۲-کُرِنتھِیوں 8:9 - پنجابی نواں عہد نامہ نظرثانی شدہ چھپائی

⁹ کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

۲-کُرِنتھِیوں 8:9 ပူးပေါင်းရင်းမြစ်များ

متّی 17:27

پر ایس کر کے پئی ساڈے توں اوہناں نُوں ٹھوکر نا لگّے تُوں جا کے سمُندر وِچ کُنڈی سُٹ تے جیہڑی مچّھی پہلاں نِکلے تُوں پَھڑلَے۔ تے اوہدا مُنھ کھول تے تینُوں اِک مِثقال لَبھّے گا۔ اوہنوں لے کے میرے تے اپنے واسطے اوہناں نُوں دے۔

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 8:20

تے یِسُوع اوہنوں آکھیا لُومبڑِیاں کول گھورنے تے وَا دیاں پنچھیاں کول آہلنے۔ پر اِبنِ آدم کول تھاں نئیں اے جِتّھے سِر دھرے۔

مرقس 6:3

ایہہ اوہ ترکھان نئیں اے مریم دا پُتر۔ تے یعقُوب تے یوسیس تے یہُوداہ تے شمعُون دا بھرا؟ تے اوہدیاں بھیناں ایتھے ساڈے کول نئیں نیں؟ تے اوہناں اوہدے توں ٹھوکر کھادِی۔

لُوقا 16:11

سو جے تُسی جُھوٹھی دَولت وِچ وفادار نا ہوئے۔ تے سَچّی دَولت تُہانوں کون سونپے گا؟

لُوقا 2:7

تے اوس اپنا پلیٹھی دا پُتر جمّیا۔ تے اوہنوں پوتڑیاں وِچ لویٹ کے کُھرلی وِچ رکھیا کیوں جو سَراں وِچ اوہناں نُوں تھاں نئیں سی مِلیا۔

لُوقا 8:3

تے یُوأنہ ہیرودیس دے گھر دے مُختِیار خوزہ دی گھر والی تے سُوسنّاہ۔ تے ہور بتھیریاں سن جیہڑیاں اپنے مال نال اوہناں دی سیوا کر دیاں سن۔

لُوقا 9:58

یِسُوع اوہنوں آکھیا لُومبڑِیاں دے گھورنے تے وَا دیاں پینچھیاں دے آہلنے نیں۔ پر اِبنِ آدم لئی کُجھ نئیں جِتّھے اپنا سِر رکھّے۔

یُوحنّا 1:10

اوہ دُنیا وِچ سی تے دُنیا اوہدی راہِیں پَیدا ہوئی۔ تے دُنیا اوہنوں نا جانیا۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 12:30

یِسُوع جواب دِتّا ایہہ اواز میرے واسطے نئیں پر تُہاڈے واسطے آئی اے۔

یُوحنّا 16:15

سارِیاں شیواں جیہڑیاں باپ دِیاں نیں میرِیاں نیں۔ تَدے مَیں آکھیا پئی اوہ میرِیاں شیواں وِچوں لَیندا اے تے تُہانوں خبر دے گا۔

یُوحنّا 17:19

تے اوہناں دے سببّوں مَیں اپنے آپ نُوں مُقدّس کرنا آں تاں جو اوہ وی سچیائی دی راہِیں پاک ہون۔

رُومِیوں 11:12

تے جے اوہناں دی بُھل دُنیا وی دَولت ہوئی تے اوہناں دا گھٹنا غیر قوماں دی دَولت ہوئی۔ تے اوہناں دا وَدھنا ضرُور ای اوہناں دی دَولت دا سبّب ہوئے گا۔

رُومِیوں 15:3

کیوں جو مسِیح نے وی اپنے آپ نُوں خُوش نئیں کِیتا۔ پر جیویں لِکھیا ہویا اے۔ تیرے طعنے مارن والیاں دے طعنے میرے اُتّے آپئے۔

رُومِیوں 5:8

پر خُدا اپنی مُحبّت دی خُوبی ساڈے اُتّے ایس طرح ظاہر کر دا اے۔ پئی جد اسی اجے گُناہی ساں مسِیح ساڈے بدلے مویا۔

رُومِیوں 8:32

جِس اپنے ای پُتر نُوں بچا نا رکھیا۔ سگوں اوہنوں اساں سبھناں دے بدلے حوالے کِیتا سو اوہدے نال ای سانُوں سارِیاں شیواں وی کِیویں نا بخشے گا؟

۱-کُرِنتھِیوں 1:4

مَیں تُہاڈے لئی خُدا دے اوس فضل دے سببّوں جیہڑا مسِیح یِسُوع دی راہِیں تُہاڈے اُتّے ہویا۔ سدا اپنے خُدا دا شُکر کرنا آں۔

۱-کُرِنتھِیوں 15:47

پہلا بندہ زمین وِچوں یعنی خاکی سی دُوجا بندہ اسمانی اے۔

۲-کُرِنتھِیوں 13:14

خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

۲-کُرِنتھِیوں 6:10

اُداساں وانگر آں پر سدا خُوش رہنے آں۔ کنگالاں جیہے آں پر بتھیریاں نُوں دَولت مند کر دینے آں۔ ناداراں وانگر آں۔ تَد وی سبھ کُجھ رکھنے آں۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

اِفسِیوں 3:19

تے مسِیح دی راہِیں اوس مُحبّت نُوں جان سکو جیہڑی جانن توں پراں اے۔ پئی خُدا دی پُوری بھرپُوری تِیکر بھر جاؤ۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تِیمُتِھیُس 6:18

تے نیکی کرن تے چنگے کمّاں وِچ دَولتمند بنن تے سخی ہون نُوں تیار تے مدد کرن اُتّے قیم ہون۔

عِبرانیوں 1:2

ایہناں اخِیری دِناں وِچ ساڈے نال پُتر دی راہِیں بولیا۔ جِہنُوں اوس سارِیاں شیواں دا وارث بنایا۔ تے اوہدی راہِیں اوہنے جہان وی بنائے۔

یعقُوب 2:5

میرے پیارے بھراؤ! سُنو۔ خُدا ایس جہان دیاں غرِیباں نُوں اِیمان وِچ دَولتمند ہون لئی نئیں چُنیا؟ تے اپنے پیار کرن والیاں نال بادشاہی دا وارث ہون دا وعدہ نئیں کِیتا؟

مُکاشفہ 2:9

پئی مَیں تیری مُصِیبت تے غرِیبی نُوں جاننا آں (پر تُوں دَولتمند ایں) تے جیہڑے اپنے آپ نُوں یہُودی آکھدے نیں تے اوہ ہَین نئیں سگوں شیطان دی جماعت نیں اوہناں دِیاں طعنیاں مہِنیاں نُوں وی جاننا آں۔

مُکاشفہ 21:7

جیہڑا جِتّے اوہ ای ایہناں شیواں دا وارث ہوئے گا۔ تے مَیں اوہدا خُدا ہوواں گا۔ تے اوہ میرا پُتر ہوئے گا۔

مُکاشفہ 3:18

مَیں تینُوں صلاح دینا آں۔ پئی مَیتھوں اَگ وِچ تایا ہویا سونا مُل لے لے۔ پئی تُوں دَھنی ہو جائیں۔ تے چِٹّے کپڑے پا لے پئی اوہناں نُوں پا کے تُوں ننگے پن دی بے لہنگی توں بچیں۔ تے اَکھّیاں وِچ پان لئی سُرمہ لے پئی فیر سُجاکھا ہو جاویں۔