۲-کُرِنتھِیوں 9:8 - پنجابی نواں عہد نامہ نظرثانی شدہ چھپائی

⁸ تے خُدا تُہاڈے اُتّے ہر طرح دا فضل بُہتا کر سکدا اے۔ تاں جو تُہانوں سدا ہر شے وادُھو مِلیا کرے۔ تے ہر نیک کمّ لئی تُہاڈے کول بُہت کُجھ موجُود رہیا کرے۔

۲-کُرِنتھِیوں 9:8 ပူးပေါင်းရင်းမြစ်များ

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

۱-کُرِنتھِیوں 15:58

سو میرے پیارے بھراؤ! پیراں اُتّے پکّے رہو۔ تے خُداوند دے کمّ وِچ سدا وَدھدے جاؤ۔ کیوں جو تُسی ایہہ جان دے ہو پئی تُہاڈی محنت خُداوند وِچ ایویں نئیں اے۔

۲-کُرِنتھِیوں 13:3

کیوں جو تُسی ایہدی دلیل چاہندے اوہ۔ پئی مسِیح میرے وِچ بولدا اے۔ تے اوہ ساڈے لئی کمزور نئیں۔ سگوں تُہاڈے وِچ زوراور اے۔

۲-کُرِنتھِیوں 8:19

تے نِرا اوہو ای نئیں سگوں اوہ کلِیسیاواں ولّوں ایس خَیرات دے سببّوں ساڈے نال سفر کرن والا مُقرّر ہویا تے اسی ایہہ خِدمت ایس لئی کرنے آں پئی خُداوند دا جلال تے ساڈا شَوق ظاہر ہوئے۔

۲-کُرِنتھِیوں 8:2

پئی مُصِیبت دی وڈّی ازمایش وِچ اوہناں دی بڑی خُوشی تے سخت غرِیبی نے اوہناں دی سخاوت نُوں حدّوں وَدّھ کر دِتّا۔

۲-کُرِنتھِیوں 8:7

سو جیویں تُسی ہر گلّ وِچ اِیمان تے کلام تے عِلم تے پُوری سرگرمی تے اوس مُحبّت وِچ جیہڑی ساڈے نال رکھدے ہو اگّے وَدّھ گئے ہو ایسے طرح ای ایس خَیرات دے کمّ وِچ وی اگّے وَدّھ جاؤ۔

۲-کُرِنتھِیوں 9:11

تُسی ہر شے نُوں وادھے نال لے کے سبھ طرح دی سخاوت کرو گے۔ جیہڑی ساڈی راہِیں خُدا دی شُکر گُزاری دا سبّب ہوندی اے۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 3:20

ہُن جیہڑا اِنج قُدرت والا اے۔ پئی اوس قُدرت دے سببّوں جیہڑی ساڈے وِچ اثر کر دی اے۔ ساڈی درخواست تے خیال توں بُہت وَدّھ کر سکدا اے۔

فِلِپّیوں 4:11

مَیں ایس لئی نئیں آکھدا کہ مَینُوں لوڑ ایہہ۔ کیوں جو مَیں ایہہ سِکھیا اے۔ پئی جیہڑے حال وِچ ہوواں اوسے وِچ راضی رہواں۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

۲-تھِسّلُنِیکوں 2:17

تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

۲-تِیمُتِھیُس 2:21

سو جیہڑا اوہناں توں وکھرا ہو کے اپنے آپ نُوں پاک کرے گا اوہ عِزّت دا بھانڈا ہوئے گا تے پاک بنے گا۔ تے مالک دے کمّ دے لائق تے ہر اِک نیک کمّ دے لئی تیار ہوئے گا۔

۲-تِیمُتِھیُس 3:17

تاں جو خُداوند دا بندہ کامِل بنے تے ہر اِک نیک کمّ دے واسطے بالکل تیار ہوئے۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 3:14

تے ساڈے لوک ضرُورتاں پُوریاں کرن لئی چَنگیاں کمّاں وِچ لگِیاں رہنا سِکھّن۔ تاں جو اوہ اپّھل نا ہون۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

۱-پطرس 4:10

جِنّی نِعمت کِسے نُوں مِلی اے اوہ اوہنوں خُدا دِیاں سارِیاں نِعمتاں دے چنگے نَوکراں وانگر دُوجے دی سیوا واسطے ورتیا کرے۔