۲-کُرِنتھِیوں 8:3 - پنجابی نواں عہد نامہ نظرثانی شدہ چھپائی

³ تے مَیں گواہی دینا آں پئی اوہناں قدر دے سببّوں سگوں قدروں وَدّھ کے اپنی خُوشی نال دِتّا۔

۲-کُرِنتھِیوں 8:3 ပူးပေါင်းရင်းမြစ်များ

مرقس 14:8

جو کُجھ اوہدے توں بن پیا۔ اوس کِیتا۔ اوس پہلاں لئی میرے بدن اُتّے میرے کفنان دفنان لئی عِطر لا دِتّا۔

اعمال 11:29

تَد شاگِرداں وِچوں ہر اِک نے اپنی اپنی توفِیق دے سببّوں ایہہ ٹھہرایا۔ پئی اوہناں بھراواں کول جیہڑے یہُودیہ وِچ رہندے نیں کُجھ مدد واسطے گھلِئے۔

رُومِیوں 10:2

کیوں جو مَیں اوہناں دا گواہ آں پئی اوہناں نُوں خُدا دی بابت غیرت تے ہے۔ پر عِلم دے سببّوں نئیں۔

۱-کُرِنتھِیوں 16:2

ہفتے دے پہلے دِن تُہاڈے وِچوں ہر اِک اپنے قدر سیتی کُجھ اپنے کول رکھ چھڈے تاں جو میرے آؤن اُتّے چندے نا کرنے پَین۔

۱-کُرِنتھِیوں 9:17

کیوں جو جے اپنی مرضی نال ایہہ کرنا آں۔ تے میرے لئی بدلہ اے تے جے اپنی مرضی نال نئیں کر دا۔ تے مُختیاری میرے سپُرد ہوئی اے۔

گلتِیوں 4:15

سو تُہاڈی اوہ خُوشی کِتّھے گئی؟ مَیں تُہاڈا گواہ آں پئی جے ہو سکدا تے تُسی اپنیاں اَکھّیاں وی کڈھ کے مَینُوں دے دیندے۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

کُلُسِّیوں 4:13

مَیں اوہدا گواہ آں پئی اوہ تُہاڈے تے لَودِیکیہ تے ہِیراپُلس دے لوکاں لئی بڑی محنت کر دا اے۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔

فلِیمون 1:14

پر تیری مرضی باہجوں کُجھ کرنا نئیں ساں چاہندا تاں جو تیرا چَنگا کمّ لاچاری نال نئیں سگوں خُوشی ناں ہوئے۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔

۱-پطرس 5:2

پئی خُدا دے اوس اِجّڑ دی رکھوالی کرو۔ جیہڑا تُہاڈے وِچ اے۔ لاچاری نال نِگہبانی نا کرو۔ سگوں خُوش ہو کے خُدا دی مرضی نال۔ تے ناجائز نفع واسطے نئیں سگوں دِل دے شَوق نال۔