۲-پطرس 1:4 - پنجابی نواں عہد نامہ نظرثانی شدہ چھپائی

⁴ تے اوہناں دی راہِیں اوس ساڈے نال قِیمتی تے بتھیرے وڈّے وعدے کِیتے۔ تاں جو اوہناں دی راہِیں تُسی اوس خرابی توں چُھٹ کے جیہڑی دُنیا وِچ بُری خواہش دے سببّوں اے۔ اوہناں دی راہِیں ذاتِ اِلہٰی وِچ سنگی ہو جاؤ۔

۲-پطرس 1:4 ပူးပေါင်းရင်းမြစ်များ

رُومِیوں 9:4

اوہ تے اِسرائیلی نیں۔ پُتریلے ہونا تے جلال تے عہد تے شریعت دا سونپیا جانا تے عبادت تے وعدے اوہناں دے نیں۔

۲-کُرِنتھِیوں 1:20

کیوں جو خُدا دے جِنّے وعدے نیں۔ اوہ سارے اوہدے وِچ ہاں دے نال نیں۔ ایس کر کے اوہدی راہِیں آمِین وی ہوئی۔ تاں جو ساڈی راہِیں خُدا دا جلال ہوئے۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 6:17

ایس واسطے خُداوند آکھدا اے پئی ایہناں وِچوں نِکل کے وکھرے رہو تے ناپاک شے نُوں ہتّھ نا لاؤ۔ تے مَیں تُہانوں قبول کر لاں گا۔

گلتِیوں 3:16

ہُن ابرہام تے اوہدی نسل نال وعدے کِیتے گئے اوہ ایہہ نئیں آکھدا پئی تیریاں نسلاں نال جِیکن چوکھیاں نیں۔ سگوں تیری نسل نال جیویں اِک نال تے اوہ مسِیح اے۔

گلتِیوں 6:8

جیہڑا اپنے جِسم لئی بِیجدا اے اوہ جِسم توں ہلاکت دا پَھل وَڈّھے گا۔ تے جیہڑا رُوح لئی بِیجدا اے۔ اوہ رُوح توں سدا دی زِندگی دا پَھل وڈّے گا۔

اِفسِیوں 4:13

جدوں تِیکر اسی سارے خُدا دے پُتر تے اِیمان تے اوہدی پچھان وِچ اِک نا ہو جائیے تے پُورے اِنسان یعنی مسِیح دے پُورے قد جیڈے نا ہو جائیے۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔

عِبرانیوں 12:10

اوہ تے تھوڑے چِر تِیکر اپنی سمجھ نال جِھڑکدے سن پر ایہہ ساڈے فائدے لئی کر دا اے۔ پئی اسی وی اوہدی پاکیزگی وِچ شامل ہو جائیے۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

یعقُوب 1:27

ساڈے خُدا تے باپ دے اگّے پاک تے بے نُقص دِینداری ایہہ اے پئی دُکھ دے ویلے یتِیماں تے رَنڈِیاں دی خبر لئیے۔ تے اپنے آپ نُوں دُنیا وِچ بے نُقص رکھیے۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۲-پطرس 3:13

پر اوہدے وعدے دے سببّوں اسی نَوِیں اسمان تے نَوِیں زمین دی اوڈِیک وِچ آں جِہدے وِچ راستبازی وَسدی اے۔

۲-پطرس 3:9

خُداوند اپنے وعدے وِچ چِر نئیں لاندا جیویں بعضے سمجھدے نیں۔ سگوں تُہاڈی بابت صبر کر دا اے۔ ایس لئی پئی اوہ کِسے دی ہلاکت نئیں چاہندا۔ سگوں ایہہ چاہندا اے۔ پئی سارے تَوبہ کرن۔

۱-یُوحنّا 2:25

تے جیہڑی گلّ دا اوس ساڈے نال وعدہ کِیتا اے اوہ سدا دی زِندگی اے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔