۲-پطرس 1:5 - پنجابی نواں عہد نامہ نظرثانی شدہ چھپائی

⁵ سو ایس کر کے تُسی اپنے ولّوں بڑی کوشش کر کے اپنے اِیمان اُتّے نیکی وَدھاؤ۔ تے نیکی اُتّے عِلم۔

۲-پطرس 1:5 ပူးပေါင်းရင်းမြစ်များ

لُوقا 16:26

تے ایہناں سارِیاں گلّاں دے بِناں ساڈے تُہاڈے وِچ اِک وڈّی کھڈ پئی ہوئی اے پئی اوہ جیہڑے ایتھوں تُہاڈے ولّ لنگھناں چاہن اوہ نا لنگھ سکن۔ تے نا اودھروں کوئی ساڈے ولّ اُراں آوے۔

لُوقا 24:21

پر سانُوں آس سی پئی ایہہ اوہو اے۔ جیہڑا اِسرائیل نُوں چُھٹکارا دے گا تے ایہناں سارِیاں گلّاں دے سِوا ایس حال گُذرے نُوں ہُن ترِیجا دِن جاندا اے۔

یُوحنّا 6:27

فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

اِفسِیوں 5:17

ایس سبّب بال نا رہو۔ سگوں خُدا دی مرضی نُوں سمجھو۔ پئی کِیہ اے۔

فِلِپّیوں 1:9

تے ایہہ دُعا کرنا آں پئی تُہاڈی مُحبّت عِلم تے ہر طرح دی پچھان نال ہور وی وَدّھدِی جاوے۔

فِلِپّیوں 2:12

سو میرے پیاریو۔ جیویں مُڈھوں ای تُسی تابعداری کر دے رہے ہو اوسے طرح ہُن وی نا نِرے میرے ہوندیاں سگوں ایہدے نالوں وَدّھ میرے نا ہوندیاں ڈردے تے کمبدے ہوئے اپنی نجات دا کمّ کر دے جاؤ۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

کُلُسِّیوں 1:9

ایس کر کے جد توں اساں سُنیا اے۔ اسی تُہاڈے لئی دُعا تے مِنّت کرنی نئیں چھڈ دے۔ پئی تُسی ساری رُوحانی حِکمت تے سمجھ نال اوہدی مرضی دے عِلم نال بھر جاؤ۔

کُلُسِّیوں 2:3

جِہدے وِچ حِکمت تے عِلم دے سارے خزانے چُھپے ہوئے نیں۔

عِبرانیوں 11:6

تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔

عِبرانیوں 12:15

دھیان نال ویکھدے رہو۔ پئی کوئی بندہ خُدا دے فضل توں خالی نا رہ جائے۔ اینج نا ہوئے۔ پئی کوئی کَوڑی جڑ پُھٹ کے تُہانوں دُکھ دے تے اوہدے سبّب بُہتے لوک پلِیت ہو جان۔

عِبرانیوں 6:11

اسی ایس گلّ دی چاہ کرنے آں۔ پئی تُہاڈے وِچوں ہر کوئی پُوری آس دے لئی اوڑک تِیکر ہر طرح کوشش ظاہر کر دا رہے۔

۱-پطرس 3:7

گھر والیو! تُسی وی اپنیاں زنانِیاں نال عقل نال وسّیا کرو تے زنانی نُوں کمزور جان کے اوہدی عِزّت کرو تے ایسے طرح سمجھو پئی اسی دونویں زِندگی دی نِعمت دے وارث آں۔ تاں جو تُہاڈیاں دُعاواں رُک نا جان۔

۲-پطرس 1:10

سو بھراؤ! اپنے بُلاوے تے برگزیدگی نُوں ثابت کرن دی وَدّھ کے کوشش کرو۔ کیوں جو جے تُسی ایس طرح کرو۔ تے کدی وی ٹھیڈا نا کھاؤ گے۔

۲-پطرس 1:11

سگوں ایس توں تُسی ساڈے خُداوند تے نجات دین والے یِسُوع مسِیح دی سدا دی بادشاہی وِچ بڑی عِزّت نال داخل کِیتے جاؤ گے۔

۲-پطرس 3:14

سو پیاریو! ایس کر کے پئی تُسی ایہناں گلّاں دی اوڈِیک وِچ ہو اوہدے اگّے تسلّی دی حالت وِچ بِناں داغ تے بے عیب ہون دی کوشش کرو۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔