۲-پطرس 1:9 - پنجابی نواں عہد نامہ نظرثانی شدہ چھپائی

⁹ تے جِہدے وِچ ایہہ گلّاں نا ہون اوہ اَنھا تے مَٹّھی نظر والا اے تے اپنے پرانے گُناہ توں پاک ہونا بُھل گیا۔

۲-پطرس 1:9 ပူးပေါင်းရင်းမြစ်များ

مرقس 10:21

یِسُوع اوہدے ولّ ویکھ کے اوہنوں پیار کِیتا۔ تے اوہنوں آکھیا تیرے وِچ اِک گلّ دا گھاٹا اے۔ جا۔ تے جو کُجھ تیرا اے۔ ویچ تے غرِیباں نُوں دے۔ تے تینُوں اسمان وِچ خزانہ مِلے گا۔ تے آ۔ میرے پِچّھے ٹُر پَو۔

لُوقا 18:22

یِسُوع سُن کے اوہنوں آکھیا۔ تے وی اجے تیرے وِچ اِک گلّ دی کسر اے۔ اپنا سبھ کُجھ ویچ تے غرِیباں نُوں دے دے تے تینُوں اسمان وِچ خزانہ مِلے گا۔ تے آ کے میرے مگر ٹُر پَو۔

رُومِیوں 6:11

ایسے طرح تُسی وی اپنے آپ نُوں گُناہ ولّوں مُردے پر مسِیح یِسُوع وِچ خُدا واسطے جِیوندے سمجھو۔

گلتِیوں 5:13

بھراؤ! تُسی اَزادی لئی سَدّے گئے سو پر اجیہا نا ہوئے پئی اوہ اَزادی جِسم دِیاں گلّاں دا موقع بنے۔ سگوں پیار نال اِک دُوجے دی سیوا کرو۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

اِفسِیوں 5:26

تاں جو اوہنوں کلام دی راہِیں پانی نال نوھا کے تے صاف کر کے پاک بنائے۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

۱-پطرس 3:21

تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔

۱-یُوحنّا 1:7

پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

مُکاشفہ 3:17

تے ایس واسطے پئی توں آکھنا ایں پئی مَیں دَولت مند آں تے مالدار بن گیا آں تے تینُوں کِسے شے دی لوڑ نئیں۔ تے ایہہ نئیں جان دا پئی تُوں بد نصیب تے خوار تے غرِیب تے اَنھا تے ننگا ایں۔