیں اوس توفِیق دے سببّوں جیہڑی خُدا مَینُوں بخشی۔ عقلمند راج وانگر نِینّھ رکھی تے دُوجا اوہدے اُتّے عمارت اُسار دا اے۔ سو ہر اِک خبردار رہے۔ پئی کہیو جِہی عمارت اُسار دا اے۔

اِفسِیوں 3:3

یعنی ایہہ پئی اوہ بھیت مَینُوں اِلہام نال معلُوم ہویا تے نالے مَیں پہلاں اوہدا تھوڑا جیہا حال لِکھیا سی۔

۱-تِیمُتِھیُس 1:16

میرے اُتّے ایس لئی رَحم ہویا پئی یِسُوع مسِیح میرے سببّوں جیہڑا موہرلا ہاں سارا صبر وکھائے پئی جِنہاں لوکاں سدا دی زِندگی لئی اوہدے اُتّے اِیمان لیاؤنا اے اوہناں لئی مَیں نمونہ بناں۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

یعقُوب 3:17

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

۱-پطرس 3:20

جیہڑیاں اوس اگلے زمانے وِچ نافرمان سن۔ جدوں خُدا نُوح دے ویلے صبر کر کے اوڈِیکدا رہیا سی تے اوہ بیڑی تیار کِیتی جاندی سی جِہدے اُتّے سوار ہو کے تھوڑے جیہے بندے یعنی کُل اَٹھ جاناں پانی دی راہِیں بچِئیاں۔

۲-پطرس 3:2

پئی تُسی اوہناں گلّاں نُوں جیہڑیاں پاک نبیاں پہلاں آکھیاں نیں تے خُداوند تے نجات دین والے دے اوس حُکم نُوں یاد رکھو۔ جیہڑا تُہاڈے رسُولاں دی راہِیں آیا سی۔

۲-پطرس 3:9

خُداوند اپنے وعدے وِچ چِر نئیں لاندا جیویں بعضے سمجھدے نیں۔ سگوں تُہاڈی بابت صبر کر دا اے۔ ایس لئی پئی اوہ کِسے دی ہلاکت نئیں چاہندا۔ سگوں ایہہ چاہندا اے۔ پئی سارے تَوبہ کرن۔