۲-کُرِنتھِیوں 8:8 - پنجابی نواں عہد نامہ نظرثانی شدہ چھپائی

⁸ مَیں حُکم دے طَور نال نئیں آکھدا سگوں ایس لئی پئی ہورناں دی سرگرمی نال تُہاڈی مُحبّت وِچ سچیائی نُوں ازماواں۔

۲-کُرِنتھِیوں 8:8 ပူးပေါင်းရင်းမြစ်များ

رُومِیوں 12:9

مُحبّت بِناں مکّارِیوں ہوئے۔ بُریائی توں نفرت کرو۔ بھلیائی نال چمبڑے رہو۔

۱-کُرِنتھِیوں 7:12

باقِیاں نُوں مَیں ای آکھنا آں نا خُداوند۔ پئی جے کِسے بھرا دی بیوی بے اِیمان ہوئے تے اوہدے نال رہن نُوں راضی ہوئے۔ تے اوہ اوہنوں نا چھڈے۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۱-کُرِنتھِیوں 7:6

پر ایہدے وِچ مَیں اجازت دینا آں۔ حُکم نئیں دیندا۔

۲-کُرِنتھِیوں 6:6

پاکیزگی نال۔ عِلم نال ۔تحمّل نال۔ مِہربانی نال۔ پاک رُوح نال۔ سَچّی مُحبّت نال۔

۲-کُرِنتھِیوں 8:10

تے مَیں ایس گلّ وِچ اپنی صلاح دینا آں کیوں جو ایہہ تُہاڈے لئی فائدے والی اے۔ ایس لئی پئی تُسی پِچّھلے ورھے توں نا نِرے ایس کمّ وِچ سگوں ایہدے اِرادے کرن وِچ وی پہلے سو۔

۲-کُرِنتھِیوں 8:24

سو اپنی اوہ مُحبّت تے ساڈا اوہ فخر جیہڑا تُہاڈے اُتّے اے کلِیسیاواں دے رُوبرُو اوہناں اُتّے ثابت کرو۔

۲-کُرِنتھِیوں 9:2

کیوں جو مَیں تُہاڈا شَوق جاننا آں۔ جِہدے سبّب مَکِدُنیہ دیاں لوکاں اگّے تُہاڈے اُتّے فخر کرنا آں۔ پئی اَخیہ دے لوک پِچّھلے ورھے توں تیار نیں۔ تے تُہاڈی سرگرمی نے کئیاں لوکاں نُوں جوش دوایا۔

۲-کُرِنتھِیوں 9:7

جِنّاں کِسے اپنے دِل وِچ ٹھہرایا اے۔ اوناں ای دیوے رنج ہو کے نئیں تے نا لاچاری نال۔ کیوں جو خُدا خُوشی نال دین والے نُوں پیار کر دا اے۔

اِفسِیوں 4:15

سگوں مُحبّت تے سچیائی اُتّے چَل کے اوہدے وِچ جیہڑا سِر اے۔ مطلب اے مسِیح وِچ سبھنیں گلِّیں وَدھدے جائیے۔

اِفسِیوں 6:24

جیہڑے ساڈے خُداوند یِسُوع مسِیح نال سدا قیم رہن والی مُحبّت رکھدے نیں۔ اوہناں ساریاں اُتّے فضل ہوئے۔

عِبرانیوں 10:24

تے مُحبّت تے نیک کمّاں ولّ اُکسان لئی اِک دُوجے دا خیال رکھیے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔