۲-کُرِنتھِیوں 8:23 - پنجابی نواں عہد نامہ نظرثانی شدہ چھپائی

²³ جے کوئی طِطُس دی بابت پُچھے۔ تے اوہ میرا سِیری تے تُہاڈے واسطے میرے نال خِدمت کرن والا اے۔ جے ساڈیاں بھراواں دی بابت پُچھیا جاوے۔ تے اوہ کلِیسیاواں دے گھلّے ہوئے تے مسِیح دا جلال نیں۔

۲-کُرِنتھِیوں 8:23 ပူးပေါင်းရင်းမြစ်များ

لُوقا 5:10

تے ایسے طرح زبدی دے پُتر یعقُوب تے یُوحنّا جیہڑے شمعُون دے سنگی سن۔ تَد یِسُوع شمعُون نُوں آکھیا۔ نا ڈر ایدوں اگّے تُوں بندیاں نُوں پھڑن والا بنے گا۔

لُوقا 5:7

تَد اوہناں اپنے سَنگیاں نُوں جیہڑے دُوجی بیڑی اُتّے سن سینت ماری پئی آؤ تے ساڈی مدد کرو۔ اوہ آئے تے دونویں بیڑیاں اینِیاں بھر دِتّیاں پئی ڈُبن لگِیاں۔

یُوحنّا 13:16

مَیں تُہانوں سَچ سَچ آکھنا آں پئی نوکر اپنے مالک نالوں وَڈا نئیں اے تے نا گھلّیا ہویا اپنے گھلّن والے نالوں۔

۱-کُرِنتھِیوں 11:7

بے شک مرد نُوں اپنا سِر ڈھکنا نئیں چاہیدا کیوں جو اوہ خُدا دی صُورت تے اوہدا جلال اے۔ پر عورت مرد دا جلال اے۔

۲-کُرِنتھِیوں 12:18

مَیں طِطُس نُوں سمجھا کے اوہدے نال اوس بھرا نُوں گھلّیا۔ سو طِطُس تُہاڈے کولوں دغے نال کُجھ لے لیا؟ ساڈے دوہاں دا چال چَلّن اِکّو ای رُوح دی ہدایت دے سببّوں نئیں سی؟ اسی اِکّو ای کُھرے اُتّے نا ٹُریئے؟

۲-کُرِنتھِیوں 7:6

تَد وی عاجزاں نُوں تسلّی دین والے یعنی خُدا نے طِطُس دے آؤن نال سانُوں تسلّی دِتّی۔

۲-کُرِنتھِیوں 8:16

خُدا دا شُکر اے جیہڑا طِطُس دے دِل وِچ تُہاڈے واسطے اوہو جیہی ای سرگرمی پَیدا کر دا اے۔

۲-کُرِنتھِیوں 8:18

تے اساں اوہدے نال اوس بھرا نُوں گھلّیا۔ جِہدی وڈیائی خُوشخبری دے سبّب سارِیاں کلِیسیاواں وِچ ہوندی اے۔

۲-کُرِنتھِیوں 8:19

تے نِرا اوہو ای نئیں سگوں اوہ کلِیسیاواں ولّوں ایس خَیرات دے سببّوں ساڈے نال سفر کرن والا مُقرّر ہویا تے اسی ایہہ خِدمت ایس لئی کرنے آں پئی خُداوند دا جلال تے ساڈا شَوق ظاہر ہوئے۔

۲-کُرِنتھِیوں 8:22

تے اساں اوہناں نال اپنے اوس بھرا نُوں گھلّیا اے۔ جِہنُوں اساں بُہت سارِیاں گلّاں وِچ کئی وار ازما کے سرگرم ویکھیا اے پر ایس کر کے پئی اوہنوں تُہاڈے اُتّے بھروسا اے۔ ایس لئی ہُن بُہت وَدّھ سرگرم اے۔

۲-کُرِنتھِیوں 8:6

ایس واسطے اساں طِطُس نُوں نصِیحت کِیتی پئی جیویں اوس پہلاں شُروع کِیتا سی اوسے طرح ای تُہاڈے وِچ ایس خَیرات دے کمّ نُوں پُوریاں وی کرے۔

فِلِپّیوں 2:25

تے مَیں اِپفُردِتُس نُوں تُہاڈے کول گھلّنا ضرُوری سمجھیا ایہہ میرا بھرا تے کمّ کرن وِچ میرا سنگی تے میرے نال دا سپاہی تے تُہاڈے ولّوں گھلّیا ہویا تے میرِیاں لوڑاں پُوریاں کرن لئی ٹہلیا اے۔

فِلِپّیوں 4:3

ہَلا اَے میرے سَچّے ساتھی تیرے اگّے وی عرض کرنا آں۔ پئی تُوں اوہناں زنانِیاں دی مدد کر کیوں جو اوہناں میرے نال خُوشخبری سُنان وِچ کلیمینس تے میرے اوہناں باقی ساتھِیاں سَنے جان مار کے محنت کِیتی۔ جِنہاں دے ناں زِندگی دی کتاب وِچ لِکھے ہوئے نیں۔

کُلُسِّیوں 1:7

جیویں تُساں ساڈے پیارے ساتھی اِپَفراس کولوں سُنیا اے۔ جیہڑا ساڈے ولّوں مسِیح دا دیانتدار نوکر اے۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۲-تِیمُتِھیُس 4:10

کیوں جو دِیماس ایس دُنیا نُوں پیار کر کے مَینُوں چھڈ کے تھِسّلُنِیکے نُوں ٹُر گیا۔ تے کریسکینس گلِتیہ نُوں تے طِطُس دِلمتیہ نُوں۔

طِطُس 1:4

طِطُس دے ناں جیہڑا اِیمان دی سانجھ وِچ میرا سَچّا پُتر اے۔ خُدا باپ تے ساڈے نجات دین والے مسِیح یِسُوع ولّوں فضل تے تسلّی ہوئے۔

فلِیمون 1:17

سو جے تُوں مَینُوں سنگی جاننا ایں تے اوہنوں اجیہا قبول کر جِہیا مَینُوں۔

فلِیمون 1:24

تے مرقس تے ارِسترخُس تے دِیماس تے لُوقا جیہڑے میرے نال کمّ کرن والے نیں۔ تینُوں سلام آکھدے نیں۔

۳-یُوحنّا 1:8

سو سانُوں چاہیدا اے۔ پئی ایہو جِہیاں دی حمایت کریئے۔ تاں جو اسی وی سچیائی دے نال کمّ کرن والے ہویئے۔