۲-پطرس 2:2 - پنجابی نواں عہد نامہ نظرثانی شدہ چھپائی

² تے بتھیرے اوہناں دے لُچ پُنے مگر ٹُرن گے جِنہاں دے سبّب سچیائی دے راہ دی بدنامی ہوئے گی۔

۲-پطرس 2:2 ပူးပေါင်းရင်းမြစ်များ

متّی 22:16

تے اوہناں اپنیاں شاگِرداں نُوں ہیرودیاں سَنے اوہدے کول گھلّیا پئی اوہنوں آکھن اَے اُستاد سانُوں معلُوم اے۔ پئی تُوں سَچّا ایں تے سچیائی نال خُدا دا راہ دسنا ایں تے تینُوں کِسے دی پرواہ نئیں کیوں جو تُوں بندیاں دے مُنھ دا لحاظ نئیں کر دا۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 7:14

کیوں جو بِھیڑا اے اوہ بُوہا تے سَوڑا اے اوہ راہ جیہڑا زِندگی نُوں پُہنچاندا اے۔ تے جیہڑے اوہنوں لبّھدے نیں تھوڑے نیں۔

مرقس 12:14

تے اوہناں اوہدے کول آ کے آکھیا۔ پئی اَے اُستاد۔ اسی جاننے آں پئی تُوں سَچّا ایں۔ تے تینُوں کِسے دی پرواہ نئیں۔ کیوں جو تُوں بندیاں دا لحاظ نئیں کر دا۔ پر تُوں سچیائی نال خُدا دا راہ دسنا ایں۔

مرقس 13:22

کیوں جو جُھوٹھے مسِیح تے جُھوٹھے نبی اُٹھن گے۔ تے نِشان تے اچرج کمّ وکھان گے۔ تاں جو جے ہو سکے اوہ چُنیاں ہویاں نُوں بُھلان۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

اعمال 13:10

تے آکھیا سارے مکر فریب دے بھرے ہوئے ابلیس دے بچّے سارِیاں نیکِیاں دے دُشمن تُوں خُداوند دے سِدّھیاں راہاں نُوں ڈِنگا کرنا نئیں چھڈیں گا؟

اعمال 14:2

پر بے اِیمان یہُودِیاں غیر قوم والیاں نُوں اُبھار کے اوہناں دے دِل بھراواں ولّوں بُرے کر دِتّے۔

اعمال 16:17

اوس پَولُس دے تے ساڈے مگر لگ کے اُچّی اواز نال آکھیا۔ پئی ایہہ بندے خُدا تعالیٰ دے بندے نیں۔ جیہڑے نجات دا راہ تُہانوں دسدے نیں۔

اعمال 18:26

تے عبادت خانے وِچ اوہ دلیری نال بولن لگّا۔ جدوں پرسِکّلہ تے اَکوِلہ نے اوہدی سُنی اوہناں اپنے کول لیا کے خُدا دا راہ ہور وی ٹھیک طرح نال اوہنوں دسیا۔

اعمال 19:9

تے جد بعضے سخت دِل تے نافرمان ہو گئے۔ تے ساریاں لوکاں دے اگّے ایس راہ نُوں بُرا آکھن لگّے۔ تَد اوس اوہناں توں وَکھریاں ہو کے شاگِرداں نُوں وَکھ کِیتا۔ تے تُرنّس دے مدرسہ وِچ روز بحث کر دا سی۔

اعمال 22:4

مَیں بندیاں تے زنانِیاں نُوں بَنّھ بَنّھ کے قیدخانے وِچ پا پا کے ایس راہ والیاں نُوں مَوت تِیکر ستایا۔

اعمال 24:14

پر ایہہ مَیں تیرے اگّے مَن لینا آں۔ پئی جِس راہ نُوں اوہ بِدعت آکھدے نیں۔ مَیں اوسے دے مطابق اپنے پئیو دادیاں دے خُدا دی سیوا کرنا آں۔ تے جو کُجھ توریت تے نبیاں دِیاں کِتاباں وِچ لِکھیا ہویا اے۔ اوس سارے اُتّے میرا اِیمان اے۔

رُومِیوں 2:24

کیوں جو لِکھیا ہویا اے۔ پئی تُہاڈے سبّب غیر قوماں وِچ خُدا دے ناں دی بے عِزّتی کِیتی جاندی اے۔

۱-تِیمُتِھیُس 5:14

سو مَیں چاہناں آں۔ پئی مُٹیار رَنڈِیاں ویاہ کر لین۔ تے اولاد جمّن تے گھر دا بندوبست کرن۔ تے کوئی وَیری بھلا بُرا نا آکھ سکے۔

طِطُس 2:5

تے پرہیزگار۔ تے پاک۔ تے گھر دے کمّ کرن والیاں۔ تے مہربان ہون۔ تے اپنے اپنے گھر والیاں دے حُکم وِچ رہن تاں جو خُدا دا کلام بدنام نا ہوئے۔

طِطُس 2:8

تے اجیہا نیک کلام ہوئے جیہڑا الزام ہیٹھ نا آوے۔ تاں جو مخالف ساڈے اُتّے کوئی عیب نا لاسکن سگوں شرمندے ہون۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۲-پطرس 2:12

سگوں ایہہ لوک بے عقل جنَوراں وانگر نیں جیہڑے پھڑے جان تے ہلاک ہون لئی پَیدا ہوئے نیں۔ جِنہاں گلّاں توں ناواقِف نیں اوہناں دی بابت ہورناں نُوں طعنے مِہنے دیندے نیں۔ پر اپنی خرابی وِچ آپ ای خراب کِیتے جان گے۔

۲-پطرس 2:15

اوہ سِدّھا راہ چھڈ کے بدراہ ہوگئے نیں۔ تے بعُور دے پُتر بِلعام دے راہ اُتّے ٹُرے جِس ناراستی دی مزدُوری نُوں پیارا جانیا۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

۲-پطرس 2:21

کیوں جو راستبازی دے راہ دا نا جاننا اوہناں دے لئی ایہدے توں چَنگا ہوندا۔ پئی اوہنوں جان کے اوس پاک حُکم توں پھر جاندے جیہڑا اوہناں نُوں مِلیا سی۔

۲-پطرس 2:7

تے سَچیار لُوط نُوں جیہڑا بے دِیناں دے پلِیت چال چَلّن توں اَکیّا ہویا سی خلاصی بخشی۔

یہُوداہ 1:10

پر ایہہ جِنہاں گلّاں نُوں نئیں جان دے اوہناں نُوں بَھنڈدے نیں۔ تے جِنہاں نُوں بے عقل جنَوراں وانگُوں قُدرتی طَور اُتّے سمجھدے نیں اوہناں وِچ خراب ہو جاندے نیں۔

یہُوداہ 1:15

پئی سارے بندیاں دی عدالت کرے تے بے دِیناں نُوں اوہناں دی بے دِینی دے سارے کمّاں پِچّھے قصور وار ٹھہرائے جیہڑے اوہناں بے دِینی نال کِیتے نیں۔ تے اوہناں سارِیاں ڈاہڈِیاں گلّاں دے پِچّھے جیہڑیاں بے دِین گُناہِیاں اوہدے برخلاف کِیتیاں سن۔

یہُوداہ 1:4

کیوں جو کئی اجیہے بندے چُپ کِیتے ساڈے وِچ آ وڑے نیں۔ جِنہاں دی ایس سزا دا چَرچا پرانے زمانے توں پہلاں لِکھیا گیا سی۔ ایہہ بے دین نیں تے ساڈے خُداوند دے فضل نُوں لُچ پُناں بناندے نیں۔ تے ساڈے اِکّو مالک تے خُداوند یِسُوع مسِیح توں مُکّر جاندے نیں۔

یہُوداہ 1:7

ایسے طرح سدُوم تے عمُورہ تے اوہناں دے آلے دوالے دے شہر جیہڑے اوہناں وانگر حرامکاری وِچ پَے گئے تے پرائے جِسم مگر لگ پئے۔ سدا دی اَگ دی سزا جَھل کے اِک مِثال بنے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 13:14

تے زمین دے رہن والیاں نُوں اوہناں نشاناں دے نال جیہڑے اوس پشُو دے سامھنے وکھان دا اوہنوں اختیار دِتّا گیا سی ایس طرح بدراہ کر دیندا سی پئی زمین دے رہن والیاں نُوں آکھدا سی پئی جِس پشُو نُوں تلوار لگّی سی تے اوہ جِیوپیا اے اوہدا بُت بناؤ۔

مُکاشفہ 13:8

تے زمین دے اوہ سارے رہن والے اوہدی پُوجا کرن گے جِنہاں دے ناں اوس لیلے دی حیاتی دی کتاب وِچ لِکھے نئیں سن گئے جیہڑا دُنیا دے مُڈھ توں پہلاں ہلال ہویا ہویا اے۔