۲-کُرِنتھِیوں 9:2 - پنجابی نواں عہد نامہ نظرثانی شدہ چھپائی

² کیوں جو مَیں تُہاڈا شَوق جاننا آں۔ جِہدے سبّب مَکِدُنیہ دیاں لوکاں اگّے تُہاڈے اُتّے فخر کرنا آں۔ پئی اَخیہ دے لوک پِچّھلے ورھے توں تیار نیں۔ تے تُہاڈی سرگرمی نے کئیاں لوکاں نُوں جوش دوایا۔

۲-کُرِنتھِیوں 9:2 ပူးပေါင်းရင်းမြစ်များ

اعمال 18:12

تے جد گلیّو اَخیہ دا صُوبے دار سی۔ یہُودی اِک صلاح کر کے پَولُس اُتّے چڑھ آئے۔ تے اوہنوں کچہری وِچ لے گئے۔

اعمال 24:17

تے بُہت ورھیاں پِچّھوں مَیں اپنی قوم نُوں خَیرات پُہنچان تے چڑھاوے چڑھان آیا۔

رُومِیوں 15:26

کیوں جو مَکِدُنیہ تے اَخیہ دے لوکاں نُوں ایہہ چَنگا لگّا۔ پئی اوہ یرُوشلِیم دے پاک لوکاں وِچوں جیہڑے غرِیب نیں اوہناں لئی چندہ کرن۔

۱-کُرِنتھِیوں 16:15

بھراؤ! تُسی ستِفناس دے ٹبّر نُوں جان دے اوہ۔ پئی اوہ اَخیہ دے پہلے پَھل نیں تے پاک لوکاں دی سیوا لئی تیار رہندے نیں۔

۲-کُرِنتھِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ تے بھرا تِیمُتِھیُس ولّوں خُدا دی اوس کلِیسیا دے ناں جیہڑی کُرِنتِھس وِچ اے۔ تے کُل اَخیہ دے ساریاں پاک لوکاں دے ناں۔

۲-کُرِنتھِیوں 7:14

تے جے مَیں اوہدے اگّے تُہاڈی بابت کُجھ فخر کِیتا تے شرمندہ نا ہویا سگوں جیویں اساں سارِیاں گلّاں تُہانوں سَچ سَچ آکھیاں ایسے طرح جیہڑا فخر اساں طِطُس دے اگّے کِیتا۔ اوہ وی سَچ نِکلیا۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

۲-کُرِنتھِیوں 8:10

تے مَیں ایس گلّ وِچ اپنی صلاح دینا آں کیوں جو ایہہ تُہاڈے لئی فائدے والی اے۔ ایس لئی پئی تُسی پِچّھلے ورھے توں نا نِرے ایس کمّ وِچ سگوں ایہدے اِرادے کرن وِچ وی پہلے سو۔

۲-کُرِنتھِیوں 8:11

سو ہُن ایس کمّ نُوں پُوریاں وی کرو۔ تاں جو جیویں تُسی اِرادہ کرن وِچ تگڑے سو۔ اوسے طرح قدر دے سببّوں اوہنوں پُوریاں وی کرو۔

۲-کُرِنتھِیوں 8:19

تے نِرا اوہو ای نئیں سگوں اوہ کلِیسیاواں ولّوں ایس خَیرات دے سببّوں ساڈے نال سفر کرن والا مُقرّر ہویا تے اسی ایہہ خِدمت ایس لئی کرنے آں پئی خُداوند دا جلال تے ساڈا شَوق ظاہر ہوئے۔

۲-کُرِنتھِیوں 8:24

سو اپنی اوہ مُحبّت تے ساڈا اوہ فخر جیہڑا تُہاڈے اُتّے اے کلِیسیاواں دے رُوبرُو اوہناں اُتّے ثابت کرو۔

۲-کُرِنتھِیوں 8:8

مَیں حُکم دے طَور نال نئیں آکھدا سگوں ایس لئی پئی ہورناں دی سرگرمی نال تُہاڈی مُحبّت وِچ سچیائی نُوں ازماواں۔

۱-تھِسّلُنِیکوں 1:7

ایتھوں تِیکر پئی مَکِدُنیہ تے اَخیہ وِچ سارے اِیمانداراں لئی نمونہ بن گئے۔

عِبرانیوں 10:24

تے مُحبّت تے نیک کمّاں ولّ اُکسان لئی اِک دُوجے دا خیال رکھیے۔